Apocalipsis 11:19 - TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ ja̧'a̧ttö̧ mo̧ro̧jä̧ra̧'a̧ttö̧ Diosrö ucuocuäcuähuode bahuecuächina'a. Hueähuä huȩnȩ ȩcä̧ca̧, adihuä i̧sä̧ca̧, Diosrö ucuocuäcuähuodettö uhuähuina'a. Ja̧u̧nu̧ pä̧nä̧mä̧ cu'upä'inä rohuinö. Koro juäi'inä rö̧ȩnä̧ ucuocuina'a. Cu'upä'inä cöröächina'a. Rȩjȩ'i̧nä̧ ttö̧ä̧hui̧na̧'a̧. Diyahuo'qui'inä ju'tojuttu ma̧i̧na̧'a̧.

Nuevo Testamento Uwotjüja

¹⁹ Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Apocalipsis 11:19 Referans Kwoze

Apocalipsis 16:21

Ja̧'hua̧ta̧nö̧ diyahuo'qui rö̧o'qui, cuarenta kilos jo̧mȩnä̧ amäco'qui, mo̧ro̧jä̧ra̧'a̧ttö̧ ma̧i̧na̧'a̧ pi̧jä̧ ttö̧ja̧rö̧. Ja̧u̧ diyahuo'qui ma̧o̧mȩnä̧, rö̧ȩnä̧ ro̧ȩcuä̧ ji̧na̧'a̧. Ja̧'hua̧nö̧ ja̧'a̧ttö̧ pi̧jä̧ ttö̧ja̧ ja̧u̧ juäi suronä 'cuäopä̧u̧ suronä ucuocuinätö Diosrö.

Apocalipsis 4:5

Ja̧u̧ dȩä̧cä̧ttö̧ cu'upä rohuinö'inä, cu'upä cöröächa'a'inä, koro rö̧ȩnä̧ ucuocuäcuähuä'inä räopina'a. Ja̧'hua̧ta̧nö̧ dȩä̧cä̧ ä'ca jo̧mȩttö̧ ko̧ro̧möttö̧nö̧ todäre lámparas cuo'ö ki̧na̧'a̧. Ja̧u̧ juäi lámparas ko̧ro̧mö̧ttö̧nö̧ ta̧ju̧nu̧ espíritus huotö Dios jähuä ja̧'a̧.

Apocalipsis 8:5

Ja̧u̧nu̧ o'ca'a, ja̧u̧ ángel ja̧u̧ rö̧ȩnä̧ ameu ku icuähuo̧'ta̧ 'chu̧'ä̧rö̧, ocu i̧sa̧ri̧ Diosrö ucuocuäcuähuodättö ȩmä̧ji̧'ca̧ ȩni̧nö̧ ju̧huo̧'ta̧nä̧. Ja̧'hua̧nö̧ ȩnä̧ji̧'ca̧, rȩjȩcu̧ icuinö. Ja̧'hua̧nö̧ icuomenä, cu'upä'inä cöröächina'a. Koro'inä rö̧ȩnä̧ ucuocuina'a. Cu'upä'inä rohuinö. Rȩjȩ'i̧nä̧ ttö̧ä̧hui̧na̧'a̧.

Apocalipsis 19:11

Ja̧'hua̧ ja̧'a̧ttö̧ mo̧ro̧jä̧ bahuecuächa'a topinösä. Ya̧tȩ caballo tȩ'a̧rö̧ topinösä. Ja̧u̧ caballorö huä̧mä̧di̧nö̧mä̧ i̧mi̧mä̧ Adiunätä Jȩpö̧'i̧nä̧, Iso Päi'önä Pä'ö'inä todärenä mi̧cui̧nö̧. Ja̧u̧mä̧ jueönä huea'attö'inä, korotörö örohuähua'attö'inä ja̧'hua̧nö̧ mi̧cui̧nö̧.

Apocalipsis 11:15

Ka̧ra̧ ángel, ko̧ro̧mö̧ttö̧nö̧ ta̧ju̧nu̧ päi'önä, öäre trompeta ppö'inö. Ppöomenä, recuätö tti̧huȩnȩ pä̧i̧cu̧nä̧ ttucuocua'a mo̧ro̧jä̧ra̧'a̧ttö̧ ttä̧ju̧cui̧na̧'a̧. Pa̧'a̧nö̧ ucuocuina'a: Jitämä pi̧jä̧nä̧ hueömä ujutu Tu̧ru̧hua̧ Cristo hueäcua'a̧nö̧. Ja̧u̧ 'cuäopönätä huȩä̧cua̧.

