2 Timoteo 2:14 - TÄ̧DO Ä̧CUÄ̧ I̧HUȨNȨ

¹⁴ Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

Nuevo Testamento Uwotjüja

¹⁴ Kkorotürü amükuädi, ja̧'wa̧ta̧nü̧ Dio ä'ka jo̧mȩttü̧ pä'ä'chäkuäu ttürowäu juiyükua'anü̧ ji'äwitü. Jua̧u̧ pä'chäkuäwämä̧ ya̧tȩrü̧'i̧nä̧ ppädokü, ja̧'wa̧ta̧nü̧ ä̧ju̧kuä̧tu̧rü̧tä̧ surojuoepü.

2 Timoteo 2:14 Referans Kwoze

2 Timoteo 2:23

Ja̧'hua̧ta̧nö̧ amönä huȩnȩ ttucuocuomenä, cucuocuä'. Täcö huo̧jua̧jä̧, ja̧'hua̧nö̧ ttucuocuomenä, ttahuaruhuärö ra̧huä̧rä̧tö̧.

2 Timoteo 4:1

Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

Romanos 14:1

Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

1 Timoteo 5:21

Dios ä'ca jo̧mȩttö̧, Tu̧ru̧hua̧ Jesucristo ä'ca jo̧mȩttö̧, chutä ȩmi̧nä̧u̧ ángeles ttä'ca jo̧mȩttö̧ pi̧yȩ huȩnȩ cu̧huo̧juȩta̧ pä'ö hue'ösä ucuru. Ka̧ra̧rö̧ ka̧ra̧ttö̧'i̧nä̧ abonänö adihuä i̧sa̧ pä'ö cuamöcuädä'.

Hechos 15:24

Ujutu ä̧ju̧cui̧nä̧tö̧jä̧ ujututtu yotöte 'chä̧nö̧, ucuturu ji'ähuinätödo circuncisión jȩcu̧'ä̧tu̧cua̧ pä'ö, ja̧'hua̧ta̧nö̧ Moisés hueähuä huȩnȩ hueö ta'anö jȩcu̧'ä̧tu̧cua̧ pä'ö. Jittähua'a cuä̧ju̧cuä̧tu̧cuo̧mȩnä̧, ucutu cuamöcuädätucu jerupinätöjä. Ujutumä jahuätörö hue'ocotö pi̧nä̧tö̧jä̧.

2 Pedro 1:13

Chö̧jä̧i̧tä̧, ucuturu jidähuomenä pi̧yȩ huȩnȩ, adihua'ado ttörö cunichi'ätucu juiya pä'ö.

1 Timoteo 6:13

Jitämä Dios, o'ca toi'önärö tta̧'cua̧rö̧ iyähuä i̧sa̧ ä'ca jo̧mȩttö̧, Tu̧ru̧hua̧ Jesucristo, Poncio Pilatorö adihuä i̧huȩnȩ ji'ähuinö ä'ca jo̧mȩttö̧, ucuru hue'ösä.

2 Tesalonicenses 3:6

Tö̧jä̧hua̧tö̧, Tu̧ru̧hua̧ Jesucristo i̧mi̧nä̧ hue'ätöjä ucuturu. Ya̧tȩ adita pä'ocörö'inä, ucuturu tu̧huo̧juȩti̧nö̧ jȩpo̧cö̧rö̧'i̧nä̧ 'quȩ'i̧pä̧chä̧tu̧cui̧.

2 Timoteo 2:16

Amönä huȩnȩ, micuähuocö huȩnȩ, ttucuocuomenä, 'quȩ'i̧pä̧chi̧. Ja̧'hua̧nö̧ ucuocuätömä, juhua'a yabocu suronä jȩpä̧tö̧.

1 Timoteo 4:8

Jättäpäyotö jähuä jȩto̧mȩnä̧, ji̧'qui̧cha̧nö̧tä̧ micuähua'a. Ja̧'hua̧nö̧ ja̧'a̧nä̧ Dios i̧huȩnȩtä̧ amöcuädö kä̧cuä̧huä̧nä̧, o'ca juiyönä adiu micuähua'a, jitä tö̧jö̧'i̧nä̧, yodoji tö̧jä̧cuȩ'i̧nä̧ ppäda'attö.

Efesios 4:17

Pi̧yȩtä̧ hue'ösä ucuturu Tu̧ru̧hua̧ i̧mi̧nä̧. Korotö jitötä ttamönä amöcuädö, Diosrö jerupö jȩpä̧tö̧ ttö̧jö̧'a̧nö̧mä̧, cu̧ja̧cuä̧tu̧cuä̧' ucutu.

Gálatas 1:7

Koro huȩnȩ suronä jȩttö̧ jȩpö̧ icu pättö huȩnȩ iso päi'önä juiya'a. Korotö ucuturu suronä jȩpä̧tö̧mä̧ ka̧cuä̧tö̧. Jahuätömä pä̧huä̧ rö̧jä̧u̧ Cristo suronä jȩttö̧ jȩpö̧ icu huȩnȩ i̧mi̧cu̧nä̧ jö̧ cuesetiyätucuatö pä'ö.

Hechos 13:10

Pä'inödo: —¡Yapareu jȩä̧cuä̧huä̧ i̧sa̧jä̧! Suronä jȩpö̧jä̧. Ähuettä i̧tti̧jä̧. Adiu jȩpä̧tö̧ tta̧bo̧i̧ya̧jä̧. 'Cuäopönä Dios iso päi'önä huȩnȩ pärotö icu, yapareu jicuhuähua pä'öjä.

San Mateo 16:26

Ya̧tȩ pi̧jä̧ jähuä o'ca juiyönä ȩmo̧mȩnä̧, chutä toei'öttömä, ¿däje adihuä juäi u̧ju̧nä̧rä̧cua̧'a̧jä̧ttö̧? Ja̧'hua̧ta̧nö̧, ya̧tȩ a̧'cua̧rö̧ ȩma̧ pä'ömä ¿tta̧'a̧nö̧ rö̧ȩnä̧ i̧mi̧tä̧cua̧'a̧jä̧ttö̧?

2 Timoteo 1:6

Ttö hue'ösä ucuru, chu̧mö̧ mȩ'ö̧ huedina'amä ocurä tti̧rȩdȩta̧'a̧ jä̧'i̧nö̧'a̧nö̧, rȩdȩti̧ cuami iso'quinä Dios ucuru iyinö.

1 Timoteo 1:6

Yotöte jaropi'inätö pi̧yȩ huȩnȩ. Jahuätömä yoröiso micuähuocö huȩnȩtä̧ ucuocuätö.

1 Timoteo 1:4

Huo̧juȩti̧tö̧ täbo huȩnȩ, ttä̧do̧tö̧ mi̧nä̧ ttö̧ja̧cui̧nö̧ huȩnȩ, beipächocö huȩnȩ, ttucuocu juiyäcua'a̧nö̧. Ja̧u̧ huȩnȩ ucuocu yoröiso micuähuocö. Ja̧u̧ huȩnȩ ucuocu Diosrö pä̧huä̧ rö̧jö̧mä̧ ucuocuäcuähuocö. Diosrö esetötä churutä pä̧huä̧ rö̧jo̧mȩnä̧tä̧ ucuocuäcuähuä.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

Tito 3:1

Ji'ähui jahuätörö o'ca toi'önä ruhuotörö ttucuota pä'ö. O'ca juiyönä ruhuotö huettömä jȩttä̧cua̧'a̧nö̧. 'Cuäopönä adiu jȩttä̧cua̧'a̧nö̧.