Apocalipsis 12:4 - TÄ̧DO Ä̧CUÄ̧ I̧HUȨNȨ

⁴ I̧hui̧ri̧pa̧nä̧ mo̧ro̧jä̧ttö̧ si̧ri̧'cö̧rö̧ ju'tomecutä do'opö ȩmi̧pö̧ pi̧jä̧ra̧'a̧cu̧ icuinö. Ja̧u̧ i̧sa̧mä̧ yajujua isaju ku̧bo̧du̧ma̧ ni̧yä̧cua̧ kä'ca jo̧mȩ kä̧mä̧di̧nö̧, ji̧'qui̧cha̧hua̧ uhuäpächomenä ucui'a pä'ö.

Nuevo Testamento Uwotjüja

⁴ Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

Apocalipsis 12:4 Referans Kwoze

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Apocalipsis 9:19

Pitö ca̧ba̧llo̧stö̧ ttättö'inä, tti̧hui̧ri̧pi̧yu̧ttu̧'i̧nä̧ juruhuinätö. Tti̧hui̧ri̧pi̧yu̧ koro hua̧ ä̧ca̧, u ku̧nä̧rö̧ jä̧'i̧nö̧'a̧nö̧ hui̧nä̧tö̧. Tti̧hui̧ri̧pi̧yu̧cu̧ suronä jȩpi̧nä̧tö̧.

Apocalipsis 9:10

Tti̧hui̧ri̧pi̧yu̧ päjure idiyu jö̧ ta'anö hui̧nä̧tö̧. Ja̧'hua̧ta̧nö̧ tti̧hui̧ri̧pi̧yu̧nä̧ ttö̧ja̧rö̧ rarattomenä, ji̧mö̧tȩ ruhuä kä̧hua̧tö̧ ubara ttutta pä'ö juruhuinätö.

Apocalipsis 8:7

Äcuomenä ángel öäre trompeta ppö'inö. Ppöomenä, diyahuo'qui'inä, ocurä'inä ttucuojacu huihuaunä ma̧i̧na̧'a̧ pi̧jä̧ra̧'a̧. Rȩjȩ'i̧nä̧ ju'tomecutä, dauhuiyä'inä ju'tomecutä, o'ca juiyönä isä'cua'inä juiyönä cuo'ö icuina'a.

1 Pedro 5:8

Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

Apocalipsis 17:18

Jahuäju isajumä, tocu'äcuamä, ja̧u̧ ötahuiyä rö̧ome, o'ca toi'önä pi̧jä̧nä̧ ka̧cuä̧tö̧ ruhuotörö huea'a jä̧'i̧nö̧'a̧nö̧ ja̧'a̧.

Apocalipsis 8:8

Ka̧ra̧ ángel, ta̧ju̧ päi'omenä, öäre trompeta ppö'inö. Ppöomenä, koro juäi möä'ca, rö̧ä'ca, ocurä cuoä'ca jä̧'i̧nö̧'a̧nö̧ ma̧i̧na̧'a̧, dubora rö̧oranä. Ja̧'hua̧nö̧ ma̧o̧mȩnä̧, dubora rö̧ora ju'tomecutä ttucuoja päi'önä juoächina'a.

Apocalipsis 8:9

Ja̧'hua̧ta̧nö̧ o'ca toi'önä isotö, dubora rö̧oranä ka̧cuä̧tö̧ttö̧ ju'totä hua'ö icuinätö. Ja̧'hua̧ta̧nö̧ huoi'quiyu'inä ju'totä toei'ina'a.

Apocalipsis 8:10

Ka̧ra̧ ángel, huämetucuä päi'önä, öäre trompeta ppö'inö. Ppöomenä, ya̧tȩ siri'comä, koro juäi lámpara cuo̧ä̧ra̧ ma̧'a̧ jä̧'i̧nö̧'a̧nö̧, mo̧ro̧jä̧ra̧'a̧ttö̧ ma̧i̧na̧'a̧. Ajehuiyänä'inä, aje i̧sä̧ri̧yä̧nä̧'i̧nä̧ ju'tomecutä ma̧i̧na̧'a̧.

