2 Pedro 2:2 - TÄ̧DO Ä̧CUÄ̧ I̧HUȨNȨ

² Jitörötä pä̧huä̧ rö̧jö̧ jȩpö̧ kä̧nö̧ ttu̧huo̧juȩto̧mȩnä̧, recuätö ttesetäcuotö jahuätörö. Ja̧'hua̧ta̧nö̧ adihuä huȩnȩmä̧, suräjuä huȩnȩ pä'ö ttucuocuäcuotö.

Nuevo Testamento Uwotjüja

² Isopäi'ünä̧ jä̧'i̧nü̧'a̧nü̧ wo̧juȩkuä̧ isotü jȩttü̧'a̧kuä̧ rekuätü jȩttä̧kuo̧tü̧, ja̧'wa̧ta̧nü̧ juätü jäwänä̧ isopäi'ünä̧ mä̧nä̧mä̧ suronä̧tä̧ ttukuokuäkuotü.

2 Pedro 2:2 Referans Kwoze

Romanos 2:24

Ja̧'hua̧ ja̧'a̧ttö̧ Huȩyu̧cuä̧ Huȩnȩ päa'a: “Judíos huocotö suronä ucuocuätö Diosrö, ucutu suronä jȩcu̧'ä̧tu̧cu̧ topö.”

Judas 1:10

Ja̧'hua̧nö̧ ja̧'a̧nä̧ jitö Diosrö jarode'ätömä, ji̧nä̧ iso huo̧juä̧huä̧ huo̧jui̧cuä̧ juiyönä suronä ucuocuätö. Ja̧'hua̧nö̧ ja̧'a̧ koro huo̧juä̧huä̧, de'a ka̧cuä̧tö̧ jȩttö̧'a̧nö̧ jȩpä̧tö̧mä̧, tottei'a pä'ö jȩpä̧tö̧.

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

2 Pedro 2:15

Mä̧nä̧, adihuä mä̧nä̧ttö̧ re'tehuächö cue'ächätö. Beor i̧tti̧ Balaam i̧'chi̧nö̧ ta'anö 'chä̧tö̧. Ja̧u̧ Balaam, suronä jȩpö̧ kä̧nö̧, pärätä ȩma̧ pä'inödo.

1 Pedro 2:12

Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.

Tito 2:8

Ucu cu̧huo̧juȩtö̧mä̧ huäjunä huo̧juȩti̧ korotö suronä ttucuocu juiyäcua'a̧nö̧. Ja̧'hua̧nö̧ huäjunä cu̧huo̧juȩtö̧ttö̧mä̧, dä'ättö ucuru suronä ucuocuocotö ttäcuotö.

Hechos 24:14

Ja̧'hua̧nö̧ ja̧'a̧nä̧'i̧nä̧ ucuru ji'äusä tä̧do̧tö̧ mi̧nä̧ Diosrö ucuocusä jareu kä̧cuä̧huä̧ huȩnȩ esetö. Judíos ttö̧ja̧ pä'ätö pi̧yȩ adiu kä̧cuä̧huä̧ huȩnȩ esetätömä jäyänä esetätö. Ja̧'hua̧nö̧ ja̧'a̧nä̧ o'ca juiyönä huȩyu̧cuä̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ esetösä.

Hechos 16:17

Pablocu, ujutucu to'ca'anä ichö huo̧pä̧ri̧nä̧ju̧: —Pitö u̧mä̧tö̧mä̧, Dios Ju'toju Ru̧hua̧ jähuä adicuä ttö̧ja̧mä̧, ucuturu ji'ähuätö surojöttö ki̧'ä̧cuä̧huä̧ mä̧nä̧.

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

2 Pedro 2:21

Adihuä huȩnȩ eseti'cotö, jaroi'äcuähuänämä suroja'ado. Ja̧'hua̧nö̧ ja̧'a̧ttö̧ adihuä huȩnȩ ttieruhuomenä, ja̧u̧ huȩnȩ jaroi'äcuähuättö'inä abonänö adihua'ado.

