Apocalipsis 17:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧ ja̧'a̧ ya̧tȩ jahuätö ko̧ro̧mö̧ttö̧nö̧ ta̧ju̧ ángeles, ko̧ro̧mö̧ttö̧nö̧ to̧'ta̧rȩ i̧so̧'ta̧ 'chu̧'ä̧rä̧tö̧ i̧sa̧, ttörö ichi'ö pä'inö: —Ichihuä. Yajute mä̧nä̧ ruhuajuru, rö̧ȩnä̧ suronä jȩpä̧ju̧ru̧, ajehuiyänä pä̧ju̧ru̧, ro̧ȩcuä̧ päi'önä, jahuäjuru 'cuäopä̧cuȩ chi̧jȩpa̧cu̧.

Nuevo Testamento Uwotjüja

¹ Kko̧ro̧mü̧ttü̧nü̧ ta̧ju̧ wotüttü ya̧tȩ á̧gȩ, kko̧ro̧mü̧ttü̧nü̧ to̧'ta̧rȩ copa o̧'ta̧ 'chu̧ä̧rä̧nü̧ ichi'ü päinä̧ku̧sä̧: «Ichiwä, chi̧jȩpa̧ku̧ u̧mä̧tu̧ku̧ jȩpä̧'chä̧kuä̧wä̧'i̧jä̧ju̧ büarü, ajewiyä wä̧mȩ pä̧ju̧ru̧ usurä kkȩmä̧u̧nä̧ ro̧ȩkuä̧kuȩ.

Apocalipsis 17:1 Referans Kwoze

Apocalipsis 19:2

Chutä iso päi'önä jȩpö̧, jueönä ro̧'ȩpö̧ ttö̧ja̧rö̧. Jahuäju mä̧nä̧ ruhuaju, juruhuajuru, suronä jȩja̧'a̧ttö̧, pi̧jä̧nä̧ ka̧cuä̧tö̧rö̧ surojuo'epinäjuru, ro̧'ȩpi̧nö̧. Dios umöhuäyotö 'corupätti'inömä, micuä päi'önä ro̧'ȩpi̧nö̧ jahuäjuru.

Apocalipsis 16:19

Ötahuiyä rö̧ome, huäbodäcuä ötahuiyä jo̧mȩnä̧ päi'ina'a. Pi̧jä̧ttö̧ ötahuiyä'inä päcua'acu ma̧ä̧chi̧na̧'a̧. Ja̧'hua̧ ja̧'a̧nä̧ Dios amöcuädinö ötahuiyä rö̧ome, Babilonia ötahuiyä. Chutä ö̧ra̧huä̧ra̧'a̧ttö̧, ro̧ȩcuä̧ vino ttahua pä'ö hue'inö juhua'a ötahuiyänä ka̧cuä̧tö̧rö̧.

Apocalipsis 21:9

Ja̧'hua̧ ja̧'a̧ttö̧ ko̧ro̧mö̧ttö̧nö̧ ta̧ju̧nu̧ ángeles, ko̧ro̧mö̧ttö̧nö̧ to̧'ta̧rȩ i̧so̧'ti̧yu̧ ko̧ro̧mö̧ttö̧nö̧ todärenä suronä 'cuäopä̧cuȩ ȩjö̧ o̧'ta̧ 'chu̧'ä̧rä̧tö̧ttö̧, ya̧tȩ ichi'ö pä'inö ttörö: —Ichi. Chutä Cordero irecua pättäcuarö chi̧jȩpa̧cu̧.

Apocalipsis 15:1

Mo̧ro̧jä̧ra̧'a̧ttö̧ koro juäi, adihuä juäi, tottocö juäi i̧jȩcua̧'a̧ topinösä. Ko̧ro̧mö̧ttö̧nö̧ ta̧ju̧nu̧ ángeles ko̧ro̧mö̧ttö̧nö̧ todäre surojö 'cuäopä̧cuȩ 'chu̧ttä̧ra̧'a̧ topinösä. Ja̧u̧tä̧ Dios ö̧ra̧huä̧rä̧cua̧'a̧ röjinä.

Apocalipsis 21:15

Ja̧u̧ ángel ttörö ucuocuäjimä, i̧so̧'quȩ orottö adicuo̧'quȩ, ötahuiyä'inä, äpatiyä'inä, i̧so̧ca̧'i̧nä̧ ö̧'a̧ta̧ pä'ö 'chu̧'ä̧ri̧nö̧.

Apocalipsis 4:1

Ja̧u̧nu̧ o'ca'a tochomenä, mo̧ro̧jä̧ra̧'a̧ttö̧ äpate bahuecua'a topinösä. Ja̧u̧ huȩnȩ, trompeta ucuocu'a̧nö̧ rä̧mi̧pö̧ huȩnȩ, ttörö äcuomenä ucuocuinö huȩnȩ, ttörö ucuocuina'a: —Pocu 'cha'ächi. Pi̧yȩ 'cuäopö o'ca'a 'cuäopä̧cuȩmä̧ chi̧jȩpa̧cu̧.

San Lucas 24:32

Jahuätömä ttamönä pä'inätödo: —Mä̧nä̧nä̧ ichö, Huȩyu̧cuä̧ Huȩnȩ jiähuomenä, tami iso'quinä koro juäi cuoa'a jä̧'i̧nö̧'a̧nö̧ cuoäja'a, ¿isodi̧?

San Lucas 9:30

Ja̧'hua̧nö̧ ja̧'a̧ u̧mä̧tö̧ ta̧ju̧ i̧jȩcuä̧chi̧nä̧tö̧do Jesúscu ttucuocua'a. Jahuätömä Moisés mi̧nä̧'i̧nä̧, Elías mi̧nä̧'i̧nä pi̧nä̧tö̧do.

Apocalipsis 1:1

Pi̧yȩ huȩnȩ, Dios Jesucristorö u̧huo̧juȩti̧nö̧ huȩnȩ, juhua'a yabonö, yodoji chutä umöhuäyotörö u̧huo̧juȩta̧ pä'ö huo̧juȩti̧nö̧do. Jesucristo pi̧yȩ huȩnȩ, yodoji 'cuäopä̧cuȩ huȩnȩ, juhua'a yabonö huo̧juȩti̧nö̧do Juanrö, chutä u̧mö̧huä̧ya̧rö̧, ángel jiähua'anä.

Apocalipsis 18:1

Ja̧u̧ 'cuäopinö o'ca'a, ka̧ra̧ ángel rö̧ȩnä̧ ju̧ru̧hua̧mä̧, mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Chutä ángel i̧tȩa̧u̧ttu̧ pi̧jä̧mä̧ tȩa̧hui̧na̧'a̧.

Apocalipsis 19:9

Ja̧'hua̧ ja̧'a̧ttö̧ ya̧tȩ ángel ttörö pä'inö: —Huȩyu̧ti̧: “Cordero irecuarö ȩmä̧cua̧'a̧ fiesta jȩtta̧ pä'ö huottinä̧u̧mä̧, eseunu ttö̧ja̧cuä̧cuo̧tö̧.” Ja̧'hua̧ta̧nö̧ ttörö pä'inö: —Pi̧yȩ huȩnȩ, Dios iso päi'önä päinö huȩnȩ.