2 Timoteo 4:8 - TÄ̧DO Ä̧CUÄ̧ I̧HUȨNȨ

⁸ Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

Nuevo Testamento Uwotjüja

⁸ Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

2 Timoteo 4:8 Referans Kwoze

Santiago 1:12

Surojö 'cuäopomenä, ami 'qui'ächi'ö kö̧mä̧ adiu ö̧jä̧cua̧. Surojö 'cuäopäji o'ca'a, adiu kö̧mä̧ kä̧cuä̧huä̧ i'co ȩmä̧cua̧. Ja̧u̧ kä̧cuä̧huä̧ i'co Dios iya päinömä, Diosrö repe'ätörötä iyä̧cuȩ.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

1 Pedro 5:4

Ja̧'hua̧nö̧ jȩpö̧ kä̧nö̧, adihuä Tta̧huä̧rä̧cuä̧huä̧ I̧sa̧ ichomenä, adiu jȩcu̧'ä̧tu̧cua̧'a̧ttö̧ adihuä juäi ojiyä hua'ö icu jö̧'a̧nö̧mä̧ jo'ö icuocödo cuȩmä̧tu̧cuä̧cuȩmä̧.

1 Pedro 1:4

Ja̧'hua̧ta̧nö̧ Dios ucuturu iya pä'ö hua'adö u̧ju̧ni̧nö̧mä̧, mo̧ro̧jä̧ra̧'a̧ttö̧ cuȩmä̧cuo̧tö̧jä̧. Ja̧u̧ cuȩmä̧tu̧cuä̧cuȩmä̧ yoröiso be'epäjipö tticuocö. Ja̧'hua̧ta̧nö̧ idicu'inä, yoröiso idicuächocö. Ja̧'hua̧ta̧nö̧ isojä pparuhuächojä jä̧'i̧nö̧'a̧nö̧mä̧ jo̧cö̧.

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

1 Corintios 9:25

Ja̧'hua̧ta̧nö̧ o'ca toi'önä joäcuähuänä ttöärehua pä'ätömä, o'ca juiyönä do'opö icuätö tottei'ö juiya pä'ö. Jahuätö ja̧'hua̧nö̧ jȩpä̧tö̧, ppöttähuä isojättö adicuä ttȩma̧ pä'ö. Ja̧u̧mä̧ yoröiso recuo ko̧cö̧. Ujutumä koro ppöttähuä, yoröiso beipächocohuättö tȩma̧ pä'ö rohuähuätöjä.

Colosenses 1:5

Ucutu amöcuädö tta̧'ä̧rä̧tö̧jä̧ adihuä juäi hua'adö ku̧nä̧huä̧ mo̧ro̧jä̧ra̧'a̧ttö̧ cuȩmä̧tu̧cuä̧cuȩ. Ucutumä ja̧'hua̧nö̧ tta̧'ä̧rä̧tö̧jä̧ iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, cuä̧ju̧cuä̧tu̧cuo̧mȩnä̧.

Apocalipsis 1:7

¡Topätucui! Cristomä ajiya isoppanä i̧chä̧cua̧. O'ca toi'önä, churu suronä jȩpi̧nä̧tö̧'i̧nä̧, ja̧u̧ru̧ tottäcuotö. O'ca toi'önä pi̧jä̧ pa̧ja̧cu̧nä̧ ttö̧ja̧ ja̧u̧ru̧ topö ttajuähuäcuotö. Iso päi'önä pa̧'a̧nö̧ 'cuäopäcua'a. Amén.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

Apocalipsis 19:11

Ja̧'hua̧ ja̧'a̧ttö̧ mo̧ro̧jä̧ bahuecuächa'a topinösä. Ya̧tȩ caballo tȩ'a̧rö̧ topinösä. Ja̧u̧ caballorö huä̧mä̧di̧nö̧mä̧ i̧mi̧mä̧ Adiunätä Jȩpö̧'i̧nä̧, Iso Päi'önä Pä'ö'inä todärenä mi̧cui̧nö̧. Ja̧u̧mä̧ jueönä huea'attö'inä, korotörö örohuähua'attö'inä ja̧'hua̧nö̧ mi̧cui̧nö̧.

