2 Timoteo 1:18 - TÄ̧DO Ä̧CUÄ̧ I̧HUȨNȨ

¹⁸ Tu̧ru̧hua̧rö̧ ttucuotarö pä'ö ichö mo̧ro̧ päi'omenä, Tu̧ru̧hua̧ ja̧u̧ru̧ re rö̧jö̧nä̧ toö'a̧nö̧ ja̧'a̧. Ucu huo̧jua̧jä̧, ujuturu adiu ppä'ädinö Efesos ötahuiyänä kä̧nö̧.

Nuevo Testamento Uwotjüja

¹⁸ Tü̧ä̧nä̧wa̧tä̧ ji̧yȩnü̧ mo̧ro̧ rȩrü̧jü̧ toäkuäwä ü̧'o̧kui̧'ü̧nä̧ ppä̧dä̧kua̧. Täkü ukumä̧ wo̧jua̧jä̧, Onesíforo ujuturu Éfeso ütawiyättü ppädinü̧mä̧.

2 Timoteo 1:18 Referans Kwoze

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

2 Timoteo 1:16

Onesíforo pä'ö mi̧cua̧ ahuaruhuärö Tu̧ru̧hua̧ adiu re rö̧jö̧nä̧ toö'a̧nö̧ ja̧'a̧. Ja̧u̧ ttörö rö̧ȩnä̧ ppä'ädinö. Cärenä chö̧'a̧'a̧ topö ichäji'ca̧, ttörö dä'äcuocö pi̧nö̧.

1 Timoteo 1:3

Ttömä Macedonia rȩjȩra̧'a̧cu̧ chi̧'cho̧mȩnä̧, ucuru jidähuinö ta'anö, Efeso ötahuiyänä cu̧ja̧ pä'ösä. Ucuru hue'ipinösä korotörö cu̧huo̧juȩta̧ pä'ö yapareu huȩnȩ ttu̧huo̧juȩtö̧ juiyäcua'a̧nö̧.

Apocalipsis 2:1

Juhua'a yabonö pä'inö: —Efeso ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i pi̧yȩ huȩnȩ: “Ko̧ro̧mö̧ttö̧nö̧ ta̧ju̧ si̧ri̧'cö̧rö̧ u̧mö̧ u̧huo̧jua̧'a̧nä̧ 'chu̧'ä̧rö̧, ko̧ro̧mö̧ttö̧nö̧ tocäre lámparas ku̧nä̧huäcä orottö adicua'a 'quȩtȩnä̧ cue'ächömä pa̧'a̧nö̧ pä'ö:

1 Pedro 1:10

Täbocö Dios i̧huȩnȩ jiäcuähuä isotömä jä'epö ä̧ju̧cu̧ ucuocuinätödo pi̧yȩ huȩnȩ, suronä jȩttö̧ jȩpö̧ icu huȩnȩ. Ja̧'hua̧ta̧nö̧ Dios ucuturu repe'ö iyä̧cuȩ huȩnȩ'i̧nä̧ ucuocuinätödo.

2 Timoteo 4:12

Tíquicorö hue'inösä Efeso ötahuiyära̧'a̧.

1 Tesalonicenses 2:19

Tu̧ru̧hua̧ Jesucristo ichomenä, ¿dirö tesehuäcua'ajä̧ttö̧? ¿Dirö tta̧tä̧rä̧cua̧'a̧jä̧ttö̧ tesehua pä'ö? ¿Dirö tamöcuädäcua̧'ajä̧ttö̧? Ucuturu tesehuäcuotöjä Tu̧ru̧hua̧ Jesucristo ichomenä.

Efesios 2:4

Ja̧'hua̧nö̧ ja̧'a̧nä̧ Dios ujuturu rö̧ȩnä̧ repe'ö, re rö̧jö̧nä̧ toinä̧u̧jä̧.

2 Corintios 9:1

Tö̧jä̧hua̧tö̧rö̧, Cristorö esetätörö, ttiyö huȩnȩ chi̧huȩyu̧tu̧ juiyö'a̧nö̧ ja̧'a̧ ucuturu.

1 Corintios 16:8

Pȩnȩtä̧ Efeso ötahuiyänä, chö̧jä̧cua̧sä̧ Pentecostés mo̧ro̧ 'cuäopome jubö päi'önä.

Hechos 19:1

Apolos Corinto ötahuiyänä ö̧jo̧mȩnä̧, Pablo juhuorö de'anä 'chi̧nö̧do Efeso ötahuiyära̧'a̧ i̧'chi̧'a̧'a̧ jubö päi'önä. Juhua'attö yotöcunä Jesucristorö esetätörö po̧cui̧pi̧nö̧do.

San Lucas 8:3

Ja̧'hua̧ta̧nö̧ Herodes hueomenä, yabo hueähuä i̧sa̧ Chuza pä'ö mi̧cua̧ irecua Juana'inä, Susana'inä, korotö recuätö nä̧tö̧ ttu̧ju̧nä̧rö̧nä̧tä̧ Jesúsru ppä'ädinätö'inä Jesúscu 'chi̧nä̧tö̧do.

San Lucas 1:78

Dios ujuturu repe'ö re rö̧jö̧nä̧ toa'attö, ju'tojuttu i̧yä̧u̧jä̧ suronä jȩtö̧ jȩpö̧ icuähuä, jareö mo̧ro̧ kä̧hua̧ räopö'a̧nö̧.

San Lucas 1:72

“Re rö̧jö̧nä̧ to̧chä̧cuä̧u̧jä̧,” pä'inö tä̧do̧tö̧ mi̧nä̧rö̧. “Adiu chucuocuinömä unichi'ocösä” pä'inö.

Hechos 18:19

Efeso ötahuiyära̧'a̧ 'chä̧hui̧'ö, Pablomä Priscilarö, Aquilarö ku̧ni̧pi̧nö̧do. Judíos ttu̧huo̧jui̧'i̧nodenä do'ächi'ö Dios i̧huȩnȩ rä'epö ucuocuinödo judíos ttö̧ja̧rö̧.

Hechos 18:21

I̧u̧ kä̧nö̧ pä'inödo: —Jerusalén ötahuiyära̧'a̧ chi̧'cha̧ pä'ösä fiesta jȩttö̧ mo̧ro̧ juhua'attö 'cuädopa pä'ö. Pä'äji ta'anö ppa̧dä̧chä̧cua̧sä̧ ucuturu topö Diosrö pä̧huä̧ rö̧jo̧mȩnä̧. Ja̧'hua̧nö̧ ja̧'a̧ Efeso ötahuiyättö huoi'canä 'chi̧nö̧do.

1 Corintios 1:8

Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

1 Corintios 3:13

Yodoji Dios ttö̧ja̧rö̧ pojocuä mo̧ro̧ päi'omenä, o'ca juiyönä taditinömä adiu totäcuotöjä. Ja̧u̧nu̧ mo̧ro̧ ocuräcu ichäcua'a. Ja̧'hua̧nö̧ päi'omenä, ocuränä ka̧cuä̧mi̧pä̧cua̧'a̧ o'ca juiyönä taditinömä, iso päi'önä adiu taditinaja pä'ö tota pä'ö.

2 Timoteo 1:17

Ja̧'hua̧ta̧nö̧ Roma ötahuiyära̧'a̧ ichomenä, ttörö usinö ttörö ö̧'o̧cui̧'o̧mȩ jubö päi'önä.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.