2 Timoteo 2:18 - TÄ̧DO Ä̧CUÄ̧ I̧HUȨNȨ

¹⁸ Jahuätö iso päi'önä huȩnȩ ucuocuocotö. Jahuätö pä'ätö Diosrö esetätö ttoächäcuähuä mo̧ro̧ täcö 'cuäopina'a. Ja̧'hua̧nö̧ pättomenä, korotömä Diosrö jaropi'ätö.

Nuevo Testamento Uwotjüja

¹⁸ juätümä̧ pä'ätü täkü tto'ächinä̧tü̧jä̧, ja̧'wa̧nü̧ pätta'anä̧ ja̧u̧mä̧ isopäi'ünä̧mä̧ jo̧ka̧'a̧, ja̧'wa̧nü̧ jȩpü̧ tti̧rȩbȩu̧mä̧ ji̧yȩtȩtä̧ ja̧'a̧, ttü̧ja̧rü̧ re'tetü ttikutä.

2 Timoteo 2:18 Referans Kwoze

1 Corintios 15:12

Iso päi'önä ujutu Cristo 'corupä'i'äji'ca̧ ttoächinö huȩnȩ jitäuttumä, korotömä ucututtu, ¿tta̧'a̧nö̧ pättättö 'corupä'i'ö'cotö yoröiso tto'ächocotö pä'ö?

1 Timoteo 1:19

Yotöte adiu ttamöcuädoca'attö, Diosrö ttesetömä jaropi'inätö.

Hebreos 3:10

Ja̧'hua̧nö̧ ja̧'a̧ttö̧ jahuätörö ra̧huä̧ri̧pi̧nö̧sä̧. Ttö pä'inösä: “'Cuäopönä ttami iso'quinä re'tehuächö cue'ächätö. Ttö chu̧mä̧nä̧ ttu̧huo̧jua̧ pä'ocotö.”

1 Juan 2:19

Ujututtu jaropi'inätömä yoröiso ujutu isotöcö̧. Ujutu isotö jö̧ttö̧mä̧, ujutucu ka̧cua̧ja̧tö̧. Ja̧'hua̧nö̧ ja̧'a̧ jaropi'inätörö topö tu̧huo̧jua̧ pä'ö jahuätömä o'ca toi'önä ujutu isotöcö̧ pä'ö.

Santiago 5:19

Chö̧jä̧hua̧tö̧, ucututtu ya̧tȩ iso päi'önä huȩnȩttö̧ 'quȩi̧pä̧chö̧ttö̧mä̧, ka̧ra̧ a̧hua̧ru̧hua̧ ppa̧'ä̧chö̧ ȩmö̧'a̧nö̧ ja̧'a̧.

2 Timoteo 2:14

Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

1 Timoteo 6:21

Korotömä pi̧jä̧ jähuä yapareu huo̧juä̧huä̧ tteseta'attö, jaropi'inätö adihuä huȩnȩ. Dios ucuru adiu ppädäcua'a̧nö̧. Amén.

1 Timoteo 6:10

Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

Colosenses 3:1

Iso päi'önä ucutumä Cristocu tto'ächinätöjä. Ja̧'hua̧nö̧ ja̧'a̧ttö̧ tö̧ä̧nä̧hua̧'a̧ jähuä, mo̧ro̧jä̧ jähuä, usätucui. Juhua'attö, mo̧ro̧jä̧ttö̧, Cristomä Dios u̧huo̧jua̧'a̧nä̧ pö̧.

1 Corintios 11:19

Iso päi'önä ja̧'hua̧nö̧mä̧ i̧mi̧cu̧nä̧ cuamöcuädäcuotöjä, adiu esetätörö cu̧huo̧juä̧tu̧cuä̧cua̧'a̧nö̧.

Hechos 5:39

Ja̧'hua̧nö̧ ja̧'a̧nä̧ Dios hueö jȩttö̧ttö̧mä̧, ucutu be'epäjipö icuocotöjä. Adiu topätucui Diosrö curohuähuätucua pä'ömä, —pä'inödo Gamaliel.

San Lucas 8:13

Korotömä, jacuä jähuä inähuänä ma̧ä̧chö̧ jä̧'i̧nö̧'a̧nö̧ huotö. Jahuätömä Dios i̧huȩnȩ ä̧ju̧cu̧, eseunu esetätö. Ja̧'hua̧nö̧ ja̧'a̧nä̧ ujupo'tiyä juiya'attö, a̧'u̧cua̧'a̧tä̧ esetätö. Ja̧'hua̧ ja̧'a̧ttö̧ Dios i̧huȩnȩ tteseta'attö, jahuätörö suronä 'cuäopomenä jaropi'ätö.

San Mateo 22:29

Jesús jahuätörö ädätinödo: —Ucutumä Huȩyu̧cuä̧ Huȩnȩ'i̧nä̧, Dios ujuru'inä cuieruhuätucua'attö, jerupö pä'ätöjä.

San Mateo 15:13

Jahuätörö pä'inödo: —O'ca juiyönä daumä Chä'o mo̧ro̧jä̧nä̧ kö̧ u̧ju̧no̧cö̧mä̧, ujupo'tiyä'inä sa'ö i̧cuä̧cua̧.

Tito 1:11

Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.