Apocalipsis 13:11 - TÄ̧DO Ä̧CUÄ̧ I̧HUȨNȨ

¹¹ Ja̧u̧nu̧ o'ca'a, ka̧ra̧ pä̧i̧cua̧ i̧sa̧'i̧nä̧ pi̧jä̧ttö̧ räopa'a topinösä. Ja̧u̧ pä̧i̧cua̧ i̧sa̧mä̧ oveja i̧tti̧ ta'anö, todäre u i̧sä̧juä̧ ku̧nä̧ri̧nö̧. Ja̧'hua̧nö̧ ja̧'a̧nä̧ ojuo da'ä jä̧'i̧nö̧'a̧nö̧ hua̧ ucuocu'a̧nö̧ ucuocuinö.

Nuevo Testamento Uwotjüja

¹¹ Jua̧u̧nü̧ o'ka'a topinü̧sä̧, kka̧ra̧ i̧sa̧ büó betia rȩjȩttü̧ rä'opürü. Ä̧ja̧ okä tokäre kku̧nä̧rü̧rü̧, oweja mü̧ä̧ya̧ 'kua̧rü̧nä̧ wa̧ ja̧'a̧nä̧ dragó̧ pättäku 'kua̧rü̧nä̧ ukuokuinü̧.

Apocalipsis 13:11 Referans Kwoze

San Mateo 7:15

“Korotömä “Dios i̧huȩnȩ ji'ähuätöjä” pätta'anä, yapareu jittähuomenä cuesetätucuä'. Jahuätömä ucuturu ichö o̧vȩja̧stö̧ jȩttö̧'a̧nö̧ jȩpä̧tö̧ yapareu. Ji̧nä̧ isocu ä̧hui̧ri̧tö̧ ra̧huä̧rä̧tö̧ jä̧'i̧nö̧'a̧nö̧ huotö.

Apocalipsis 17:6

Ja̧u̧nu̧ o'ca'a, jahuäju isaju Dios i̧tti̧mö̧ ttucuoja'inä, Jesús i̧huȩnȩ ji'äu kä̧nö̧ hua'ö icuinätö ttucuoja'inä kahuäja'attö, tä̧jä̧ma̧'a̧ topinösä. Ja̧'hua̧nö̧ tochomenä, ye'ö to̧pä̧ri̧nö̧sä̧.

Apocalipsis 16:13

Ja̧u̧nu̧ o'ca'a, huämetucuä espíritus suropätö, hua̧jo̧tö̧ jä̧'i̧nö̧'a̧nö̧ huotö, ojuo da'ä jä̧'i̧nö̧'a̧nö̧ hua̧ ättö'inä, pä̧i̧cua̧ i̧sa̧ ättö'inä, yapareu huȩnȩ ji'äu ättö'inä rättopa'a topinösä.

Apocalipsis 13:17

Ja̧u̧ juäi sello tahuähua'a'inä, ja̧u̧ pä̧i̧cua̧ i̧sa̧ i̧mi̧'i̧nä̧, ja̧u̧ pä̧i̧cua̧ i̧sa̧rö̧ número pa̧ja̧cuä̧'i̧nä̧ jui'ätömä, yoröiso ȩmö̧'i̧nä̧, ȩmo̧co̧tö̧ ttäcuotö. Iyö'inä iyocotö ttäcuotö.

Apocalipsis 11:7

Ja̧'hua̧nö̧ ja̧'a̧nä̧ jahuätö ttaditähuä cättädomenä, ya̧tȩ pä̧i̧cua̧ i̧sa̧, reju yoröiso beipocojuttu rä'opö, jahuätörö ö̧ro̧huä̧huä̧cua̧. Ja̧'hua̧ta̧nö̧ jahuätörö rohuäu ujuruhuomenä, cuä'ö icuäcuä̧u̧.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

Apocalipsis 12:17

Ja̧'hua̧nö̧ 'cuäopomenä, ja̧u̧ ojuo da'ä jä̧'i̧nö̧'a̧nö̧ hua̧ ji̧nä̧ isocu ra̧huä̧ri̧nö̧ jahuäju isajuru. Korotörö, kahuaruhuä o'cotörö, Dios hueö adiu jȩpä̧tö̧rö̧, Jesucristo i̧huȩnȩ päö ta'anö adiu cue'ächätörö, örohuähua pä'ö 'chi̧nö̧.

2 Tesalonicenses 2:4

Ja̧u̧mä̧ o'ca juiyönä Dios jähuä, pi̧jä̧ ttö̧ja̧ ttucuotömä, suronä u̧cuo̧cuä̧cua̧. Diosrö ucuocuäcuähuodenä do'ächi'ö, Dios a̧'cua̧rö̧nä̧ ö̧'ä̧mä̧dä̧cua̧. “Ttömä Diossä”, pä̧cua̧.

Apocalipsis 17:8

Ja̧u̧ pä̧i̧cua̧ i̧sa̧ tocu'äcumä, täbocö ki̧nö̧. Ja̧'hua̧nö̧ ja̧'a̧nä̧ jitämä yoröiso toa'a. Ja̧'hua̧ ja̧'a̧nä̧ reju, yoröiso beipocojuttu 'cha̧huä̧chä̧cua̧ röji hua'ö icuäcua'a ä'canänö. Pi̧jä̧ ttö̧ja̧, pi̧jä̧nä̧ ka̧cuä̧tö̧mä̧, pi̧jä̧ ttaditinö mo̧ro̧ kä̧cuä̧huä̧ i'co cuyäru'tä tti̧huȩyu̧ti̧nö̧'tänä tti̧mi̧ huȩyu̧cuo̧co̧tö̧mä̧, ja̧u̧ pä̧i̧cua̧ i̧sa̧, jitämä ö̧jo̧ca̧'a̧nä̧ täbocö ö̧ji̧na̧'a̧, yodoji'inä pä'äji ta'anö ö̧jä̧cua̧rö̧ ye'ö tottäcuotö.

Apocalipsis 13:1

Ttö dubora rö̧ora jäyoto rȩba̧nä̧ chö̧jo̧mȩnä̧, pä̧i̧cua̧ i̧sa̧, uhuiyä'inä ko̧ro̧mö̧ttö̧nö̧ todäre ku̧nä̧rö̧mä̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧mä̧, juhuorattö räopa'a topinösä. Koro u i̧sä̧juä̧nä̧'i̧nä̧, koro u i̧sä̧juä̧nä̧'i̧nä̧ ppöttähuä huȩnä̧ri̧nö̧. Koro unä'inä, koro unä'inä Diosrö suronä pä'ö huȩnȩ huȩyu̧cui̧na̧'a̧.

Apocalipsis 13:4

Chutä ojuo da'ä jä̧'i̧nö̧'a̧nö̧ hua̧rö̧, ja̧u̧ pä̧i̧cua̧ i̧sa̧rö̧ huea pä'ö hueäja'attö, eseunu ucuocuinätö. Ja̧u̧ pä̧i̧cua̧ i̧sa̧rö̧'i̧nä̧ eseunu ucuocu pä'inätö: —Pide jö̧ ta'anö hua̧mä̧, ¿tidejä̧ttö̧? Pidecu örohuäu'a̧nö̧ hua̧mä̧, ¿tidejä̧ttö̧?