Apocalipsis 16:10 - TÄ̧DO Ä̧CUÄ̧ I̧HUȨNȨ

¹⁰ Ka̧ra̧ ángel'inä, ji̧mö̧tȩ ruhuä päi'önä, öäre i̧so̧'ta̧ ja̧u̧ pä̧i̧cua̧ i̧sa̧ i̧dȩä̧cä̧nä̧ to'inö. O'ca juiyönä hueömä yo̧i̧na̧'a̧, ja̧'hua̧nö̧ toomenä. Ttö̧ja̧'i̧nä̧ tti̧nȩnä̧ yö̧'ä̧hui̧nä̧tö̧ rö̧ȩnä̧ barahuä̧u̧.

Nuevo Testamento Uwotjüja

¹⁰ Ja̧'wa̧ta̧nü̧ ji̧mü̧tȩ jäwä päi'ünä̧ wa̧ á̧gȩ üäre copa i̧so̧'ta̧ to'inü̧, i̧sa̧ büó betia uruwo dȩä̧kä̧nä̧; toomȩnä̧ jua̧u̧ uruwomä̧ yo̧ü̧nä̧tä̧ päi'ina̧'a̧. Ttü̧ja̧mä̧, rü̧ȩnä̧ ba̧ra̧wä̧u̧ tti̧nȩnä̧ yü̧yü̧pä̧kuä̧wi̧nä̧tü̧.

Apocalipsis 16:10 Referans Kwoze

Apocalipsis 9:2

Ja̧u̧nu̧ o'ca'a, ja̧u̧ llavenä ba'epinö reju, yoröiso beipocoju. Jahuäju rejuttu, pan rö̧ȩnä̧ ȩttä̧huo̧mȩttö̧ ocurä isoppa räopa'a jä̧'i̧nö̧'a̧nö̧, ocurä isoppa räopina'a. Ja̧u̧ isoppattö, mo̧ro̧ kä̧hua̧'i̧nä̧, kä̧ru̧'coppa'inä yo̧i̧na̧'a̧.

San Mateo 8:12

Ja̧'hua̧nö̧ ja̧'a̧nä̧ recuätömä judíos ttö̧ja̧ttö̧mä̧, Dios ö̧jo̧mȩcu̧ tti̧'chö̧'a̧nö̧ huotömä, yoröiso u̧mi̧cu̧ yo̧mȩcu̧ do'opö i̧cuä̧cuä̧u̧do. Juhua'attö, yo̧a̧'a̧ jacuättö, rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.

Apocalipsis 18:23

Lámpara'inä tȩa̧huo̧co̧mȩ jä̧cuo̧mȩ. Ttirecuarö ȩmö̧ fiesta jȩtta̧'a̧ yoröiso ä̧ju̧cuä̧cuä̧huo̧co̧mȩ jä̧cuo̧mȩ. Pä'äjitä ucuttu rä'opö, järe ȩmä̧huä̧ ruhuotö pi̧jä̧nä̧ korotöttö'inä abonänö juruhuinätö. Ja̧'hua̧ta̧nö̧ cumäri'änä jȩpö̧, yapareu jȩpi̧nä̧ju̧jä̧ korotö ttö̧ja̧rö̧ o'ca toi'önärö.

Apocalipsis 17:17

Jahuätö ttami iso'quinä jȩi̧nä̧u̧ Dios, churutä pä̧huä̧ rö̧jo̧mȩnä̧ jȩtta̧ pä'ö ji̧nä̧ yo̧mȩtȩnä̧ amöcuädö, ruhuotö ttujuru ja̧u̧ pä̧i̧cua̧ i̧sa̧rö̧ ttiyomenä, Dios päinö ta'anö 'cuäopome jubö päi'önä.

San Mateo 22:13

Ja̧'hua̧ ja̧'a̧ ru̧hua̧ pä'inödo öäre mesa isodänä iyätörö: “Ja̧u̧ru̧ u̧mö̧nä̧'i̧nä̧, ö̧jä̧pö̧nä̧'i̧nä̧ nö'quipö'cotö u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.”

Apocalipsis 18:21

Ja̧'hua̧ ja̧'a̧ttö̧ ya̧tȩ ángel ju̧ru̧hua̧mä̧, ido'qui rö̧o'qui, ya̧mö̧ i̧sa̧ppȩ adicuo'qui jä̧'i̧nö̧'a̧nö̧ cä'epö, dubora rö̧orara̧'a̧ do'opö icu, pä'inö: —Ja̧'hua̧nö̧ ötahuiyä rö̧ome, Babilonia ötahuiyä toei'äcua'a. Pä'äji ta'anö yoröiso toäcuähuoca'a jä̧cua̧'a̧.

San Lucas 13:28

Juhuorö Abrahamrö'inä, Isaacrö'inä, Jacoborö'inä, o'ca toi'önä Dios i̧huȩnȩ jiäcuähuä isotörö'inä Dios ö̧jo̧mȩ ttö̧ja̧cua̧'a̧ tocu'ätucuomenä, ucutu u̧mi̧nä̧ ka̧cui̧pä̧tö̧mä̧ rö̧ȩnä̧ ubara ttu'u cuacu ä̧chi̧jö̧nä̧ jȩcu̧'ä̧cuo̧tö̧jä̧.

