Apocalipsis 13:15 - TÄ̧DO Ä̧CUÄ̧ I̧HUȨNȨ

¹⁵ Röji pä̧i̧cua̧ i̧sa̧rö̧, ja̧u̧ äcuomenä pä̧i̧cua̧ i̧sa̧rö̧ a̧'u̧cuä̧ ttaditinö juäi, ö̧ja̧ pä'ö hueäcua'a̧nö̧ ujuru ttiyinäcu. Ja̧'hua̧nö̧ jȩtti̧nä̧cu̧ ja̧u̧ a̧'u̧cuä̧ ttaditinömä ucuocua pä'ö. Ja̧'hua̧ta̧nö̧ o'ca toi'önä ja̧u̧ru̧ eseunu ucuocuocotörö cuä'ö icua pä'ö jȩtti̧nä̧cu̧.

Nuevo Testamento Uwotjüja

¹⁵ Dio-mä̧ ja̧'a̧tä̧ topinü̧ ä̧kuo̧mȩnä̧ i̧sa̧ büó betia pinü̧rü̧, juȩnȩ o'komȩnä̧ i̧sa̧mä̧ a̧'kua̧rü̧ iya pä'ü jȩa̧'a̧nä̧, i̧wȩnȩ ukuokuiyarü pä'ü. Jua̧u̧ ä̧kuo̧mȩnä̧ i̧sa̧, a̧'kua̧juä̧ isä'ka pä̧mä̧dü̧ esewokotürümä̧ kuä'äu ttikunä̧ we'inü̧.

Apocalipsis 13:15 Referans Kwoze

Apocalipsis 20:4

Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.

Apocalipsis 19:20

Ja̧u̧ pä̧i̧cua̧ i̧sa̧cu̧, ja̧u̧ ä'canä rö̧ȩnä̧ ttö̧ja̧ ttieru juäi yapareu jȩpi̧nö̧cu̧ cärenä rötinätö. Ja̧u̧ juäi ttö̧ja̧ ttieru juäi yapareu jȩo̧mȩnä̧, jitöja ttö̧ja̧, ja̧u̧ pä̧i̧cua̧ i̧sa̧ sello ttö'änä ta'ähuinätörö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätörö'inä yapareu jȩpö̧ ucuocuinö. Ja̧'hua̧ ja̧'a̧ttö̧ ja̧u̧ pä̧i̧cua̧ i̧sa̧rö̧'i̧nä̧, yapareu jȩpö̧ ji'ähuinörö'inä ji̧nä̧ tta̧'cua̧ra̧'a̧nä̧, do'opö tticuinä̧u̧ ocurä rö̧arära̧'a̧, azufrenä cuoarära̧'a̧.

Apocalipsis 16:2

Äcuomenä ángel i̧sa̧ 'chä̧ji̧'ca̧, öäre i̧so̧'ta̧ to'inö rȩjȩra̧'a̧cu̧. O'ca toi'önä ttö̧ja̧mä̧, ja̧u̧ pä̧i̧cua̧ i̧sa̧ öäre sello ta'ähuotö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätö'inä, ttöttahuiyä rö̧ȩnä̧ suronä barahuä̧u̧ na̧'ä̧chi̧nä̧tö̧.

Apocalipsis 18:20

Ja̧'hua̧nö̧ ja̧'a̧nä̧ mo̧ro̧jä̧'i̧nä̧, Jesús hue'ähuotö'inä, Dios i̧huȩnȩ ucuocuinätö'inä, o'ca toi'önä Dios i̧tti̧mö̧'i̧nä̧ ja̧u̧ ötahuiyä amöcuädö, esehuätucui. Chutä ja̧u̧ ötahuiyä ro̧ȩpo̧mȩnä̧, Dios ucuturu adiu ppä'ädinö.

Apocalipsis 17:6

Ja̧u̧nu̧ o'ca'a, jahuäju isaju Dios i̧tti̧mö̧ ttucuoja'inä, Jesús i̧huȩnȩ ji'äu kä̧nö̧ hua'ö icuinätö ttucuoja'inä kahuäja'attö, tä̧jä̧ma̧'a̧ topinösä. Ja̧'hua̧nö̧ tochomenä, ye'ö to̧pä̧ri̧nö̧sä̧.

Apocalipsis 14:11

Jahuätö suronä 'cuättopa'attö, ocurä isoppa 'cuäopönä 'chahuächäcua'a. Ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧, chutä pä̧i̧cua̧ i̧sa̧ i̧mi̧ huȩyu̧cuä̧ ȩmö̧ esehuätö'inä, mo̧ro̧'i̧nä̧, yodo'inä yoröiso 'cuä'ächi'ocotö ttäcuotö.

