Apocalipsis 14:15 - TÄ̧DO Ä̧CUÄ̧ I̧HUȨNȨ

¹⁵ Ka̧ra̧ ángel'inä Diosrö ucuocuäcuähuodettö rä'opö, ajiya isoppanä pö̧rö̧ pä̧i̧cu̧nä̧ huopinö: —Cucurodänä 'cui̧'o̧pä̧rö̧, se'i. Täcö jo̧mȩ päi'a'a pi̧jä̧ttö̧ setta pä'ö.

Nuevo Testamento Uwotjüja

¹⁵ Ja̧'wa̧ta̧nü̧ kka̧ra̧ á̧gȩ, Dio-rü ukuokuäkuäwodettü rä'o'ü pä̧i̧ku̧nä̧ wopinü̧, ajiya isoppa wä̧mȩ pü̧rü̧: «Kuiärekä hoz pättäkänä̧ 'kui'ü, u̧wä̧ju̧ ka̧ka̧ti̧; u̧wä̧ju̧ 'kui'ü ka̧ka̧tä̧kuä̧wä̧ hora-mä̧ täkü rȩbȩä̧kuä̧wa̧'a̧, u̧wä̧ju̧mä̧ jo̧mȩnü̧tä̧ ja̧'a̧ rȩjȩnä̧ttü̧mä̧.»

Apocalipsis 14:15 Referans Kwoze

San Marcos 4:29

Täcö 'quiyächipomenä, setta pä'ö 'chä̧tö̧, täcö seähuometä päi'a'attö.

San Mateo 13:39

Ja̧u̧ surä'cua ku̧ni̧nö̧mä̧, ähuettä pi̧nö̧do. Koro settinömä yodoji röji mo̧ro̧ päi'omenä, jä̧cuȩ päa'a. Ja̧'hua̧ta̧nö̧ se'inätömä ángeles pi̧nä̧tö̧do.

Apocalipsis 14:18

Diosrö ucuocuäcuähuodä ko̧mȩttö̧, ka̧ra̧ ángel'inä rä'opinö. Ja̧u̧ ocurättö'inä abonänö juruhuinö. Ka̧ra̧rö̧, curodä so̧odä 'chu̧'ä̧rö̧rö̧, pä̧i̧cu̧nä̧ huopö pä'inö: —Cucurodä so̧odänä aditö, uvas pi̧jä̧ttö̧ ȩmi̧. Täcö 'cuäipächö'a̧nö̧ päi'a'a.

San Mateo 13:30

Mä̧cuä̧ huäinä bahua'acuä. Ya̧mö̧ 'quiyächö o'ca'a chumöhuäyotörö huȩdä̧cua̧sä̧ ja̧u̧ surä'cuamä ä'canä que'ö tticua pä'ö. Ja̧u̧nu̧ o'ca'a ubanä nö'cädö rötö, ku tticua pä'ö huȩdä̧cua̧sä̧. Ja̧u̧nu̧ o'ca'atä ya̧mö̧ se'ö, hua'adö ttu̧ju̧nä̧cuo̧tö̧ chojusodenä”, —pä'ö huo̧juȩti̧nö̧do Jesús.

Apocalipsis 16:17

Ka̧ra̧ ángel'inä, ko̧ro̧mö̧ttö̧nö̧ ta̧ju̧ päi'önä, öäre i̧so̧'ta̧ kä̧ru̧'coppanä to'inö. Ji̧nä̧ isocu Dios adihuä ö̧jo̧mȩ i̧dȩä̧cä̧ttö̧, ya̧tȩ i̧huȩnȩ pä̧i̧cu̧nä̧ ucuocuina'a. Ja̧u̧ huȩnȩ päina'a: —Täcö 'cuäopa'a.

San Mateo 23:32

Ja̧u̧ttu̧mä̧ cuä̧'o̧tö̧ mi̧nä̧ kä̧mä̧dö̧ jȩtti̧nö̧mä̧ ki̧'ö̧mä̧ cä'ädätucui ucututä.

