2 Timoteo 3:15 - TÄ̧DO Ä̧CUÄ̧ I̧HUȨNȨ

¹⁵ Ucu ji̧nä̧ ji̧'qui̧cha̧huä̧ya̧ huo̧jui̧pi̧nö̧jä̧ adihuä Huȩyu̧cuä̧ Huȩnȩ. Ja̧u̧ Huȩyu̧cuä̧ Huȩnȩ ucuru huo̧juȩta̧'a̧. Ja̧'hua̧ta̧nö̧ ja̧u̧ Huȩyu̧cuä̧ Huȩnȩ cuesetomenä, Cristo Jesús suronä jȩcu̧'u̧ jȩpö̧ icu.

Nuevo Testamento Uwotjüja

¹⁵ Amükuädi kua̧'u̧kuä̧'i̧ttü̧ kkä̧mä̧dü̧ wȩyu̧kuä̧ wȩnȩmä̧ wo̧jui̧pi̧nü̧jä̧, ukuru u̧wo̧juȩtü̧'a̧nü̧ jü̧mä̧ ja̧'wa̧ta̧nü̧ Jesucrito-nä̧ kua̧'kua̧ ku̧wȩnä̧ro̧mȩnä̧ surojüttü kki̧'i̧kuä̧ra̧'a̧ ukuru ȩpa̧'a̧nü̧ jü̧mä̧.

2 Timoteo 3:15 Referans Kwoze

San Lucas 24:45

Ja̧'hua̧nö̧ päomenä, ttamöcuädö bahuecuächina'ado Huȩyu̧cuä̧ Huȩnȩ ttu̧huo̧juä̧chi̧'a̧ pä'ö.

San Lucas 24:27

Ja̧u̧nu̧ o'ca'a o'ca juiyönä Huȩyu̧cuä̧ Huȩnȩ churutä huȩyu̧cua̧'a̧ ji'ähuinödo jahuätörö. Moisés i̧huȩyu̧ti̧nö̧ kä̧mä̧dö̧, o'ca juiyönä Dios i̧huȩnȩ jiäcuähuä isotö tti̧huȩyu̧ti̧nö̧ ji'ähuinödo.

San Mateo 22:29

Jesús jahuätörö ädätinödo: —Ucutumä Huȩyu̧cuä̧ Huȩnȩ'i̧nä̧, Dios ujuru'inä cuieruhuätucua'attö, jerupö pä'ätöjä.

2 Timoteo 1:5

Ttö 'cuäopönä amöcuädösä Diosrö adiu cueseta'a. Ucu cuä̧da̧ Loida pä'ö micuaju'inä, ucu cua̧ju̧ Eunice'inä ucu cuesetäcua'a ä'canä esetinätödo. Ttö huo̧jua̧sä̧, iso päi'önä ucu'inä esetöjä.

San Lucas 2:40

Ji̧'qui̧cha̧hua̧ böo juo'inödo. Ujuru'inä juruhuinödo. Ja̧'hua̧ta̧nö̧ rö̧ȩnä̧ huo̧juȩcuä̧ huo̧jui̧pi̧nö̧do. Dios'inä rö̧ȩnä̧ ppädinäcudo.

Romanos 16:26

Ja̧'hua̧nö̧ ja̧'a̧nä̧ jitämä Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧, Dios hueinö huȩnȩ'i̧nä̧ bahuecua'a jä̧'i̧nö̧'a̧nö̧ ja̧'a̧. Dios yä̧huä̧i̧nä̧ amöcuädinömä jitä hue'inö o'ca toi'önä ttö̧ja̧rö̧ jittähua pä'ö, Diosrö esetö i̧huȩnȩ päö ta'anö jȩtta̧ pä'ö.

Romanos 1:2

Mo täbocö Dios adihuä i̧huȩnȩ, iya päinö huȩnȩ, ji'ähuinätödo Dios i̧huȩnȩ jiäcuähuä isotö. Ja̧'hua̧ta̧nö̧ adihuä Huȩyu̧cuä̧ Huȩnȩ päi'önä huȩyu̧ti̧nä̧tö̧do.

Hechos 10:43

O'ca toi'önä Dios i̧huȩnȩ jiäcuähuä isotö ä'canä ji'ähuinätödo Jesucristorö 'cuäopä̧cuȩmä̧. Ttö̧ja̧ suronä jȩtti̧nö̧ jȩpö̧ i̧cuä̧cua̧ Diosmä, Jesucristorö ttesetomenä, pä'ö ji'ähuinätödo, —ucuocuinödo Pedro.

