3 Juan 1:7 - TÄ̧DO Ä̧CUÄ̧ I̧HUȨNȨ

⁷ Jahuätö rä'opö 'chi̧nä̧tö̧ Jesucristo i̧huȩnȩ jittähua pä'ö. Ja̧'hua̧nö̧ tti̧'cho̧mȩnä̧, Jesucristorö esetocotöttö ȩmo̧co̧tö̧ recuä rö̧jö̧mä̧.

Nuevo Testamento Uwotjüja

⁷ Juätümä̧ Jesucrito i̧wȩnȩ kka̧kuä̧mü̧ ji'äwätü, Dio-rü esetokotü ppättädümä̧ ȩmä̧wä̧ juiyünä̧.

3 Juan 1:7 Referans Kwoze

Apocalipsis 2:3

Ttörö esetö cuami 'qui'ächi'ö ubara ttu'inöjä. Ja̧'hua̧ta̧nö̧ yoröiso 'cuäcuhuächi'oca'a, rö̧ȩnä̧ aditinöjä ttörö pä̧huä̧ rö̧jö̧ jȩpö̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

2 Corintios 12:13

Korotö iglesias ruhuättö'inä abonänö usurä isotöjä pä'ö jȩpo̧cö̧ pi̧nö̧sä̧ ucuturu. Ja̧'hua̧nö̧ jȩpö̧ kä̧nö̧, ucuturu jä'epötä jä'epocö pi̧nö̧sä̧. Ja̧u̧tä̧ juäi Diosrö amöcuädö cunichi'ätucuattö pä'ösä.

2 Corintios 4:5

Ujutu Cristo i̧huȩnȩ jitähuomenä, tamönämä ji'ähuocotöjä. Jesucristo Tu̧ru̧hua̧ päi'önä ö̧jö̧ huȩnȩ ji'ähuätöjä. Ja̧'hua̧ta̧nö̧ Jesús ujuturu repea'attö: “Ujutumä ucutu cumöhuäyotöjä” pä'ätöjä.

1 Corintios 9:18

Ja̧'hua̧nö̧ ja̧'a̧ttö̧ ¿däjettö jidähuinö micuämä? Iso päi'önä ttö̧ja̧ suronä jȩttö̧ jȩpö̧ icu huȩnȩ jidähuomenä, korotörö koro juäi jädepoca'anä, ja̧u̧tä̧ ttö jidähuinö micuä. Ja̧'hua̧nö̧ jȩpö̧, ttömä ȩmo̧cö̧sä̧ koro juäi korotöttö micuä juiyönä Dios i̧huȩnȩ ji'äusä pä'ö kä̧nö̧.

Hechos 9:16

Ja̧u̧ru̧ chi̧jȩpä̧cua̧sä̧ rö̧ȩnä̧ surojö ja̧u̧ru̧ 'cuäopä̧cuȩmä̧ chi̧huȩnȩ jiähuomenä.

Hechos 8:4

Jerusalén ötahuiyättö dö'ecuächäjätömä korome, koromenö Jesucristo i̧huȩnȩ ji'äu 'chi̧nä̧tö̧do.

Hechos 5:41

Ja̧'hua̧nö̧ ja̧'a̧ Jesús hue'ähuotö ji̧nä̧ iso ruhuotö ttä'ca jo̧mȩttö̧ rä'opinätödo. Jesús i̧mi̧nä̧ tteseta'attö, ubara ttuttäja'a esehuinätödo.

San Juan 15:21

Ttörö cuesetätucua'attö, ja̧'hua̧nö̧ o'ca juiyönä jȩttä̧cuo̧tö̧ ucuturu, ttörö hue'inörö ttieruhua'attö.

Hechos 20:33

Korotö ttöäre pärätä'inä, ttö̧'ca̧tä̧huä̧ti̧yu̧'i̧nä̧ pä̧huä̧ rö̧jö̧nä̧ topocö pi̧nö̧sä̧.

Hechos 20:35

Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

Filipenses 2:9

Ja̧'hua̧nö̧ ja̧'a̧ttö̧ Dios ja̧u̧ru̧ eseu hueinäcudo, pi̧jä̧ ttö̧ja̧ttö̧'i̧nä̧, ángelesttö'inä abonänö adiutä ö̧ja̧ pä'ö. Ja̧'hua̧ta̧nö̧ i̧mi̧mä̧, korotö tti̧mi̧ttö̧'i̧nä̧ abonänö adihuä i̧mi̧mä̧, iyinäcudo.

3 Juan 1:8

Ja̧'hua̧nö̧ ja̧'a̧ ujutucu ji̧nä̧ ji̧yȩtȩ esetätörömä, iso päi'önä huȩnȩ ji'ähuätörömä, ppätädö'a̧nö̧ ja̧'a̧.