Apocalipsis 13:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧ta̧nö̧ rö̧ȩnä̧ ttö̧ja̧ ttieru juäi'inä jȩpi̧nö̧. Ocurä'inä mo̧ro̧jä̧ttö̧ pi̧jä̧ra̧'a̧cu̧ ma̧ pä'ö jȩpi̧nö̧, pi̧jä̧ ttö̧ja̧ totta'anä.

Nuevo Testamento Uwotjüja

¹³ Ttü̧ja̧ ttä'kattü, jȩtto̧kü̧ ja̧jü̧ juei, bäreu jȩpi̧nü̧, mo̧ro̧jä̧ra̧'a̧ttü̧ okurä pi̧jä̧ra̧'a̧ ma̧ü̧nä̧'i̧nä̧ jȩpi̧nü̧.

Apocalipsis 13:13 Referans Kwoze

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

Apocalipsis 19:20

Ja̧u̧ pä̧i̧cua̧ i̧sa̧cu̧, ja̧u̧ ä'canä rö̧ȩnä̧ ttö̧ja̧ ttieru juäi yapareu jȩpi̧nö̧cu̧ cärenä rötinätö. Ja̧u̧ juäi ttö̧ja̧ ttieru juäi yapareu jȩo̧mȩnä̧, jitöja ttö̧ja̧, ja̧u̧ pä̧i̧cua̧ i̧sa̧ sello ttö'änä ta'ähuinätörö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätörö'inä yapareu jȩpö̧ ucuocuinö. Ja̧'hua̧ ja̧'a̧ttö̧ ja̧u̧ pä̧i̧cua̧ i̧sa̧rö̧'i̧nä̧, yapareu jȩpö̧ ji'ähuinörö'inä ji̧nä̧ tta̧'cua̧ra̧'a̧nä̧, do'opö tticuinä̧u̧ ocurä rö̧arära̧'a̧, azufrenä cuoarära̧'a̧.

Apocalipsis 16:14

Pitö espíritus suropätömä, ähuettä umöhuäyotö koro ttö̧ja̧ ttieru juäi jȩpi̧nä̧tö̧ pi̧nä̧tö̧. Jahuätömä, o'ca toi'önä pi̧jä̧ ruhuotörö ca̧ca̧tö̧ rä'opinätö, Dios, o'ca juiyönä ju̧ru̧hua̧, ttö̧ja̧rö̧ ro̧ȩcuä̧ mo̧ro̧ päi'omenä ttörohuähua pä'ö.

Apocalipsis 20:9

Ja̧'hua̧ ja̧'a̧ttö̧ pi̧jä̧ rö̧omettö ichinätö. Dios umöhuäyotö ttö̧ja̧cuo̧mȩcu̧'i̧nä̧, ja̧u̧ ötahuiyäcu, Dios repeinomecu, u̧mi̧cu̧ isobö päi'önä ca̧ca̧cui̧pi̧nä̧tö̧. Ja̧'hua̧nö̧ ja̧'a̧nä̧ Dios mo̧ro̧jä̧ra̧'a̧ttö̧ ocurä hue'inö, jahuätörö o'ca toi'önä bettipächönä cuo'ö tticua pä'ö.

San Marcos 13:22

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä ttö̧ja̧ ttieru juäi jȩttä̧cuo̧tö̧, ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧, ttesetatö pä'ö. Dios huoinä̧u̧mä̧ yoröiso esetocotö ttäcuotö.

Apocalipsis 11:5

Ya̧tȩ jahuätörö suronä jȩa̧ päöttömä, ocurä, ttaboiyotörö toönä cuo'ö icuarä, ttättö räopa'a. O'ca toi'önä jahuätörö suronä jȩtta̧ pä'ätömä, ja̧'hua̧nö̧ 'corupätti'äcuotö.

2 Timoteo 3:8

Janescu, Jambrescu Moisésrö ttesetoca'a ji̧nö̧'a̧nö̧, ja̧'hua̧nö̧ jȩpä̧tö̧mä̧, iso päi'önä huȩnȩ esetocotö. Jahuätö ttamöcuädömä suronä amöcuädätö. Jahuätö Dios i̧huȩnȩ esetocotö.

San Mateo 16:1

Fariseos huotö'inä, saduceos huotö'inä Jesúsru topö 'chi̧nä̧tö̧ amönä jä'epö ttä̧ju̧cua̧rö̧ pä'ö. Jahuätö koro juäi mo̧ro̧jä̧ jähuä, ttö̧ja̧ ttieru juäi totta pä'inätödo.