Apocalipsis 1:9 - TÄ̧DO Ä̧CUÄ̧ I̧HUȨNȨ

⁹ Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

Nuevo Testamento Uwotjüja

⁹ Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 1:9 Referans Kwoze

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

Apocalipsis 1:2

Chutä Juan, o'ca juiyönä toinömä, iso päi'önä huȩnȩ ji'äu huȩyu̧ti̧nö̧do. Pi̧yȩ huȩnȩ Dioscu, Jesucristocu jittähua'a ä̧ju̧cu̧ huȩyu̧ti̧nö̧do.

Apocalipsis 13:10

Korotömä korotörö cärenä ttö̧'a̧ pä'ö ȩpä̧tö̧mä̧, jitötä'inä cärenä ttö̧'ä̧cuo̧tö̧. Korotömä korotörö curodänä cuä'ö icuätömä, ja̧'hua̧ta̧nö̧ curodänä cuä'ö tticuäcuotö jahuätörö. Ja̧'hua̧nö̧ ja̧'a̧ttö̧ Dios i̧tti̧mö̧mä̧ ttami 'quittächi'ö'a̧nö̧ ja̧'a̧. Ja̧'hua̧ta̧nö̧ adiunä ttesetö'a̧nö̧ ja̧'a̧.

Filipenses 4:14

Ja̧'hua̧nö̧ ja̧'a̧nä̧ ucutu ttörö ppä'ädö adiu jȩpi̧nä̧tö̧jä̧, suronä 'cuäopa'anä ttörö.

Apocalipsis 12:11

Ujutu tö̧jä̧hua̧tö̧ chutä Corderomä ucuojanä imitähuina'attö'inä, chutä i̧huȩnȩ jittähuina'attö'inä, ja̧u̧ suronä jȩpi̧nö̧ttö̧'i̧nä̧ abonänö juruhuinätö. Jahuätö 'corupäi'äcuähuä ye'ecuocotö pi̧nä̧tö̧. Jahuätömä “Ujutu Dios i̧huȩnȩ jitähuomenä, 'corupäti'öttömä huäinä ja̧'a̧” pä'inätö.

Apocalipsis 7:14

Ja̧'hua̧nö̧ jäepomenä, ttötä ädätinösä: —Chu̧ru̧hua̧, ucutä huo̧jua̧jä̧. Ja̧'hua̧ ja̧'a̧ ttörö pä'inö: —Pitö rö̧ȩnä̧ surojö 'cuä'opinätö. Jitämä ttö̧'ca̧tä̧huä̧ti̧yu̧mä̧, yoröiso teönä töquinätö chutä Cordero ucuojanä.

2 Timoteo 1:8

Tu̧ru̧hua̧ i̧huȩnȩ korotörö ucuocu cudäpecuä'. Ttö Chu̧ru̧hua̧rö̧ cheseta'attö, cärenä pö̧rö̧'i̧nä̧ cudäpecuä'. Dios ujurunä, ttö̧ja̧ suronä jȩttö̧ jȩpö̧ icu huȩnȩ esetö, ucu'inä ubara ttu'i.

Romanos 8:25

Ji̧nä̧ totoca'anä tta̧tä̧rö̧mä̧ tami 'qui'ächi'ö tta̧tä̧rö̧'a̧nö̧ ja̧'a̧.

Apocalipsis 14:12

Ja̧'hua̧nö̧ ja̧'a̧ttö̧ Dios i̧tti̧mö̧, chutä Dios hueö jȩpä̧tö̧'i̧nä̧, Jesúscu adiu cue'ächätö'inä ttami 'quittächi'ö'a̧nö̧ ja̧'a̧.

Hebreos 10:36

Ucutumä Diosrö pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö, cuami 'quicuhuächi'ätucu'a̧nö̧ ja̧'a̧. Ja̧'hua̧nö̧ jȩpö̧, Dios iya päinömä cuȩmä̧cuo̧tö̧jä̧.

Filipenses 1:7

Ucuturu ja̧'hua̧nö̧ pä'ö chamöcuädöttömä, adihua'ado. Ucuturu chami iso'quinä eseunu amöcuädösä. Ujutumä ji̧nä̧ yo̧mȩtȩ adihuä juäi ȩmi̧nä̧tö̧jä̧, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ji'äu cärenä chö̧'a̧'a̧nä̧'i̧nä̧, ja̧u̧ huȩnȩ cheseta'attö ttörö jä'epö ttä̧ju̧cua̧'a̧nä̧'i̧nä̧.

Apocalipsis 11:7

Ja̧'hua̧nö̧ ja̧'a̧nä̧ jahuätö ttaditähuä cättädomenä, ya̧tȩ pä̧i̧cua̧ i̧sa̧, reju yoröiso beipocojuttu rä'opö, jahuätörö ö̧ro̧huä̧huä̧cua̧. Ja̧'hua̧ta̧nö̧ jahuätörö rohuäu ujuruhuomenä, cuä'ö icuäcuä̧u̧.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.

