Apocalipsis 11:5 - TÄ̧DO Ä̧CUÄ̧ I̧HUȨNȨ

⁵ Ya̧tȩ jahuätörö suronä jȩa̧ päöttömä, ocurä, ttaboiyotörö toönä cuo'ö icuarä, ttättö räopa'a. O'ca toi'önä jahuätörö suronä jȩtta̧ pä'ätömä, ja̧'hua̧nö̧ 'corupätti'äcuotö.

Nuevo Testamento Uwotjüja

⁵ Ja̧'wa̧nü̧ ja̧'a̧ttü̧, juätürü ya̧tȩ suronä̧ jȩa̧ päüttümä̧, juätümä̧ ttänä̧ okurä kuoäkuäu̧, kuo'ü ttikunä̧ ttaboiyotürümä̧, 'koru pätti'ünä̧'i̧nä̧, jü̧nä̧tä̧.

Apocalipsis 11:5 Referans Kwoze

Apocalipsis 9:17

'Cuo̧ti̧nä̧ pa̧'a̧nö̧ topinösä ca̧ba̧llo̧stö̧rö̧'i̧nä̧, ca̧ba̧llo̧stö̧nä̧ huä̧mä̧di̧nä̧tö̧rö̧'i̧nä̧. Jahuätömä tta̧mö̧ca̧nä̧ tto̧ȩcuä̧ra̧'a̧ koro tu'inä, ja̧'tu̧'i̧nä̧, tu'unänö'inä tuhuecua'a ru̧nä̧ri̧nä̧tö̧. Ca̧ba̧llo̧stö̧mä̧, ttumä yähui u jä̧'i̧nö̧'a̧nö̧ hui̧nä̧tö̧. Ttättö räopina'a ocurä'inä, isoppa'inä, koro juäi azufre pättö juäi'inä.

Apocalipsis 13:13

Ja̧'hua̧ta̧nö̧ rö̧ȩnä̧ ttö̧ja̧ ttieru juäi'inä jȩpi̧nö̧. Ocurä'inä mo̧ro̧jä̧ttö̧ pi̧jä̧ra̧'a̧cu̧ ma̧ pä'ö jȩpi̧nö̧, pi̧jä̧ ttö̧ja̧ totta'anä.