Apocalipsis 14:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ jȩo̧mȩnä̧, ka̧ra̧ ángel'inä Diosrö ucuocuäcuähuodettö, mo̧ro̧jä̧nä̧ kodettö, rä'opinö. Ja̧u̧'i̧nä̧ curodä so̧odä 'chu̧'ä̧ri̧nö̧.

Nuevo Testamento Uwotjüja

¹⁷ Jua̧u̧nü̧ o'ka'a kka̧ra̧ á̧gȩ, mo̧ro̧jä̧nä̧ Dio-rü ukuokuäkuäwodettü rä'o'inü̧, hoz pättäkä soäkä, u̧wä̧ju̧ ka̧ka̧kuäkä 'chu̧'ä̧rä̧nü̧.

Apocalipsis 14:17 Referans Kwoze

Apocalipsis 16:1

Ja̧'hua̧ ja̧'a̧ttö̧ ji̧nä̧ isocu Dios adihuä ö̧jo̧mȩttö̧ ya̧tȩ i̧huȩnȩ pä̧i̧cu̧nä̧ ucuocua'a ä̧ju̧cui̧nö̧sä̧. Ja̧u̧ huȩnȩ jahuätörö ko̧ro̧mö̧ttö̧nö̧ ta̧ju̧ ángelesrö päina'a: —Ja̧u̧ juäi, ko̧ro̧mö̧ttö̧nö̧ to̧'ta̧rȩ rö̧ȩnä̧ ro̧ȩcuä̧ Diosttö ichäcua'a ȩcö̧mä̧, to'äu icuätucui rȩjȩra̧'a̧cu̧.

Apocalipsis 14:18

Diosrö ucuocuäcuähuodä ko̧mȩttö̧, ka̧ra̧ ángel'inä rä'opinö. Ja̧u̧ ocurättö'inä abonänö juruhuinö. Ka̧ra̧rö̧, curodä so̧odä 'chu̧'ä̧rö̧rö̧, pä̧i̧cu̧nä̧ huopö pä'inö: —Cucurodä so̧odänä aditö, uvas pi̧jä̧ttö̧ ȩmi̧. Täcö 'cuäipächö'a̧nö̧ päi'a'a.

Apocalipsis 11:19

Ja̧'hua̧ ja̧'a̧ttö̧ mo̧ro̧jä̧ra̧'a̧ttö̧ Diosrö ucuocuäcuähuode bahuecuächina'a. Hueähuä huȩnȩ ȩcä̧ca̧, adihuä i̧sä̧ca̧, Diosrö ucuocuäcuähuodettö uhuähuina'a. Ja̧u̧nu̧ pä̧nä̧mä̧ cu'upä'inä rohuinö. Koro juäi'inä rö̧ȩnä̧ ucuocuina'a. Cu'upä'inä cöröächina'a. Rȩjȩ'i̧nä̧ ttö̧ä̧hui̧na̧'a̧. Diyahuo'qui'inä ju'tojuttu ma̧i̧na̧'a̧.

Apocalipsis 14:16

Ja̧u̧nu̧ o'ca'a, chutä ajiya isoppanä pö̧mä̧, ucurodänä pi̧jä̧nä̧ 'cui'ö, pi̧jä̧ttö̧ se'inö.

Apocalipsis 16:17

Ka̧ra̧ ángel'inä, ko̧ro̧mö̧ttö̧nö̧ ta̧ju̧ päi'önä, öäre i̧so̧'ta̧ kä̧ru̧'coppanä to'inö. Ji̧nä̧ isocu Dios adihuä ö̧jo̧mȩ i̧dȩä̧cä̧ttö̧, ya̧tȩ i̧huȩnȩ pä̧i̧cu̧nä̧ ucuocuina'a. Ja̧u̧ huȩnȩ päina'a: —Täcö 'cuäopa'a.