Apocalipsis 12:17

Ja̧'hua̧nö̧ 'cuäopomenä, ja̧u̧ ojuo da'ä jä̧'i̧nö̧'a̧nö̧ hua̧ ji̧nä̧ isocu ra̧huä̧ri̧nö̧ jahuäju isajuru. Korotörö, kahuaruhuä o'cotörö, Dios hueö adiu jȩpä̧tö̧rö̧, Jesucristo i̧huȩnȩ päö ta'anö adiu cue'ächätörö, örohuähua pä'ö 'chi̧nö̧.

Apocalipsis 6:9

Chutä Cordero koro ji̧mö̧tȩ jähuä jo̧mȩnä̧ sello jȩpö̧ icuomenä, Diosrö ucuocuäcuähuodä dȩa̧'a̧, Dios i̧huȩnȩ ji'ähuinätö tta̧'cua̧ru̧hua̧rö̧ topinösä. Jahuätörö, Dios i̧huȩnȩ jittähua'attö cuä'ö tticuinä̧u̧.

Apocalipsis 1:4

Ttö, Juan, ko̧ro̧mö̧ttö̧nö̧ todäre iglesias ruhuärö, Asia rȩjȩnä̧ ka̧cuä̧tö̧rö̧ huȩyu̧tu̧sä̧. Dios ucuturu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ iyäcua'a̧nö̧. Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧. Ja̧'hua̧ta̧nö̧ ko̧ro̧mö̧ttö̧nö̧ ta̧ju̧nu̧ espíritus chutä ö̧'o̧mȩ ä'ca ka̧cuä̧tö̧'i̧nä̧, ucuturu ppättädäcua'a̧nö̧.

2 Tesalonicenses 3:5

Diosttö repeähuä cu̧ju̧nä̧rä̧tu̧cua̧ pä'ö ppädäcua'a̧nö̧ Tu̧ru̧hua̧. Cristottö ttami 'qui'ächi'ö kä̧cuä̧huä̧ iyäcua'a̧nö̧ ucuturu Tu̧ru̧hua̧.

San Mateo 20:23

Ja̧u̧nu̧ o'ca'a jahuätörö pä'inödo: —Iso päi'önä ttö ubara ttudu ta'anö ubara ttucuhuäcuotöjä. Ja̧'hua̧nö̧ ja̧'a̧nä̧ ka̧ra̧ chu̧huo̧jua̧'a̧nä̧, ka̧ra̧ chieruhua'anä ttö̧'ä̧mä̧da̧ pä'ö hue'ocösä ttömä. Chä'orö pä̧huä̧ rö̧jä̧u̧ru̧tä̧ huȩä̧cua̧ ja̧'hua̧nö̧ ttö̧'ä̧mä̧da̧ pä'ö.

San Marcos 10:39

Ja̧'hua̧nö̧ päomenä, ädätinätödo: —A̧, jȩtä̧cuo̧tö̧jä̧. Ja̧u̧nu̧ o'ca'a jahuätörö pä'inödo: —Iso päi'önä ttö ubara ttudu ta'anö, ubara ttucuhuäcuotöjä.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

2 Corintios 1:7

Iso päi'önä adiu esehuätöjä ucuturu. Ujutu huo̧juä̧tö̧jä̧ ja̧'hua̧nö̧ ubara ttucuhuätucuomenä, ja̧'hua̧ta̧nö̧ Dios ucuturu ppä'ädö pä'ö.

1 Pedro 5:1

Ttö chi̧huȩnȩ hue'ösä jitämä ancianos huotörö, iglesia ruhuärö tta̧'ä̧rä̧tö̧rö̧. Ttö'inä anciano hua̧sä̧, jahuätö ta'anö. Cristo ubara ttuhua'a topinösä. Ttö'inä jahuätö ta'anö, eseunu chö̧jä̧cua̧sä̧ Cristo ichä̧cuȩ mo̧ro̧ päi'omenä.

Apocalipsis 1:1

Pi̧yȩ huȩnȩ, Dios Jesucristorö u̧huo̧juȩti̧nö̧ huȩnȩ, juhua'a yabonö, yodoji chutä umöhuäyotörö u̧huo̧juȩta̧ pä'ö huo̧juȩti̧nö̧do. Jesucristo pi̧yȩ huȩnȩ, yodoji 'cuäopä̧cuȩ huȩnȩ, juhua'a yabonö huo̧juȩti̧nö̧do Juanrö, chutä u̧mö̧huä̧ya̧rö̧, ángel jiähua'anä.

Apocalipsis 1:6

Ja̧'hua̧ta̧nö̧ ruhuotö'inä, sacerdotes huotö'inä tö̧ja̧ pä'ö hueinä̧u̧jä̧ chutä Jä'o Dios päö ta'anö jȩta̧ pä'ö. 'Cuäopönä ja̧u̧ru̧tä̧ ttesehuäcua'a̧nö̧. Ja̧'hua̧ta̧nö̧ 'cuäopönä o'ca juiyönä ujuruhuäcua'a̧nö̧. Amén.

Apocalipsis 20:4

Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.