Apocalipsis 13:10 - TÄ̧DO Ä̧CUÄ̧ I̧HUȨNȨ

¹⁰ Korotömä korotörö cärenä ttö̧'a̧ pä'ö ȩpä̧tö̧mä̧, jitötä'inä cärenä ttö̧'ä̧cuo̧tö̧. Korotömä korotörö curodänä cuä'ö icuätömä, ja̧'hua̧ta̧nö̧ curodänä cuä'ö tticuäcuotö jahuätörö. Ja̧'hua̧nö̧ ja̧'a̧ttö̧ Dios i̧tti̧mö̧mä̧ ttami 'quittächi'ö'a̧nö̧ ja̧'a̧. Ja̧'hua̧ta̧nö̧ adiunä ttesetö'a̧nö̧ ja̧'a̧.

Nuevo Testamento Uwotjüja

¹⁰ «Kärenä̧ra̧'a̧ ttȩpä̧u̧ru̧mä̧, kärenä̧ra̧'a̧ ttȩpä̧kuä̧u̧; kurodiyänä̧ kuä'äu tti̧kuä̧u̧ru̧mä̧, kuä'äu ttikuäkuä̧u̧ Jua̧u̧ pä̧nä̧ jä̧kua̧'a̧, Dio i̧tti̧mü̧ tta̧mi̧ 'kittächi'ü'i̧nä̧, tta̧'kua̧ ttu̧wȩnä̧rü̧'i̧nä̧ i̧jȩkuä̧chä̧kua̧'a̧mä̧.»

Apocalipsis 13:10 Referans Kwoze

Apocalipsis 14:12

Ja̧'hua̧nö̧ ja̧'a̧ttö̧ Dios i̧tti̧mö̧, chutä Dios hueö jȩpä̧tö̧'i̧nä̧, Jesúscu adiu cue'ächätö'inä ttami 'quittächi'ö'a̧nö̧ ja̧'a̧.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.

San Lucas 21:19

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Apocalipsis 2:2

O'ca juiyönä jȩcu̧'u̧mä̧ huo̧jua̧sä̧. Cuami 'qui'ächi'ö rö̧ȩnä̧ cuadita'a huo̧jua̧sä̧. Ja̧'hua̧ta̧nö̧ juhua'a yabonö suronä jȩpä̧tö̧rö̧ kö'cocöjä huo̧jua̧sä̧. Korotö “Dios i̧huȩnȩ ji'ähuätöjä” pä'ätö yapareu ji'ähuätörö ka̧cuä̧mö̧ topinöjä huo̧jua̧sä̧. Jahuätömä yapareu ucuocuätö huo̧jua̧jä̧ ucumä.

San Mateo 26:52

Ja̧'hua̧nö̧ ja̧'a̧ttö̧ Jesús pä'inödo: —Cucurodä hua'adö ku̧ni̧. O'ca toi'önä curodänä rohuähuätömä, curodänä hua'ö tticuäcuotö.

Apocalipsis 16:6

Jahuätömä ucuru esetinätörö'inä, ucu huecuhuinö ucuocuinätörö'inä ttucuoja erönä jȩpi̧nä̧tö̧. Jitämä jitötä ttucuoja ttahua pä'ö jȩcu̧'i̧nä̧u̧. Iso päi'önä huäinä 'cuäopäcuä̧u̧.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

Apocalipsis 3:3

Cu̧huo̧jui̧'i̧nö̧ huȩnȩ amöcuädi. Ja̧u̧ huȩnȩ päö'a̧nö̧ jȩpi̧. Pärocuäcutä amöcuädi. Cu'orächi'ö juiyöttömä, ya̧tȩ nä̧u̧cuä̧rö̧ i̧sa̧ ucu cuieruhuomenä ichö'a̧nö̧, chi̧chä̧cua̧sä̧ ucuru.

Apocalipsis 2:19

O'ca juiyönä jȩcu̧'u̧ huo̧jua̧sä̧. Ucu repecu'inä, cuesetö'inä, cuaditö'inä, cuami 'quicuhuächi'ö'inä huo̧jua̧sä̧. Ja̧'hua̧ta̧nö̧ äcuomenä cuesetinöttö'inä abonänö adiu jȩpö̧jä̧ jitämä huo̧jua̧sä̧.

Colosenses 1:11

Ucutu cujuruhuätucua pä'ätöjä chutä adihuä ujurunä, o'ca juiyönä eseunu tta̧'ä̧rö̧ cuami 'qui'ächi'ö cu̧ja̧cuä̧tu̧cuä̧cua̧'a̧nö̧.

San Mateo 7:2

Korotörö päcuhuätucu ta'anö, ucuturu'inä pä̧cua̧. Iso päi'önä korotörö päcuhuätucu ta'anö, pä̧cua̧ ucuturu'inä.

Apocalipsis 11:18

Korotö ttö̧ja̧ ra̧huä̧rä̧tö̧. Ja̧'hua̧nö̧ ja̧'a̧nä̧ ucu cu̧tä̧bo̧tö̧ mo̧ro̧ päi'a'a. Ja̧'hua̧ta̧nö̧ hua'ö icuinätörö: “Ucu adiu jȩpö̧jä̧”, “Ucu suronä jȩpö̧jä̧” päcu mo̧ro̧ päi'a'a. Ucutä cumöhuäyotö, ucu huecumä ucuocuätörö, adihuä juäi cui̧yä̧cua̧jä̧. Ucuru adiunä esehuätö'inä, cui̧mi̧ ucuotätö'inä, usurä isotö'inä, järe ruhuotö'inä ucuru esetätörö adihuä juäi cui̧yä̧cua̧jä̧. Korotö pi̧jä̧ be'epäjipö tticua pä'ö jȩpä̧tö̧rö̧, bettipächönä to'ädö cuicuometä päi'a'a.

Apocalipsis 17:8

Ja̧u̧ pä̧i̧cua̧ i̧sa̧ tocu'äcumä, täbocö ki̧nö̧. Ja̧'hua̧nö̧ ja̧'a̧nä̧ jitämä yoröiso toa'a. Ja̧'hua̧ ja̧'a̧nä̧ reju, yoröiso beipocojuttu 'cha̧huä̧chä̧cua̧ röji hua'ö icuäcua'a ä'canänö. Pi̧jä̧ ttö̧ja̧, pi̧jä̧nä̧ ka̧cuä̧tö̧mä̧, pi̧jä̧ ttaditinö mo̧ro̧ kä̧cuä̧huä̧ i'co cuyäru'tä tti̧huȩyu̧ti̧nö̧'tänä tti̧mi̧ huȩyu̧cuo̧co̧tö̧mä̧, ja̧u̧ pä̧i̧cua̧ i̧sa̧, jitämä ö̧jo̧ca̧'a̧nä̧ täbocö ö̧ji̧na̧'a̧, yodoji'inä pä'äji ta'anö ö̧jä̧cua̧rö̧ ye'ö tottäcuotö.

Apocalipsis 17:11

Chutä pä̧i̧cua̧ i̧sa̧, täbocö ö̧ji̧na̧'a̧, jitä ko̧cö̧mä̧, ja̧u̧mä̧ ko̧ro̧mö̧ttö̧nö̧ huämetucuä ru̧hua̧ päi'önä ö̧jä̧cua̧. Chutä ja̧'hua̧nö̧ ö̧jä̧cua̧mä̧ jahuätö ko̧ro̧mö̧ttö̧nö̧ ta̧ju̧nu̧ ruhuättö i̧sa̧ ja̧'a̧nä̧, to̧ȩi̧'ä̧cua̧.