2 Timoteo 1:6 - TÄ̧DO Ä̧CUÄ̧ I̧HUȨNȨ

⁶ Ttö hue'ösä ucuru, chu̧mö̧ mȩ'ö̧ huedina'amä ocurä tti̧rȩdȩta̧'a̧ jä̧'i̧nö̧'a̧nö̧, rȩdȩti̧ cuami iso'quinä Dios ucuru iyinö.

Nuevo Testamento Uwotjüja

⁶ Ja̧'wa̧nü̧ ja̧'a̧ttü̧ kunä̧ chu̧mü̧ mȩ'ü̧ Dio-rü chukuokuokuomenä̧ ukuru Dio mippoünä̧ iyinü okurä jä̧'i̧nü̧'a̧nü̧ jü̧nä̧ kkä̧wi̧ pä'ü wedäkujä̧.

2 Timoteo 1:6 Referans Kwoze

1 Timoteo 4:14

Ancianos huotö Diosrö pä̧huä̧ rö̧jo̧mȩnä̧ ucuru mȩ'ö̧ huettina'amä, Dios i̧huȩnȩ jicuhuähua pä'ö, Dios adiu iyinömä cunichi'ä'.

1 Tesalonicenses 5:19

Espíritu Santo adita'anä, ja̧'a̧tä̧ topätucui.

2 Pedro 3:1

Adihuä chö̧jä̧hua̧tö̧, pi̧yȩ cuyärunä todärenä päi'önä huȩyu̧tu̧ hue'ösä. Ucuturu ji'äu huȩyu̧tu̧sä̧, adiunä cuamöcuädätucua pä'ö.

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

2 Pedro 1:12

Ja̧'hua̧ta̧nö̧ ucutu cu̧huo̧juä̧tu̧cua̧'a̧nä̧, ucuturu amöcuädö, ppa̧'ä̧dö̧ ji̧dä̧huä̧cua̧sä̧ pi̧yȩ huȩnȩ. Iso päi'önä cuesetätucuomenä, cuami 'qui'ächi'ätöjä.

Hechos 19:6

Pablo jahuätörö u̧mö̧nä̧ mȩo̧mȩnä̧, Espíritu Santo ö̧jä̧mä̧di̧nä̧u̧do. Ja̧'hua̧ta̧nö̧ korotö tti̧huȩnȩ ucuocuinätödo. Dios jahuätörö iyäjimä ji'ähuinätödo.

2 Timoteo 2:14

Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.

San Lucas 19:13

I̧'chä̧cua̧'a̧ ä'canä to̧mö̧rȩ ruhuä umöhuäyotörö huopö iyinödo pärätä̧bi̧, rö̧ȩnä̧ micuähuä̧bi̧, ka̧ra̧rö̧'i̧nä̧, ka̧ra̧rö̧'i̧nä̧. Ja̧'hua̧ ja̧'a̧ pä'inödo: “Ȩmö̧ iyä'chö icu ca̧ca̧tö̧ jȩpi̧ ppa̧dä̧cho̧mȩ jubö päi'önä.”

Judas 1:5

Ucutu täcö cu̧huo̧juä̧tu̧cu̧mä̧, cuamöcuädätucua pä'ösä. Tu̧ru̧hua̧ Israel ttö̧ja̧rö̧ Egipto rȩjȩttö̧ rä'epö icuinö. Ja̧u̧nu̧ o'ca'a, jahuätöttö churutä esetocotörö be'epäjipö icuinö.

Hebreos 6:2

Ja̧'hua̧ta̧nö̧ bautizando jȩä̧cuä̧huä̧ huȩnȩttö̧'i̧nä̧, Diosrö esetätörö ttu̧mö̧nä̧ mȩ'ö̧ ucuocuäcuähuä huȩnȩttö̧'i̧nä̧, 'corupätti'omettö ttoächäcuähuä huȩnȩttö̧'i̧nä̧, Dios ö̧tä̧bo̧tä̧cuȩ huȩnȩttö̧'i̧nä̧ yabonötä tu̧huo̧jui̧'ä̧cua̧'a̧nö̧.

Hechos 6:6

Jahuätörö ȩpi̧nä̧tö̧do Jesús hue'ähuotö ttä'ca jo̧mȩ. Jesús hue'ähuotö Diosrö ucuocu, ttu̧mö̧nä̧ mȩ'i̧nä̧tö̧do jahuätörö.