2 Timoteo 2:5

Ja̧'hua̧ta̧nö̧ ja̧'a̧nä̧ ya̧tȩ järeäcuähuä i̧sa̧ huettö ta'anö järehuocömä, ppöttähuä ȩmo̧cö̧.

2 Timoteo 4:1

Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

1 Timoteo 6:19

Ja̧'hua̧nö̧ jȩtto̧mȩnä̧, yodoji adihuä juäi ttu̧ju̧nä̧ra̧ pä'ö jȩpä̧tö̧. Ja̧'hua̧ta̧nö̧ kä̧cuä̧huä̧ i'co'inä ttu̧ju̧nä̧rä̧cuo̧tö̧.

1 Corintios 2:9

Ja̧'hua̧ta̧nö̧ päa'a Huȩyu̧cuä̧ Huȩnȩ: Dios aditinömä, ja̧u̧ru̧ repe'ätörö iya pä'inö yoröiso ttö'ärenä tottocö'inä, ttä̧ja̧nä̧ ttä̧ju̧cuo̧cö̧'i̧nä̧, ttami iso'quinä ttamöcuädocö'inä.

Apocalipsis 22:20

Pi̧yȩ huȩnȩ päömä, päa'a: —Iso päi'önä jurunänö ichösä. Amén. ¡Ichi, Tu̧ru̧hua̧ Jesús!

Apocalipsis 4:4

Ja̧'hua̧ta̧nö̧ ju̧huä̧cä̧ dȩä̧cä̧ tö'cönänöttö veinticuatro jo̧mȩnä̧ dȩä̧qui̧yä̧ topinösä. Ja̧u̧ o'ca juiyönä dȩä̧qui̧yä̧nä̧, veinticuatro jo̧mȩnä̧ ancianos huotö, ttö̧'ca̧tä̧huä̧ta̧ tȩä̧ta̧ 'ca̧tä̧u̧, ttunä'inä ppöttähuä, orottö adicua'a, huȩnä̧rä̧tö̧ pȩji̧nä̧tö̧.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

2 Timoteo 1:18

Tu̧ru̧hua̧rö̧ ttucuotarö pä'ö ichö mo̧ro̧ päi'omenä, Tu̧ru̧hua̧ ja̧u̧ru̧ re rö̧jö̧nä̧ toö'a̧nö̧ ja̧'a̧. Ucu huo̧jua̧jä̧, ujuturu adiu ppä'ädinö Efesos ötahuiyänä kä̧nö̧.

1 Tesalonicenses 1:10

Ja̧'hua̧ta̧nö̧ Dios I̧tti̧ Jesúsru, Dios ttoädinäcuru, mo̧ro̧jä̧ra̧'a̧ttö̧ icha pä'ö tta̧cu̧huä̧rä̧tu̧cua̧'a̧ ji'ähuätö. Chutä ujuturu ppä'ädö Dios ö̧tä̧bo̧tä̧cuȩttö̧ tö̧ji̧pa̧ pä'ö.

Romanos 8:23

Ji̧yȩä̧cuȩtä̧mä̧cö̧. Ujutu, Espíritu Santorö, Dios iyäcua'attö äcuomenä iyinäcuru, tu̧ju̧nä̧ra̧'a̧nä̧'i̧nä̧ ubara ttu'ätöjä. Ubara ttu'u kä̧nö̧, tta̧'ä̧rä̧tö̧jä̧ Dios pärotö icuatö pä'ö i̧tti̧mö̧ päi'önä.

Romanos 2:5

Cuami iso'qui 'qui̧'a̧jä̧. Ucu yoröiso pärocuäcu amöcuädocöjä. Ja̧'hua̧ ja̧'a̧ttö̧ ucuhuätä ca̧ca̧cu̧jä̧ ro̧ȩcuä̧ ucuru 'cuäopä̧cuȩ ji̧yȩnö̧ mo̧ro̧, Dios ro̧ȩpö̧ mo̧ro̧ päi'omenä. Ja̧u̧nu̧ mo̧ro̧ tottäcua'a Dios yoräteu ro̧ȩcuȩmä̧.