San Mateo 24:51

Ja̧u̧ru̧, ippeyä ru̧hua̧ u̧mö̧huä̧ya̧rö̧, pä̧i̧cu̧nä̧ ro̧'ȩpö̧ ö̧tä̧bo̧tä̧cua̧. Korotö yapareu ttö̧ja̧ ttö̧ja̧cuo̧mȩcu̧ huȩä̧cua̧ ja̧u̧ru̧. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧, —pä'ö huo̧juȩti̧nö̧do Jesús.

Apocalipsis 17:9

“Ja̧'hua̧ta̧nö̧ korotö ttä̧ju̧cu̧nä̧nö̧ huotömä, pi̧yȩ ttä̧ju̧cu̧'a̧nö̧ ja̧'a̧. Ja̧u̧ pä̧i̧cua̧ i̧sa̧ ko̧ro̧mö̧ttö̧nö̧ toyure uhuiyä, ko̧ro̧mö̧ttö̧nö̧ to'care möä'quiyu jä̧'i̧nö̧'a̧nö̧ ja̧'a̧, jahuäju isaju kö̧'ä̧mä̧do̧mȩ.

San Mateo 13:50

Suronä jȩpä̧tö̧rö̧ ocuränä do'opö tticuäcuotö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧do, —huo̧juȩti̧nö̧do Jesús.

San Mateo 13:42

Ocuränä do'opö tticuäcuotö ja̧'hua̧nö̧ jȩpä̧tö̧rö̧. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.

Apocalipsis 18:2

I̧huȩnȩnä̧ pä̧i̧cu̧nä̧ huopö pä'inö: —Täcö ma̧ä̧chä̧ja̧'a̧. Babilonia ötahuiyä rö̧ome täcö ma̧ä̧chä̧ja̧'a̧. Jitämä mä̧ri̧mö̧tä̧ ju̧huȩnȩ ka̧cuä̧tö̧. O'ca toi'önä espíritus suropätö da̧ja̧huä̧rö̧ ka̧cuä̧tö̧ ju̧huȩnȩmä̧. Ja̧'hua̧ta̧nö̧ o'ca toi'önä ppi̧yu̧ suropätö'inä ttojusode ju̧huȩnȩ aditö ka̧cuä̧tö̧.

Apocalipsis 11:10

Pi̧jä̧nä̧ ka̧cuä̧tö̧mä̧ ttesehuäcuotö, jahuätö ta̧ju̧ hua'ö tticuomenä. Tta̧'cua̧ adiunä ttäcuotö. Ja̧'hua̧nö̧ ji̧yä̧u̧ koro juäi mippoönä huettäcuotö korotö korotönörö. Jahuätö ta̧ju̧mä̧, Dios hueö ucuocuäjätömä, yoröiso surojötä jȩpi̧nä̧tö̧ pi̧jä̧nä̧ ka̧cuä̧tö̧rö̧.

Apocalipsis 11:8

Tto'co jähuä adihuä ötahuiyä, Tu̧ru̧hua̧rö̧ daunä ttu̧ju̧ni̧na̧'a̧ ötahuiyä mä̧nä̧nä̧ tticuipäcuotö. Ujutu tamöcuädönä ja̧u̧ ötahuiyä i̧mi̧ Sodoma'inä, Egipto'inä todärenä pä'ätöjä.

Apocalipsis 11:2

Ja̧'hua̧nö̧ ja̧'a̧nä̧ Diosrö ucuocuäcuähuode u̧mi̧ isarä, cu̧'a̧tä̧'. Juhua'amä kara'attö ichäcuähuotörö iyähua'a. Jahuätömä cuarenta y dos kä̧hua̧tö̧ jo̧mȩnä̧, adihuä ötahuiyänä cuettächäcuotö.

1 Pedro 2:17

Ucuotö ka̧cuä̧tu̧cui̧ o'ca toi'önärö. Cristonä cu̧jä̧hua̧tö̧rö̧ eseunu kä̧nö̧, Diosrö ye'ecunänö ka̧cuä̧tu̧cui̧. Pi̧jä̧ ru̧hua̧rö̧ ucuotö ka̧cuä̧tu̧cui̧.

Apocalipsis 8:12

Ka̧ra̧ ángel, pa̧ja̧cuä̧nö̧ päi'önä, öäre trompeta ppö'inö. Ppöomenä, mo̧ro̧ kä̧hua̧'i̧nä̧, yodo kä̧hua̧'i̧nä̧, si̧ri̧'cö̧'i̧nä̧ ju'tomecutä surojuo'ächinätö. Ja̧'hua̧nö̧ surojuottächomenä, yoröiso yo̧i̧na̧'a̧ ttitejädoca'attö. Ja̧'hua̧ta̧nö̧ mo̧ro̧'i̧nä̧, yodo'inä ju'tomecutä, a̧'u̧cua̧'a̧tä̧ yoröiso tejädocotö pi̧nä̧tö̧.