Tito 2:5

Ja̧'hua̧ta̧nö̧ nä̧tö̧ möäyotö adiu tta̧'cua̧ pö̧nö̧ ttö̧jä̧cua̧'a̧nö̧. Jahuätömä suronä ttamöcuädö juiyäcua'a̧nö̧. Ttojusodettö ttaditähuä ttaditäcua'a̧nö̧. Ttahuaruhuärö ppättädäcua'a̧nö̧. Ja̧'hua̧ta̧nö̧ ttirecuo hueötä jȩttä̧cua̧'a̧nö̧. Ja̧'hua̧nö̧ jȩttö̧ttö̧mä̧, korotömä Dios i̧huȩnȩ suronä pä'ö ucuocuocotö.

1 Timoteo 5:14

Ja̧'hua̧nö̧ ja̧'a̧ttö̧ ttö pä'ösä rȩcua̧mö̧ möäyotörö, ttirecuorö ttȩmä̧cua̧'a̧nö̧. Tti̧tti̧mö̧rö̧ ttu̧ju̧nä̧rä̧cua̧'a̧nö̧. Ttojusodenä'inä adiu tta̧ttä̧rä̧cua̧'a̧nö̧. Ja̧'hua̧nö̧ adiu jȩtto̧mȩnä̧, ttaboiyotömä suronä ucuocuocotö jahuätörö.

Hechos 19:9

Ja̧'hua̧nö̧ ja̧'a̧ yotöcunä jarode'ö esetocotö pi̧nä̧tö̧do. O'ca toi'önä ttä'ca jo̧mȩttö̧ Dioscu adiu kä̧cuä̧huä̧ huȩnȩ jarode'ö “Surojö” pä'inätödo. Ja̧'hua̧nö̧ jȩtto̧mȩnä̧, Pablo jahuätöttö 'quȩ'i̧pä̧chi̧nö̧do. Jesucristorö esetätömä chutäcu tti̧'cha̧ pä'ö o'ipinödo. Tiranno ojusodettö jahuätörö Dios i̧huȩnȩ rä'epö ucuocuinödo mo̧ro̧ji̧nö̧ a̧'u̧cuä̧.

Hechos 18:26

Apolos ttö̧ja̧rö̧ yecuoca'a kä̧mä̧dö̧ ji'ähuinödo judíos ttu̧huo̧jui̧'i̧nodenä. Ja̧'hua̧nö̧ jiähua'a ttä̧ju̧cuo̧mȩnä̧, Priscilacu, Aquilacu ja̧u̧ru̧ ttojusodera̧'a̧ o'ipinätödo. Ja̧u̧ jiähuäjittö'inä abonänö huäjunä ucuocu jittähuinäcudo Dioscu adiu kä̧cuä̧huä̧.

Hechos 14:2

Ja̧'hua̧nö̧ ja̧'a̧nä̧ judíos ttö̧ja̧ Jesucristorö esetocotömä ucuocuinätödo judíos huocotörö, suronä ttamöcuäda pä'ö Jesucristorö esetätörö.

Hechos 13:10

Pä'inödo: —¡Yapareu jȩä̧cuä̧huä̧ i̧sa̧jä̧! Suronä jȩpö̧jä̧. Ähuettä i̧tti̧jä̧. Adiu jȩpä̧tö̧ tta̧bo̧i̧ya̧jä̧. 'Cuäopönä Dios iso päi'önä huȩnȩ pärotö icu, yapareu jicuhuähua pä'öjä.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Marcos 13:22

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä ttö̧ja̧ ttieru juäi jȩttä̧cuo̧tö̧, ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧, ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Marcos 12:14

Jahuätö ichi'ö jättepinäcudo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocujä, pi̧jä̧ ttö̧ja̧ pätta'a cuamöcuädoca'a. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧, pi̧jä̧ ttö̧ja̧ pättö cuä̧ju̧cuo̧ca̧'a̧. Ja̧'hua̧ta̧nö̧ ttö̧ja̧ ttamöcuädö ye'ecuocöjä. Ujutumä romanos ttö̧ja̧ ttu̧ru̧hua̧rö̧ pärätä timitomenä, ¿adihua'a tä̧ji̧? ¿Timitö'a̧nö̧ ja̧'a̧ tä̧ji̧? ¿Timitö juiyö'a̧nö̧ ja̧'a̧ tä̧ji̧?