Apocalipsis 14:9

Ja̧u̧nu̧ o'ca'a, ka̧ra̧ ángel, huämetucuä päi'önä ichi'ö, i̧huȩnȩnä̧ pä̧i̧cu̧nä̧ pä'inö: —Ya̧tȩ ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ eseumä, ö'änä'inä, u̧mö̧nä̧'i̧nä̧ chutä pä̧i̧cua̧ i̧sa̧ öäre sello ttatta pä'ö hueöttömä, Dios rö̧ȩnä̧ ro̧ȩcuä̧ vinomä a̧huä̧cua̧. Ja̧u̧tä̧ Dios ö̧ra̧huä̧ra̧'a̧ttö̧ i̧so̧'ta̧nä̧ koro juäicu huihuaunä juiyönä ȩnä̧hua̧'a̧. Ja̧'hua̧ta̧nö̧ Dios umöhuäyotö ángeles ttä'ca jo̧mȩttö̧'i̧nä̧, chutä Cordero ä'ca jo̧mȩttö̧'i̧nä̧ ocuräcu, azufrecu suronä jȩttä̧cuo̧tö̧.

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

Apocalipsis 18:24

Dios i̧huȩnȩ ucuocuinätö'inä, Dios i̧tti̧mö̧'i̧nä̧, o'ca toi'önä pi̧jä̧nä̧ cuä'ö tticuinä̧u̧'i̧nä̧ ttucuoja po̧cui̧pi̧nä̧tö̧ ja̧u̧ ötahuiyänä, —pä'inö ja̧u̧ ángel.

Apocalipsis 17:17

Jahuätö ttami iso'quinä jȩi̧nä̧u̧ Dios, churutä pä̧huä̧ rö̧jo̧mȩnä̧ jȩtta̧ pä'ö ji̧nä̧ yo̧mȩtȩnä̧ amöcuädö, ruhuotö ttujuru ja̧u̧ pä̧i̧cua̧ i̧sa̧rö̧ ttiyomenä, Dios päinö ta'anö 'cuäopome jubö päi'önä.

Apocalipsis 17:14

Chutä Corderorö ttörohuähuäcuotö. Ja̧'hua̧nö̧ ttörohuähuomenä, chutä Corderotä u̧ju̧ru̧huä̧cua̧, o'ca toi'önä Ttu̧ru̧hua̧ päi'önä ö̧ja̧'a̧ttö̧. Ja̧'hua̧ta̧nö̧ chutäcu cue'ächätömä, Diostä huopö ȩmi̧nä̧u̧. Adiunätä cue'ächätö.

Apocalipsis 16:5

Ja̧u̧nu̧ o'ca'a, chutä ángel ajiya u̧ru̧hua̧ pi̧nö̧mä̧ päa'a ä̧ju̧cui̧nö̧sä̧. Pä'inö: —Tu̧ru̧hua̧ Dios, adihuä i̧sa̧mä̧, jitä'inä kö̧, pä'äji'inä ki̧nö̧mä̧, ja̧'hua̧nö̧ ro̧'ȩpö̧ jȩcu̧'o̧mȩnä̧, adiunätä jȩpö̧jä̧.

Santiago 2:26

Ttidepä tta̧'cua̧ru̧hua̧ toönämä hua'ö icu. Ja̧'hua̧nö̧ ja̧'a̧ esetötä esetäcuähuämä, adiu jȩä̧cuä̧huä̧ jȩttö̧ juiyöttömä, 'corupäi'äcuähuä jä̧'i̧nö̧'a̧nö̧ jö̧do.

Apocalipsis 13:1

Ttö dubora rö̧ora jäyoto rȩba̧nä̧ chö̧jo̧mȩnä̧, pä̧i̧cua̧ i̧sa̧, uhuiyä'inä ko̧ro̧mö̧ttö̧nö̧ todäre ku̧nä̧rö̧mä̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧mä̧, juhuorattö räopa'a topinösä. Koro u i̧sä̧juä̧nä̧'i̧nä̧, koro u i̧sä̧juä̧nä̧'i̧nä̧ ppöttähuä huȩnä̧ri̧nö̧. Koro unä'inä, koro unä'inä Diosrö suronä pä'ö huȩnȩ huȩyu̧cui̧na̧'a̧.

Apocalipsis 13:12

Chutä äcuomenä pä̧i̧cua̧ i̧sa̧ ä'ca jo̧mȩttö̧ hueinö ta'anö hue'inö o'ca juiyönä. Ja̧u̧mä̧ pi̧jä̧'i̧nä̧, pi̧jä̧nä̧ ka̧cuä̧tö̧rö̧'i̧nä̧ äcuomenä pä̧i̧cua̧ i̧sa̧rö̧ cuä'ö tticuina'anä ki̧'i̧nö̧rö̧, ttamöcuädarö pä'ö hue'inö ja̧u̧ röji pä̧i̧cua̧ i̧sa̧mä̧.