Apocalipsis 8:11

Ja̧u̧ siri'co i̧mi̧mä̧ Ajenjo pä'ö mi̧cui̧nö̧. Ja̧'hua̧nö̧ ma̧o̧mȩnä̧, o'ca juiyönä ajiya ju'tomecutä reönä juoächina'a. Ja̧'hua̧ta̧nö̧ ja̧u̧ ajiya rea'attö, recuätö ttö̧ja̧ hua'ö icuinätö.

Apocalipsis 8:12

Ka̧ra̧ ángel, pa̧ja̧cuä̧nö̧ päi'önä, öäre trompeta ppö'inö. Ppöomenä, mo̧ro̧ kä̧hua̧'i̧nä̧, yodo kä̧hua̧'i̧nä̧, si̧ri̧'cö̧'i̧nä̧ ju'tomecutä surojuo'ächinätö. Ja̧'hua̧nö̧ surojuottächomenä, yoröiso yo̧i̧na̧'a̧ ttitejädoca'attö. Ja̧'hua̧ta̧nö̧ mo̧ro̧'i̧nä̧, yodo'inä ju'tomecutä, a̧'u̧cua̧'a̧tä̧ yoröiso tejädocotö pi̧nä̧tö̧.

Apocalipsis 12:7

Ja̧u̧nu̧ o'ca'a, rö̧ȩnä̧ rohuähuinätö mo̧ro̧jä̧ra̧'a̧ttö̧. Arcángel Miguelcu, umöhuäyotö ángelescu rohuähuinätö ja̧u̧ ojuo da'ä jä̧'i̧nö̧'a̧nö̧ hua̧cu̧. Ja̧u̧ ojuo da'ä jä̧'i̧nö̧'a̧nö̧ hua̧cu̧, umöhuäyotöcu pärocua'acu rohuähuinätö.

Apocalipsis 13:2

Ja̧u̧ pä̧i̧cua̧ i̧sa̧mä̧, tochäjäcumä yähui ta'anö hui̧nö̧. Ö̧jä̧pi̧yä̧mä̧ oso ta'anö hui̧nö̧. Ä'inä león ta'anö hui̧nö̧. Ja̧u̧ ojuo da'ä jä̧'i̧nö̧'a̧nö̧ hua̧mä̧ ja̧u̧ pä̧i̧cua̧ i̧sa̧rö̧ ujuru'inä, i̧dȩä̧cä̧'i̧nä̧, rö̧ȩnä̧ hueähuä'inä iyinäcu.

Apocalipsis 13:4

Chutä ojuo da'ä jä̧'i̧nö̧'a̧nö̧ hua̧rö̧, ja̧u̧ pä̧i̧cua̧ i̧sa̧rö̧ huea pä'ö hueäja'attö, eseunu ucuocuinätö. Ja̧u̧ pä̧i̧cua̧ i̧sa̧rö̧'i̧nä̧ eseunu ucuocu pä'inätö: —Pide jö̧ ta'anö hua̧mä̧, ¿tidejä̧ttö̧? Pidecu örohuäu'a̧nö̧ hua̧mä̧, ¿tidejä̧ttö̧?

Apocalipsis 16:13

Ja̧u̧nu̧ o'ca'a, huämetucuä espíritus suropätö, hua̧jo̧tö̧ jä̧'i̧nö̧'a̧nö̧ huotö, ojuo da'ä jä̧'i̧nö̧'a̧nö̧ hua̧ ättö'inä, pä̧i̧cua̧ i̧sa̧ ättö'inä, yapareu huȩnȩ ji'äu ättö'inä rättopa'a topinösä.

Apocalipsis 20:2

Ja̧u̧ ángel ojuo da'ä jä̧'i̧nö̧'a̧nö̧ hua̧rö̧, ja̧u̧ täbocö ä̧ca̧ pi̧nö̧rö̧, 'chu'ädinö. Ja̧u̧ ojuo da'ä̧ jä̧'i̧nö̧'a̧nö̧ hua̧mä̧ ähuettä'inä, Satanás'inä päi'önä kö̧. Ja̧u̧ru̧ 'chuhuädäji o'ca'a, ya'ute mil a̧'ȩ jo̧mȩnä̧ päi'önä, cuoräusa nö'cähua'a ki̧nö̧.