Apocalipsis 16:18

Ja̧'hua̧ ja̧'a̧ttö̧ cu'upä'inä rohuinö. Koro juäi'inä rö̧ȩnä̧ ucuocuina'a. Cu'upä'inä cöröächina'a. Ttö̧ja̧ pi̧jä̧nä̧ äcuomenä ttö̧ja̧cui̧nö̧ kä̧mä̧dö̧, jitä pä̧nä̧ päi'önä, pi̧jä̧ pä'äji ttö̧ä̧hui̧nö̧ttö̧'i̧nä̧ abonänö rö̧ȩnä̧ ttö̧ä̧hui̧na̧'a̧.

Apocalipsis 11:13

Ja̧'hua̧nö̧ 'chattächinö pä̧nä̧, rȩjȩ'i̧nä̧ ttö̧ä̧hui̧na̧'a̧. Ötahuiyä ju'tomecutä ma̧ä̧chi̧na̧'a̧. Rȩjȩ ja̧'hua̧nö̧ ttö̧ä̧huo̧mȩnä̧, siete mil jo̧mȩnä̧ ttö̧ja̧ hua'ö icuinätö. Korotö ttö̧ja̧ ka̧cui̧pi̧nä̧tö̧mä̧ yettecua'attö, Diosrö, mo̧ro̧jä̧nä̧ kö̧rö̧ amöcuädö ucuocuinätö.

Apocalipsis 8:7

Äcuomenä ángel öäre trompeta ppö'inö. Ppöomenä, diyahuo'qui'inä, ocurä'inä ttucuojacu huihuaunä ma̧i̧na̧'a̧ pi̧jä̧ra̧'a̧. Rȩjȩ'i̧nä̧ ju'tomecutä, dauhuiyä'inä ju'tomecutä, o'ca juiyönä isä'cua'inä juiyönä cuo'ö icuina'a.

Apocalipsis 4:1

Ja̧u̧nu̧ o'ca'a tochomenä, mo̧ro̧jä̧ra̧'a̧ttö̧ äpate bahuecua'a topinösä. Ja̧u̧ huȩnȩ, trompeta ucuocu'a̧nö̧ rä̧mi̧pö̧ huȩnȩ, ttörö äcuomenä ucuocuinö huȩnȩ, ttörö ucuocuina'a: —Pocu 'cha'ächi. Pi̧yȩ 'cuäopö o'ca'a 'cuäopä̧cuȩmä̧ chi̧jȩpa̧cu̧.

Apocalipsis 7:15

Ja̧'hua̧nö̧ ja̧'a̧ttö̧ jahuätö Dios i̧dȩä̧cä̧ ä'cattö mo̧ro̧'i̧nä̧, yodo'inä, Diosrö pä̧huä̧ rö̧jo̧mȩnä̧ jȩpä̧tö̧ churutä ucuocuäcuähuodettö. Ja̧'hua̧ta̧nö̧ chutä i̧dȩä̧cä̧nä̧ pö̧mä̧, ö̧ja̧'a̧ttö̧ jahuätörö tta̧huä̧rä̧cua̧.

Apocalipsis 12:1

Ja̧'hua̧ ja̧'a̧ mo̧ro̧jä̧nä̧ koro juäi rö̧ȩnä̧ i̧jȩcuä̧ i̧jȩcui̧na̧'a̧. Yajute isaju, kö̧'ca̧tä̧huä̧ta̧ mo̧ro̧ kä̧hua̧ttö̧ 'ca̧tä̧huä̧ju̧ru̧ topinösä. Ja̧'hua̧ta̧nö̧ yodo kä̧hua̧rö̧ kö̧jä̧pö̧ dȩa̧'a̧ ku̧nä̧ri̧nä̧ju̧. Kunä'inä ppöttähuä ttö̧jä̧pö̧ttö̧nö̧ ta̧ju̧ si̧ri̧'cö̧ttö̧ adicua'a huȩnä̧ri̧nä̧ju̧.

Apocalipsis 16:1

Ja̧'hua̧ ja̧'a̧ttö̧ ji̧nä̧ isocu Dios adihuä ö̧jo̧mȩttö̧ ya̧tȩ i̧huȩnȩ pä̧i̧cu̧nä̧ ucuocua'a ä̧ju̧cui̧nö̧sä̧. Ja̧u̧ huȩnȩ jahuätörö ko̧ro̧mö̧ttö̧nö̧ ta̧ju̧ ángelesrö päina'a: —Ja̧u̧ juäi, ko̧ro̧mö̧ttö̧nö̧ to̧'ta̧rȩ rö̧ȩnä̧ ro̧ȩcuä̧ Diosttö ichäcua'a ȩcö̧mä̧, to'äu icuätucui rȩjȩra̧'a̧cu̧.