San Mateo 24:36

“Ja̧thua̧nö̧ ja̧'a̧nä̧ ichä̧cuȩ mo̧ro̧mä̧ yoröiso jerupätö. Angeles, mo̧ro̧jä̧nä̧ ka̧cuä̧tö̧'i̧nä̧, Dios I̧tti̧'i̧nä̧ jerupätö. Ya̧tȩä̧tä̧ Tä'o Diostä ichä̧cuȩ mo̧ro̧ huo̧jua̧.

San Mateo 7:22

Ja̧u̧nu̧ mo̧ro̧ päi'omenä, recuätömä ttörö pättäcuotö: “Chu̧ru̧hua̧, Chu̧ru̧hua̧, ucu cui̧mi̧nä̧ ucuocuinätöjä. Espíritus suropätörö'inä jȩpö̧ icuinätöjä ucu cui̧mi̧nä̧. Ja̧'hua̧ta̧nö̧ rö̧ȩnä̧ ttö̧ja̧ ttieru juäi jȩpi̧nä̧tö̧jä̧ cui̧mi̧nä̧.”

1 Tesalonicenses 5:4

Ja̧'hua̧nö̧ ja̧'a̧nä̧ tö̧jä̧hua̧tö̧, yo̧ö̧nä̧ ko̧co̧tö̧jä̧. Ja̧'hua̧nö̧ ja̧'a̧ ji̧yȩnö̧ mo̧ro̧ päi'omenä, ucuturu ichocö jä̧cuȩ nä̧u̧cuä̧rä̧cuä̧huä̧ i̧sa̧ ichö'a̧nö̧mä̧.

2 Corintios 5:2

Pi̧jä̧ jähuä tidepänä kä̧nö̧, 'cuäopönä eseunu ka̧cuo̧co̧tö̧jä̧. Tojusode mo̧ro̧jä̧ra̧'a̧ kode amöcuädö, pä̧huä̧ rö̧jä̧u̧jä̧ juhuodenä tö̧ja̧cua̧ pä'ö.

San Lucas 10:12

Ucuturu pä'ösä, ttö̧ja̧rö̧ tä̧bo̧cuä̧ mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'inödo Jesús.

1 Corintios 3:13

Yodoji Dios ttö̧ja̧rö̧ pojocuä mo̧ro̧ päi'omenä, o'ca juiyönä taditinömä adiu totäcuotöjä. Ja̧u̧nu̧ mo̧ro̧ ocuräcu ichäcua'a. Ja̧'hua̧nö̧ päi'omenä, ocuränä ka̧cuä̧mi̧pä̧cua̧'a̧ o'ca juiyönä taditinömä, iso päi'önä adiu taditinaja pä'ö tota pä'ö.

Filipenses 3:11

Ttö'inä hua'arettö ttodächa pä'ö tta̧'ä̧rö̧sä̧.

2 Tesalonicenses 2:8

Ja̧u̧nu̧tä̧ i̧jȩcuä̧cua̧ ja̧u̧ ubo suronä jȩpö̧mä̧. Tu̧ru̧hua̧ Jesús öadihuäcu ichomenä, ami yuppanä ppö'ö a̧bo̧tö̧ i̧cuä̧cua̧ ja̧u̧ ubo suronä jȩpö̧rö̧.

2 Timoteo 1:10

Ja̧'hua̧nö̧ ja̧'a̧nä̧ Tu̧ru̧hua̧ Jesucristo ichomenä, Dios ucuturu repeömä i̧jȩpi̧nö̧. Chutä Jesucristo hua'are ujuru be'epö icuinö. Ttö̧ja̧ suronä jȩttö̧ jȩpö̧ icu huȩnȩ i'cächö, kä̧cuä̧huä̧ i'co beipocömä i̧jȩpi̧nö̧.

Hebreos 12:11

Iso päi'önä ujuturu ro̧ȩcuä̧ päi'önä 'cuäopomenä, yotäcumä yoröiso kö'cocotöjä, ujuturu barahua'attö. Ja̧'hua̧nö̧ ja̧'a̧nä̧ ja̧u̧nu̧ o'ca'a ja̧u̧ ro̧ȩcuä̧ amöcuädö tu̧huo̧jui̧'o̧mȩnä̧, eseunutä jȩpö̧, adiu ka̧cuä̧tö̧jä̧.