2 Timoteo 1:2 - TÄ̧DO Ä̧CUÄ̧ I̧HUȨNȨ

² Pi̧yȩ cuyäru huȩyu̧tu̧ hue'ösä ucuru Timoteo, Cristonä chi̧tti̧ repedäcuru. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Nuevo Testamento Uwotjüja

² Chi̧tti̧ chu̧'ä̧kua̧ rȩni̧'a̧ Timoteo-rü te'äusä. Chä'o Dio, Tu̧ru̧wa̧ Jesucrito-tä eseäkuäwä'i̧nä̧ re kkä̧kuä̧wä̧'i̧nä̧, unichä̧rü̧ kkä̧kuä̧wä̧'i̧nä̧ iyäkujä̧.

2 Timoteo 1:2 Referans Kwoze

2 Timoteo 2:1

Ucu ttö chi̧tti̧, Cristo Jesús ppädomenä, juruhui.

1 Timoteo 1:2

Pi̧yȩ huȩnȩ huȩyu̧tu̧ hue'ösä ucuru Timoteo, Cristonä chi̧tti̧. Tä'o Dios'inä, Tu̧ru̧hua̧ Cristo Jesús'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

Romanos 12:19

Adihuä chö̧jä̧hua̧tö̧, micuä päi'önä jȩcu̧'ä̧tu̧cuä̧', ucuturu suronä jȩpä̧tö̧rö̧. Ja̧'a̧tä̧ topätucui. Tta̧'ä̧rä̧tu̧cui̧ Diostä ro̧ȩpä̧cua̧'a̧nö̧ jitörö. Huȩyu̧cuä̧ Huȩnȩ päa'a: “Ttömä ro̧ȩcuä̧ ru̧hua̧sä̧. Ttötä ro̧dȩpä̧cua̧sä̧, pä'ö Tu̧ru̧hua̧mä̧.”

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

1 Corintios 4:17

Ja̧'hua̧nö̧ ja̧'a̧ttö̧ Chu̧ru̧hua̧nä̧ chi̧tti̧ rȩni̧'a̧rö̧, adiu jȩpö̧rö̧, Timoteorö hue'ösä ucuturu. Ja̧u̧tä̧ jiä̧huä̧cua̧ ucuturu Cristorö esetö chö̧jö̧ huȩnȩ'i̧nä̧, o'ca juiyönä pa̧ja̧cu̧nä̧ iglesias ruhuärö jidäu huȩnȩ'i̧nä̧.

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

3 Juan 1:4

Chu̧huo̧juȩto̧mȩttö̧mä̧ chi̧tti̧mö̧ iso päi'önä huȩnȩ päö'a̧nö̧ adiu jȩcu̧'ä̧tu̧cu̧ chä̧ju̧cuo̧mȩnä̧, koro juäi eseäcuähuättö'inä abonänö eseusä.