3 Juan 1:10 - TÄ̧DO Ä̧CUÄ̧ I̧HUȨNȨ

¹⁰ Ucuturu ttö do'ächö chichöttömä, o'ca juiyönä jȩö̧'i̧nä̧, ujuturu amönä yapareu jiäu'inä ji̧dä̧huä̧cua̧sä̧. Ja̧'hua̧ta̧nö̧ Tu̧ru̧hua̧ Jesucristo i̧huȩnȩ ji'ähuätörö ppä'ädocö. Ja̧'hua̧ta̧nö̧ ppättäda pä'ätörö ppäcuhuädätucuä' pä'ö ro̧'ȩpo̧'ä̧rö̧. Ju̧hȩnȩ yabonä'inä 'quȩ'ȩpö̧ icuatö pä'inö.

Nuevo Testamento Uwotjüja

¹⁰ Ja̧'wa̧nü̧ ja̧'a̧ttü̧, chichomȩnä̧mä̧ ji̧dä̧wä̧kua̧, juiyo ujutu tütü'kü suronä̧ ukuokua'attü. Suro, jua̧u̧tä̧mä̧kü̧ kkara'attü rȩbȩä̧kuä̧wä̧tü̧ Jesucrito-rü esetätürü'i̧nä̧ ya̧'o̧kuä̧rü̧ jȩpü̧. Ja̧'wa̧ta̧nü̧ ttawaruwä ttü̧jä̧wa̧tü̧ tti̧chi̧yä̧u̧ do'ädätürü'i̧nä̧ igresia-ttü rä'epä'chü iku jȩpü̧, jua̧u̧mä̧.

3 Juan 1:10 Referans Kwoze

2 Corintios 13:2

Korotörö täbocö suronä jȩpi̧nä̧tö̧rö̧'i̧nä̧, korotörö o'ca toi'önärö'inä, ucuturu todärenä topö 'chä̧nö̧, cuä'catucu jo̧mȩttö̧ jidähuinö huȩnȩ, jitä'inä otottö kä̧nö̧ pä'äji ta'anö ji'äusä. Pä'äji ta'anö ucuturu topö chi̧'chö̧ttö̧mä̧, o'ca toi'önärö ttö̧ji̧pö̧ juiyönä, yecuäcuähuä juiyönä ro̧dȩpä̧cua̧sä̧.

San Lucas 6:22

“Ucutumä ttö̧ja̧ ttöjö'cocomenä'inä, ucuturu 'quȩ'ȩcu̧ tticuomenä'inä, huottäcuähuomenä'inä, pä̧huä̧ juiyönä tottomenä'inä, ucutu Ubo I̧tti̧rö̧ cuesetätucua'attö, eseunu cu̧ja̧cuä̧cuo̧tö̧jä̧.

3 Juan 1:5

Chö̧jä̧hua̧, ucu adiu jȩpö̧jä̧ tö̧jä̧hua̧tö̧rö̧ ppäcuhuädömä, kara'attö ichäcuähuotörö cuieruhuä̧u̧ru̧'i̧nä̧.

San Juan 9:22

Jä'o'inä, ja̧ju̧'i̧nä̧ judíos ttö̧ja̧rö̧ ye'ecu, ja̧'hua̧nö̧mä̧ pä'inätödo. Jahuätö judíos ttö̧ja̧ ä'canä ji̧nä̧ yo̧mȩtȩ amöcuädö, pä'inätödo: —Ya̧tȩ Jesús iso päi'önä Cristodo pä'örömä, judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ ticuäcuotöjä.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

Gálatas 6:10

Ja̧'hua̧nö̧ ja̧'a̧ttö̧ koronö'inä o'ca toi'önärö adiu jȩtö̧'a̧nö̧ ja̧'a̧. Iso päi'önä tö̧jä̧hua̧tö̧rö̧ Diosrö esetätörö adiu jȩtö̧'a̧nö̧ ja̧'a̧.

1 Timoteo 5:13

Ja̧'hua̧nö̧ jȩpö̧ korode korodenö cuettächomenä, ji̧nä̧ isocu ttötähuächäcuotö. Ja̧'hua̧nö̧ ötähuächö kä̧nö̧, amönä yapareu huȩnȩtä̧ ttucuocuäcuotö, ttucuocu juiyö'a̧nö̧ jö̧ juäi.

2 Juan 1:10

Ya̧tȩ ucuturu huo̧juȩtö̧ ichömä, Jesucristo u̧huo̧juȩti̧nö̧ttö̧'i̧nä̧ i̧mi̧cu̧nä̧ u̧huo̧juȩtö̧ttö̧mä̧, cuojusodera̧'a̧ doächö juiya pä'ätucuirö. Ja̧'hua̧ta̧nö̧ ja̧u̧ru̧ tecuhuähuätucuä'.

2 Juan 1:12

Rö̧ȩnä̧ ucuturu jidähua päda'anä, cuyäru isojänä huȩyu̧tu̧ hueda pä'ocösä. Ucuturu do'ächö chicha pä'ösä, pätecuänö pä̧nö̧ tucuocua pä'ö. Ja̧u̧nu̧ chichomenä, rö̧ȩnä̧ tesehuäcuotöjä.

3 Juan 1:3

Ja̧'hua̧ ja̧'a̧ korotö tö̧jä̧hua̧tö̧ ichö jittähuomenä, ucu esetö'inä cueseta'anä, iso päi'önä huȩnȩ päö'inä adiu jȩcu̧'a̧'a̧mä̧ ä̧ju̧cu̧, esehuinösä ttömä.