2 Timoteo 2:16 - TÄ̧DO Ä̧CUÄ̧ I̧HUȨNȨ

¹⁶ Amönä huȩnȩ, micuähuocö huȩnȩ, ttucuocuomenä, 'quȩ'i̧pä̧chi̧. Ja̧'hua̧nö̧ ucuocuätömä, juhua'a yabocu suronä jȩpä̧tö̧.

Nuevo Testamento Uwotjüja

¹⁶ Dio-rü esetokotü pättä'chäkuäumä̧ kuä̧ju̧kuä̧, jua̧u̧mä̧ ukurumä̧ yoriso ppädokü. Ja̧'wa̧nü̧ pä'ä'chäkuäwätümä̧ yabokutä surojuo'ächätü.

2 Timoteo 2:16 Referans Kwoze

Tito 3:9

Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.

1 Timoteo 6:20

Ucu Timoteo, ucuru jidähuäjimä adiu tta̧'ä̧rä̧cuä̧hui̧. Pi̧jä̧ jähuä amönä ttucuocu huȩnȩ cuesetä'. Pi̧jä̧ jähuä yapareu huo̧juä̧huä̧ cuesetä'.

Tito 1:14

Huo̧juȩti̧tö̧ judíos ttö̧ja̧ amönä jittäu huȩnȩ ttesetö juiyäcua'a̧nö̧. Ja̧'hua̧ta̧nö̧ Dios i̧huȩnȩ esetocotö hueähuä jȩttö̧ juiyäcua'a̧nö̧.

2 Timoteo 2:14

Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

Apocalipsis 13:3

Ja̧u̧ pä̧i̧cua̧ i̧sa̧ u ji'ute cuä'ö tticuäja'a jä̧'i̧nö̧'a̧nö̧ ji̧na̧'a̧. Ja̧'hua̧nö̧ ja̧'a̧nä̧ cuä'ö tticuäja'a adiu päi'inäcu. Ja̧'hua̧nö̧ päi'omenä, o'ca toi'önä pi̧jä̧ ttö̧ja̧ to̧ttä̧ro̧mȩnä̧, ja̧u̧ o'ca'anä 'chi̧nä̧tö̧.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

2 Pedro 2:2

Jitörötä pä̧huä̧ rö̧jö̧ jȩpö̧ kä̧nö̧ ttu̧huo̧juȩto̧mȩnä̧, recuätö ttesetäcuotö jahuätörö. Ja̧'hua̧ta̧nö̧ adihuä huȩnȩmä̧, suräjuä huȩnȩ pä'ö ttucuocuäcuotö.

Hebreos 12:15

Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

Tito 1:11

Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

1 Timoteo 4:7

Ja̧'hua̧nö̧ ja̧'a̧nä̧ täbo huȩnȩ, amönä ttucuocu huȩnȩ, cuamöcuädä'. Dios i̧huȩnȩtä̧ amöcuädö kä̧hui̧.

1 Corintios 15:33

Ja̧'hua̧nö̧mä̧ yapareu cuesetätucuä'. “Suronä jȩpö̧ kä̧nö̧, adiu jȩä̧cuä̧huä̧ surojuo'epätö.”

1 Corintios 5:6

Ja̧'hua̧ta̧nö̧ ucutumä a'cuoyäunu cuamöcuädätucu juiyäcua'a̧nö̧ jȩcu̧'ä̧tu̧cu̧ amöcuädö. Ucutumä pättö huȩnȩmä̧ ¿jerupätöjä tä̧ji̧? “Ji̧'qui̧cha̧nö̧tä̧ pan ppö̧ä̧mö̧ juäi ȩnö̧, o'ca juiyönä pan ppö̧ä̧ma̧'a̧.”

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

1 Timoteo 1:9

Ja̧'hua̧ta̧nö̧ ujutu huo̧juä̧tö̧jä̧, hueähuä huȩnȩ adiu jȩpä̧tö̧rö̧ hueähuocö. Ja̧'hua̧nö̧ ja̧'a̧nä̧ hueähuä huȩnȩ huea'a ja̧u̧ huȩnȩ jarode'ätörö, ja̧u̧ huȩnȩ jȩpo̧co̧tö̧rö̧. Ja̧'hua̧ta̧nö̧ suronä jȩpä̧tö̧rö̧, Diosrö esetocotörö, ttä'orö'inä, tta̧ju̧ru̧'i̧nä̧ cuä'ö icuätörö, korotö ttö̧ja̧rö̧ cuä'ö icuätörö huea'a.

2 Timoteo 2:21

Ja̧'hua̧nö̧ ja̧'a̧ttö̧ ya̧tȩ pi̧jä̧ jähuä jaropi'ö adiu jȩo̧mȩnä̧, Tu̧ru̧hua̧ ä'ca jo̧mȩttö̧ adihuä i̧sa̧ ö̧jä̧cua̧. Tu̧ru̧hua̧ hueömä jȩä̧cua̧. Ja̧'hua̧ta̧nö̧ o'ca juiyönä adihuä juäi jȩö̧'a̧nö̧ hua̧ jä̧cua̧.