San Mateo 22:16

Ja̧'hua̧nö̧ ja̧'a̧ttö̧ ttahuaruhuärö'inä, Herodes ahuaruhuärö'inä hue'inätödo Jesúsru jättepa pä'ö koro huȩnȩ. Pä'inätödo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocujä. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧, pi̧jä̧ ttö̧ja̧ pättö cuä̧ju̧cuo̧ca̧'a̧nä̧. Ja̧'hua̧ta̧nö̧ ttö̧ja̧ ttamöcuädö ye'ecuocöjä.

San Mateo 7:14

Pärocua'anä kä̧cuä̧huä̧ i'co rȩbȩä̧cuä̧huä̧mä̧ mä̧nä̧'i̧nä̧, äpate'inä ji̧'qui̧cha̧ja̧'a̧do. Ju̧huä̧mä̧ a̧'u̧cu̧nä̧tä̧ po̧cui̧pä̧tö̧do.

Apocalipsis 13:8

O'ca toi'önä pi̧jä̧nä̧ ka̧cuä̧tö̧mä̧, Cordero 'corupä'i'inö u̧ju̧närä̧'tänä, kä̧cuä̧huä̧ i'co cuyäru'tänä, Dios pi̧jä̧ aditinö mo̧ro̧ i̧huȩyu̧ti̧nö̧'tänä tti̧mi̧ jui'ätömä, ja̧u̧ pä̧i̧cua̧ i̧sa̧rö̧ esehuinätö.

2 Pedro 2:12

Pitö u̧mä̧tö̧ de'a isotö ta'anö ä̧ju̧cuo̧co̧tö̧. Topötä ka̧cuä̧tö̧do. 'Chu'ädö cuä'ö tticuatö pä'ötä böo juo'ätö. Ttä̧ju̧cu̧ juiyönä ucuocuätö suräjuä huȩnȩ. De'a i̧sa̧ 'corupäi'ö'a̧nö̧ 'corupätti'äcuotö.

Hechos 22:4

Adiu kä̧cuä̧huä̧ huȩnȩ esetätörö suronä jȩpi̧nö̧sä̧ bettipächönä cuä'ö chicua pä'ö. U̧mä̧tö̧rö̧'i̧nä̧, nä̧tö̧rö̧'i̧nä̧ cuoräusanä nö̧'cä̧rö̧ ȩpi̧'ä̧ji̧nö̧sä̧ cärenä chöta pä'ö.

2 Pedro 2:7

Ötahuiyä cuo'ö icuomenä, Lottä ki̧'i̧nö̧do. Ja̧u̧ adihuä i̧sa̧ pi̧nö̧do Dios ä'ca jo̧mȩttö̧. Chutä Lot korotö suronä jȩpä̧tö̧rö̧ tomenä, re rö̧jö̧nä̧ topinödo.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

Judas 1:4

Korotö adihuä isotö a̧'cua̧rö̧nä rȩbȩhui̧nä̧tö̧. Jahuätö Diosrö jarode'ätö. Dios pi̧jä̧ ttö̧ja̧rö̧ repeähuä huȩnȩ jittähua'anä, yähuäinä suronä jȩpä̧tö̧. Diosrö'inä, chu ä̧cua̧ Tu̧ru̧hua̧ Jesucristorö'inä ä̧ppö̧tä̧rö̧ jȩpä̧tö̧. Ja̧'hua̧nö̧ ja̧'a̧ jahuätö tä̧bo̧cuä̧ ttȩmä̧cuȩ täbocö Huȩyu̧cuä̧ Huȩnȩ jiähua'a.

Judas 1:7

Jahuätö ángeles, suronä jȩpi̧nä̧tö̧rö̧ tä̧bo̧ti̧nö̧do Dios. Ja̧'hua̧ta̧nö̧ Sodoma ötahuiyä ttö̧ja̧rö̧'i̧nä̧, Gomorra ötahuiyä ttö̧ja̧rö̧'i̧nä̧, koro ötahuiyä tö'cönänö ka̧cu̧ ttö̧ja̧rö̧'i̧nä̧ tä̧bo̧ti̧nö̧do. Jahuätömä nä̧tö̧cu̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ta̧nö̧ u̧mä̧tö̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ ja̧'a̧ Dios jahuätörö ocuränä, beipocaränä tä̧bo̧cuä̧ päi'önä ku icuinö, huo̧juȩcuä̧ päi'önä ka̧'a̧ jitä ka̧cuä̧tö̧rö̧.