Apocalipsis 17:14 - TÄ̧DO Ä̧CUÄ̧ I̧HUȨNȨ

¹⁴ Chutä Corderorö ttörohuähuäcuotö. Ja̧'hua̧nö̧ ttörohuähuomenä, chutä Corderotä u̧ju̧ru̧huä̧cua̧, o'ca toi'önä Ttu̧ru̧hua̧ päi'önä ö̧ja̧'a̧ttö̧. Ja̧'hua̧ta̧nö̧ chutäcu cue'ächätömä, Diostä huopö ȩmi̧nä̧u̧. Adiunätä cue'ächätö.

Nuevo Testamento Uwotjüja

¹⁴ Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 17:14 Referans Kwoze

Romanos 8:30

Ja̧'hua̧ta̧nö̧ äcuomenä päi'önä Dios 'quȩpi̧nä̧u̧ru̧mä̧ huopinödo. Huoinä̧u̧ru̧mä̧ jȩpi̧nö̧do chutäcu ji̧nä̧ ji̧yȩtȩ huotö tta pä'ö. Ja̧'hua̧ta̧nö̧ chutäcu ji̧nä̧ ji̧yȩtȩ huotörö iyinö doächäcuähuä mo̧ro̧jä̧ra̧'a̧.

1 Timoteo 6:15

Chutä Cristomä Diosrö pä̧huä̧ rö̧jo̧mȩnä̧ i̧chä̧cua̧. Dios chu ä̧cua̧tä̧ adihuä i̧sa̧mä̧, o'ca juiyönä ju̧ru̧hua̧mä̧. Chutä o'ca toi'önä Ttu̧ru̧hua̧do.

San Mateo 22:14

Iso päi'önä Dios recuätörö huomenä, a̧'u̧cu̧nä̧tä̧ esetätödo, —pä'inödo Jesús.

Apocalipsis 3:21

O'ca toi'önä pi̧jä̧ttö̧'i̧nä̧ abonänö juruhuätömä, ttöcu chi̧dȩä̧cä̧nä̧ chö̧'o̧mȩnä̧, chippeyänä ttö̧'ä̧mä̧da̧ pä'ö, ttö pi̧jä̧ttö̧'i̧nä̧ abonänö chujuruhuomenä, Chä'o i̧dȩä̧cä̧nä̧ ö̧'o̧mȩnä̧ ippeyänä chö̧'ä̧mä̧da̧ pä'ö hueinö'a̧nö̧ huȩdä̧cua̧sä̧ jahuätörö.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

Apocalipsis 16:14

Pitö espíritus suropätömä, ähuettä umöhuäyotö koro ttö̧ja̧ ttieru juäi jȩpi̧nä̧tö̧ pi̧nä̧tö̧. Jahuätömä, o'ca toi'önä pi̧jä̧ ruhuotörö ca̧ca̧tö̧ rä'opinätö, Dios, o'ca juiyönä ju̧ru̧hua̧, ttö̧ja̧rö̧ ro̧ȩcuä̧ mo̧ro̧ päi'omenä ttörohuähua pä'ö.

1 Corintios 15:24

Ja̧u̧nu̧ o'ca'a, röji mo̧ro̧ päi'äcua'a. Ja̧u̧nu̧mä̧ o'ca juiyönä pi̧jä̧ isoppanä huȩ'ä̧rä̧tö̧rö̧'i̧nä̧, ruhuotörö'inä, ttujuru'inä be'epäjipö i̧cuä̧cua̧ Cristomä. Ja̧'hua̧nö̧ be'epäjipö icu, i̧yä̧cua̧ o'ca juiyönä hueähuä Jä'o Diosrö.

Romanos 8:37

Ja̧'hua̧nö̧ ja̧'a̧nä̧ ja̧u̧ juäittömä adiu tö̧ja̧cui̧'ä̧cuo̧tö̧jä̧ ujuturu repe'inö ujurunä.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

Apocalipsis 11:7

Ja̧'hua̧nö̧ ja̧'a̧nä̧ jahuätö ttaditähuä cättädomenä, ya̧tȩ pä̧i̧cua̧ i̧sa̧, reju yoröiso beipocojuttu rä'opö, jahuätörö ö̧ro̧huä̧huä̧cua̧. Ja̧'hua̧ta̧nö̧ jahuätörö rohuäu ujuruhuomenä, cuä'ö icuäcuä̧u̧.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

2 Timoteo 2:4

Ya̧tȩ su̧ro̧da̧u̧ i̧sa̧ u̧ru̧hua̧ esehuarö pä'ömä, pi̧jä̧ jähuä amöcuädocö.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

Romanos 1:6

Ucutu'inä Roma ötahuiyä ttö̧ja̧, Dios huoinä̧u̧jä̧ Jesucristo umöhuäyotö cu'ätucua pä'ö.

Apocalipsis 2:13

O'ca juiyönä jȩcu̧'u̧ huo̧jua̧sä̧. Satanás ö̧jo̧mȩ cu̧ja̧'a̧ huo̧jua̧sä̧. Ja̧'hua̧ta̧nö̧ ja̧'a̧nä̧ adiunätä cue'ächöjä ttörö esetö huo̧jua̧sä̧. Ttörö yoröiso jaropi'ocöjä. Ttö chi̧huȩnȩ jiäcuähuä i̧sa̧ Antipasrö, Satanás ö̧jo̧mȩttö̧, ucutu cu̧'quȩtȩtu̧cu̧nä̧ ö̧jo̧mȩnä̧, cuä'ö tticuinö pä̧nä̧'i̧nä̧ jaropi'ocö pi̧nö̧jä̧.