San Lucas 24:32

Jahuätömä ttamönä pä'inätödo: —Mä̧nä̧nä̧ ichö, Huȩyu̧cuä̧ Huȩnȩ jiähuomenä, tami iso'quinä koro juäi cuoa'a jä̧'i̧nö̧'a̧nö̧ cuoäja'a, ¿isodi̧?

Hechos 17:2

Pablo judíos ttu̧huo̧jui̧'i̧nodenä doächä'ijö ta'anö, juhuorö'inä do'ächinödo. Huäbodäcuä mo̧ro̧ ttö̧ja̧ 'cuättächi'ö mo̧ro̧ Dios i̧huȩnȩ Huȩyu̧cuä̧ Huȩnȩttö̧ rä'epö ucuocuinödo jahuätörö.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.

Hechos 13:29

Huȩyu̧cuä̧ Huȩnȩ ja̧u̧ru̧ päö'a̧nö̧ o'ca juiyönä jȩpä̧jo̧'co̧tö̧, dauttu mȩyȩdö̧ idoränä ttöttinäcudo.

2 Pedro 3:16

O'ca juiyönä huȩyu̧tu̧ hueinömä ja̧'hua̧ta̧nö̧ pä'ö huȩyu̧ti̧nö̧do ucuturu. Koromä ttä̧ju̧cu̧ juiyönä jerudo. Korotömä jerupätö'inä, esetäcuähuänä juiyupätö'inä ttä̧ju̧cuo̧ca̧'a̧ttö̧, i̧mi̧cu̧nä̧ ji'ähuätödo. Ja̧'hua̧ta̧nö̧ koro Huȩyu̧cuä̧ Huȩnȩ päa'attö'inä, i̧mi̧cu̧nä̧ ji'ähuätödo. Ja̧'hua̧nö̧ i̧mi̧cu̧nä̧ ji'äu, jitötä ttamönä be'ipächätödo.

San Lucas 1:15

Ucu cui̧tti̧ Dios ä'ca jo̧mȩttö̧mä̧ ucuo i̧sa̧ jä̧cua̧. Ahuocö jä̧cua̧ vino isoya'inä, ni̧yö̧ ajiya'inä. Uhuäpächäcua'a ä'canätä Espíritu Santottö suhuädi'önä jä̧cua̧.

San Juan 5:47

Ja̧'hua̧nö̧ ja̧'a̧nä̧ ja̧u̧ i̧huȩyu̧ti̧nö̧ cuesetätucu juiyöttömä, ttö pädömä ¿tta̧'a̧nö̧ pä'ö cuesetätucua'ajä̧ttö̧? —pä'ö huo̧juȩti̧nö̧do Jesús.

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Hechos 26:24

Pablo ja̧'hua̧nö̧ ädätö päomenä, Festo huopinödo: —¡Suripächö pä'öjä, Pablo! Ttu̧huo̧juȩti̧nö̧ rö̧ȩnä̧ cu̧huo̧jui̧'i̧na̧'a̧ttö̧ suripächöjä.

Romanos 2:27

Ucu Moisés hueähuä huȩnȩ cu̧ju̧nä̧ra̧'a̧nä̧'i̧nä̧, circuncisión jȩcu̧'a̧'a̧nä̧'i̧nä̧, Moisés hueähuä huȩnȩ hueö ta'anö jȩcu̧'u̧ juiyöttömä, ya̧tȩ circuncisión jȩpo̧cö̧mä̧, Moisés hueähuä huȩnȩ hueö ta'anö jȩpö̧mä̧, pä̧cua̧ ucuru: “Ucu suronä jȩpö̧jä̧.”

1 Corintios 1:21

Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

Efesios 6:4

Ucutu'inä ttä̧'o̧tö̧, cui̧tti̧mö̧ ttami surächi'önämä jȩcu̧'ä̧tu̧cuä̧'. Adiunätä ji'äu huo̧juȩtä̧tu̧cui̧ cui̧tti̧mö̧rö̧, Tu̧ru̧hua̧rö̧ eseunu ttesetäcua'a̧nö̧.

1 Timoteo 4:13

Ttö chichome jubö päi'önä Dios i̧huȩnȩ ttä̧ju̧cu̧nä̧ ucuocui. Ja̧'hua̧ta̧nö̧ tö̧jä̧hua̧tö̧rö̧ ji'äu huo̧juȩti̧.

2 Timoteo 1:1

Ttö Pablo, Diosrö pä̧huä̧ rö̧jo̧mȩnä̧ Jesucristo huȩ'ä̧hua̧sä̧ Cristo Jesúsru ttesetomenä, kä̧cuä̧huä̧ i'co iya päinö huȩnȩ jidähua pä'ö.