Apocalipsis 17:17 - TÄ̧DO Ä̧CUÄ̧ I̧HUȨNȨ

¹⁷ Jahuätö ttami iso'quinä jȩi̧nä̧u̧ Dios, churutä pä̧huä̧ rö̧jo̧mȩnä̧ jȩtta̧ pä'ö ji̧nä̧ yo̧mȩtȩnä̧ amöcuädö, ruhuotö ttujuru ja̧u̧ pä̧i̧cua̧ i̧sa̧rö̧ ttiyomenä, Dios päinö ta'anö 'cuäopome jubö päi'önä.

Nuevo Testamento Uwotjüja

¹⁷ Jua'amä̧, Dio-mä̧ churutä pä̧wä̧rü̧jo̧mȩnä̧, juätü to̧mü̧rȩ ruwä ruwotü tta̧mi̧ iso'kinä̧ wea'attü̧ ja̧'wa̧nü̧ jȩttü̧nä̧ iyinä̧u̧: Ji̧nä̧ ji̧yȩtȩnä̧ amükuädü i̧sa̧ büorü uruwo ttiya pä'ü. Ja̧'wa̧nü̧ jo̧mȩnä̧, i̧sa̧ büorü ttukuotäkuotü, Dio amükuädinü̧ jo̧mȩnü̧ päi'ünä̧.

Apocalipsis 17:17 Referans Kwoze

Apocalipsis 10:7

Ka̧ra̧ ángel ko̧ro̧mö̧ttö̧nö̧ ta̧ju̧nu̧ päi'önä jo̧mȩ päi'omenä, öäre trompeta ppöa pä'ö, Dios yä̧huä̧i̧nä̧ u̧ju̧nä̧ri̧nö̧ huȩnȩ, chutä umöhuäyotö i̧huȩnȩ jiäcuähuä isotörö jiähuinö huȩnȩ, täcö 'cuäopäcua'a jä̧cua̧'a̧, —pä'inö.

2 Corintios 8:16

Diosrö esehuätöjä jitämä. Dios Tito ami iso'quinä ucuocu hue'inödo Titorö, ucuturu rö̧ȩnä̧ amöcuäda pä'ö ttö chamöcuädö ta'anö.

San Juan 13:2

Ähuettämä Judas Iscariote, Simón i̧tti̧rö̧, ami iso'quinä hue'inö Jesúsru suronä jȩpä̧tö̧rö̧ iya pä'ö.

Apocalipsis 17:13

Pitö to̧mö̧rȩ ruhuä ruhuotömä ji̧nä̧ yo̧mȩtȩnä̧ amöcuädätö. Jahuätö ttujuru'inä, huettö'inä ttiyäcuotö ja̧u̧ pä̧i̧cua̧ i̧sa̧rö̧.

San Juan 13:18

“Ucutu o'ca toi'önärö ji'ähuocösä. Odipinä̧u̧ru̧ huo̧jua̧sä̧ ttömä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ 'cuäopäcua'a pä'ösä. Ja̧u̧ huȩnȩ päa'a: “Ya̧tȩ ttöcu cumä, cha̧bo̧i̧ya̧ pä'i'äji.”

San Lucas 22:22

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a.

Apocalipsis 15:1

Mo̧ro̧jä̧ra̧'a̧ttö̧ koro juäi, adihuä juäi, tottocö juäi i̧jȩcua̧'a̧ topinösä. Ko̧ro̧mö̧ttö̧nö̧ ta̧ju̧nu̧ ángeles ko̧ro̧mö̧ttö̧nö̧ todäre surojö 'cuäopä̧cuȩ 'chu̧ttä̧ra̧'a̧ topinösä. Ja̧u̧tä̧ Dios ö̧ra̧huä̧rä̧cua̧'a̧ röjinä.

San Juan 19:28

Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

San Juan 19:24

Jahuätö su̧ro̧da̧u̧ ttamönä pä'ähuinätödö: —Seropö ticu juiyätucua pä'ätucui. Dittö jueö päaja pä'ö totätucua. Ja̧'hua̧nö̧ jȩtto̧mȩnä̧, Huȩyu̧cuä̧ Huȩnȩ päö'a̧nö̧ jȩpi̧nä̧tö̧do. Ja̧u̧ Huȩnȩ päa'a: “Chö̧'ca̧tä̧huä̧ti̧yu̧ dittö jueö päaja pä'ö iyä'chäcuähuinätödo.” Ja̧'hua̧nö̧ jȩpi̧nä̧tö̧do su̧ro̧da̧u̧mä̧.

San Juan 10:35

Iso päi'önä Huȩyu̧cuä̧ Huȩnȩ päömä yoröiso ä̧ppö̧tä̧rä̧cuä̧huo̧cö̧ huo̧juä̧tö̧jä̧. Dios, pi̧jä̧ ttö̧ja̧rö̧, chutä i̧huȩnȩ jiähuinä̧u̧ru̧ dioses huotöjä pä'inödo.

San Lucas 22:37

Ucuturu pä'ösä, Huȩyu̧cuä̧ Huȩnȩ ttörö päö'a̧nö̧ 'cuäopäcua'a. Ja̧u̧ huȩnȩ päa'a: “Ttö̧ja̧ pä'inätö, ¿ja̧u̧'i̧nä̧ suronä jȩpi̧nö̧ tä̧ji̧?” Iso päi'önä o'ca juiyönä ttörö Huȩyu̧cuä̧ Huȩnȩ päö'a̧nö̧ 'cuäopäcua'a.

San Lucas 22:3

Ja̧'hua̧ ja̧'a̧ttö̧ Satanás Judasrö do'ächi'ö hue'inödo. Judas koro i̧mi̧ Iscariote mi̧cui̧nö̧do. Ja̧u̧ ttö̧jä̧pö̧ttö̧nö̧ ta̧ju̧ hue'ähuotöttö i̧sa̧ pi̧nö̧do.

Apocalipsis 6:11

Ja̧'hua̧nö̧ pättö o'ca'a, ttö̧'ca̧tä̧huä̧ti̧yu̧ teö ö̧ta̧ ttiyinä̧u̧. Ja̧'hua̧ta̧nö̧ ji̧nä̧ a̧'u̧cua̧'a̧tä̧ 'cuä'ächi'ö tta̧ttä̧ra̧ pä'ö pättinä̧u̧, korotörö'inä Cristorö ttesetomenä, jahuätörö cuä'ö tticuinö ta'anö cuä'ö tticuäcua'a o'ca toi'önä jo̧mȩnä̧ päi'a pä'ö.

Apocalipsis 19:9

Ja̧'hua̧ ja̧'a̧ttö̧ ya̧tȩ ángel ttörö pä'inö: —Huȩyu̧ti̧: “Cordero irecuarö ȩmä̧cua̧'a̧ fiesta jȩtta̧ pä'ö huottinä̧u̧mä̧, eseunu ttö̧ja̧cuä̧cuo̧tö̧.” Ja̧'hua̧ta̧nö̧ ttörö pä'inö: —Pi̧yȩ huȩnȩ, Dios iso päi'önä päinö huȩnȩ.