Apocalipsis 15:6

Juhua'attö, ji̧nä̧ isocu Dios adihuä ö̧jo̧mȩttö̧ jitöja ko̧ro̧mö̧ttö̧nö̧ ta̧ju̧ ángeles ja̧u̧ juäi ko̧ro̧mö̧ttö̧nö̧ todäre surojö 'cuäopä̧cuȩmä̧ ȩpä̧tö̧mä̧ rä'opinätö. I̧sä̧ta̧ i̧di̧cuo̧co̧ta̧nä̧, adiu tȩa̧huä̧ta̧nä̧ 'ca̧tä̧hui̧nä̧tö̧. Tta̧mö̧ca̧nä̧ isäya orottö adicua'a ru̧nä̧ri̧nä̧tö̧.

Apocalipsis 14:14

Ja̧'hua̧ ja̧'a̧ttö̧ tochomenä, ajiya isoppa teoppa topinösä. Ja̧u̧ ajiya isoppanä ya̧tȩ ttö̧ja̧ i̧sa̧ a̧'cua̧rö̧nä̧ pä̧mä̧di̧nö̧. Unä ppöttähuä orottö adicua'a huȩnä̧ri̧nö̧. U̧mö̧nä̧ koro juäi curodä so̧odä jä̧'i̧nö̧'a̧nö̧ 'chu̧'ä̧ri̧nö̧.

Apocalipsis 6:10

Pitömä tti̧huȩnȩnä̧ pä̧i̧cu̧nä̧ pä'inätö: —Tu̧ru̧hua̧ adihuä i̧sa̧mä̧, päcumä o'ca juiyönä jȩpö̧jä̧. Pi̧jä̧nä̧ ka̧cuä̧tö̧rö̧, ujuturu cuä'ö icuinätörö, ¿dä̧bö̧ tta̧cu̧huä̧rä̧ttö̧ jahuätörö pä'ö cu̧ra̧huä̧ra̧ pä'ö?

1 Tesalonicenses 2:16

Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.

Apocalipsis 13:12

Chutä äcuomenä pä̧i̧cua̧ i̧sa̧ ä'ca jo̧mȩttö̧ hueinö ta'anö hue'inö o'ca juiyönä. Ja̧u̧mä̧ pi̧jä̧'i̧nä̧, pi̧jä̧nä̧ ka̧cuä̧tö̧rö̧'i̧nä̧ äcuomenä pä̧i̧cua̧ i̧sa̧rö̧ cuä'ö tticuina'anä ki̧'i̧nö̧rö̧, ttamöcuädarö pä'ö hue'inö ja̧u̧ röji pä̧i̧cua̧ i̧sa̧mä̧.

Apocalipsis 11:19

Ja̧'hua̧ ja̧'a̧ttö̧ mo̧ro̧jä̧ra̧'a̧ttö̧ Diosrö ucuocuäcuähuode bahuecuächina'a. Hueähuä huȩnȩ ȩcä̧ca̧, adihuä i̧sä̧ca̧, Diosrö ucuocuäcuähuodettö uhuähuina'a. Ja̧u̧nu̧ pä̧nä̧mä̧ cu'upä'inä rohuinö. Koro juäi'inä rö̧ȩnä̧ ucuocuina'a. Cu'upä'inä cöröächina'a. Rȩjȩ'i̧nä̧ ttö̧ä̧hui̧na̧'a̧. Diyahuo'qui'inä ju'tojuttu ma̧i̧na̧'a̧.

Apocalipsis 14:16

Ja̧u̧nu̧ o'ca'a, chutä ajiya isoppanä pö̧mä̧, ucurodänä pi̧jä̧nä̧ 'cui'ö, pi̧jä̧ttö̧ se'inö.

Apocalipsis 14:17

Ja̧'hua̧nö̧ jȩo̧mȩnä̧, ka̧ra̧ ángel'inä Diosrö ucuocuäcuähuodettö, mo̧ro̧jä̧nä̧ kodettö, rä'opinö. Ja̧u̧'i̧nä̧ curodä so̧odä 'chu̧'ä̧ri̧nö̧.