2 Pedro 2:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧nä̧'i̧nä̧ yapareu huȩnȩ ji'ähuinätömä ka̧cui̧nä̧tö̧do Israel ttö̧ja̧ ttö̧'quȩtȩnä̧. Ja̧'hua̧ta̧nö̧ ucutu cu̧'quȩtȩtu̧cu̧nä̧ yapareu huȩnȩ ji'ähuätömä ttö̧ja̧cuä̧cuo̧tö̧. Jahuätö yä̧huä̧i̧nä̧ yapareu huȩnȩ ttu̧huo̧juȩtä̧cuo̧tö̧. Churutä, suronä jȩttö̧ jȩpö̧ icuinörö, ä̧ppö̧tä̧rö̧ ji'ähuätö. Ja̧'hua̧nö̧ ttu̧huo̧juȩto̧mȩnä̧, o'ca päi'önä ttamönä bettipächäcuotö.

Nuevo Testamento Uwotjüja

¹ Ja̧'wa̧ta̧nü̧ Irae ttü̧ja̧ ttü̧'kä̧tȩnä̧mä̧ isopäi'ünä̧ jä̧'i̧nü̧'a̧nü̧ wotü profeta-tü̧ kka̧kui̧nä̧tü̧; ja̧'wa̧nü̧ ji̧nü̧ta'anü̧ ukutu ku̧'kȩtȩtu̧ku̧nä̧mä̧ isopäi'ünä̧ jä̧'i̧nü̧'a̧nü̧ wo̧juȩkuä̧ isotümä̧ ttü̧ja̧kuä̧kuo̧tü̧. Juätümä̧ suronä̧ tta̧mü̧kuädümä̧ dajiku ttu̧wo̧juȩtä̧kuo̧tü̧, chutä tu̧ru̧wa̧ surojüttü rä'epü ikuinü̧rü̧'i̧nä̧ tä̧ppü̧tä̧rä̧kuo̧tü̧; ja̧'wa̧nü̧ ja̧'a̧ttü̧ juätümä̧ tta̧ttä̧ro̧kü̧ jä̧ji̧ ro̧ȩkuä̧ra̧'a̧ ȩpä̧kuo̧tü̧.

2 Pedro 2:1 Referans Kwoze

San Mateo 7:15

“Korotömä “Dios i̧huȩnȩ ji'ähuätöjä” pätta'anä, yapareu jittähuomenä cuesetätucuä'. Jahuätömä ucuturu ichö o̧vȩja̧stö̧ jȩttö̧'a̧nö̧ jȩpä̧tö̧ yapareu. Ji̧nä̧ isocu ä̧hui̧ri̧tö̧ ra̧huä̧rä̧tö̧ jä̧'i̧nö̧'a̧nö̧ huotö.

Judas 1:4

Korotö adihuä isotö a̧'cua̧rö̧nä rȩbȩhui̧nä̧tö̧. Jahuätö Diosrö jarode'ätö. Dios pi̧jä̧ ttö̧ja̧rö̧ repeähuä huȩnȩ jittähua'anä, yähuäinä suronä jȩpä̧tö̧. Diosrö'inä, chu ä̧cua̧ Tu̧ru̧hua̧ Jesucristorö'inä ä̧ppö̧tä̧rö̧ jȩpä̧tö̧. Ja̧'hua̧nö̧ ja̧'a̧ jahuätö tä̧bo̧cuä̧ ttȩmä̧cuȩ täbocö Huȩyu̧cuä̧ Huȩnȩ jiähua'a.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

2 Timoteo 4:3

Koronö mo̧ro̧ päi'omenä, yoröiso ä̧ju̧cuo̧co̧tö̧ ttäcuotö adihuä huo̧juȩcuä̧ huȩnȩ. Jitötä ttamönä ttamöcuädö jȩpö̧, ottäcuotö huo̧juȩcuä̧ isotörö jitörötä pä̧huä̧ rö̧jö̧ä̧tä̧ ttu̧huo̧juȩta̧tö̧ pä'ö.

San Mateo 24:11

Recuätö yapareu ttö̧ja̧ ttichäcuotö. Jahuätömä “Dios hueä̧u̧jä̧” pä'ö kä̧nö̧, recuätö ttesetäcuotö jahuätörö, yapareu jittähuomenä.

Gálatas 2:4

Juhua'acumä iso päi'önä korotö amönä tö̧jä̧hua̧tö̧ pä'ähuätö tö̧'quȩtȩnä̧ dajahuächö dodepäjätö pȩji̧nä̧tö̧ ujutucu. Jahuätötä circuncisión jȩta̧rö̧ pä'inätö. Jahuätö dodepinätö to̧ttä̧ra̧ pä'ötä ujuturu Cristo Jesúsru esetö adiu tö̧ja̧cua̧ja̧ pä'ö topö. Jahuätö ji̧nä̧ tö̧ji̧ya̧tö̧ pä'inätö.

1 Corintios 11:19

Iso päi'önä ja̧'hua̧nö̧mä̧ i̧mi̧cu̧nä̧ cuamöcuädäcuotöjä, adiu esetätörö cu̧huo̧juä̧tu̧cuä̧cua̧'a̧nö̧.

1 Juan 4:1

Chö̧jä̧hua̧tö̧, cuesetätucuä' o'ca toi'önä “Espíritu Santo ttöcu kö̧” pä'ätörö. Jahuätörö ka̧cuä̧mö̧ topätucui, Espíritu Santo jahuätöcu ö̧ja̧ pä'ö. Jitä recuätö yapareu ucuocu “Dios i̧huȩnȩ ji'ähuätöjä” pä'ätömä pi̧jä̧ o'ca juiyönä cue'ächätö.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

Tito 3:10

Ya̧tȩ iglesia ruhuärö 'quȩ'ȩpö̧ icua päöttömä, todärenätä ucuocuirö. Ja̧'hua̧nö̧ cucuocuomenä, esetö juiyöttömä 'quȩ'i̧pä̧chi̧rö̧.

Tito 1:11

Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

1 Corintios 6:20

Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

San Marcos 13:22

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä ttö̧ja̧ ttieru juäi jȩttä̧cuo̧tö̧, ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧, ttesetatö pä'ö. Dios huoinä̧u̧mä̧ yoröiso esetocotö ttäcuotö.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.

Apocalipsis 2:9

O'ca juiyönä jȩcu̧'u̧ huo̧jua̧sä̧. Ubara ttucuhuinömä huo̧jua̧sä̧. Järe ru̧hua̧ cu'a'anä, usurä isotö ttö̧ja̧'a̧ jä̧'i̧nö̧'a̧nö̧, cu̧ji̧nö̧'i̧nä̧ huo̧jua̧sä̧. Korotömä, “Ujutumä judíos huotöjä” pä'ätömä, ucuru suronä ttucuocua'a huo̧jua̧sä̧. Jahuätömä iso päi'önä judíos huocotö. Jahuätömä Satanás umöhuäyotö.

Hebreos 10:29

Ya̧tȩ, Dios I̧tti̧rö̧ suronä amöcuädö jȩpö̧'i̧nä̧, chutä ucuoja kö'cocö'inä, Espíritu Santo ja̧u̧ru̧ repe'örö, suronä ucuocu'inä, ¿tta̧'a̧nö̧ rö̧ȩnä̧ ro̧ȩcuä̧ ȩmä̧cua̧'a̧jä̧ttö̧? Ja̧u̧tä̧ ucuoja, jareö huȩnȩ iso päi'önä huȩnȩ ja̧'a̧. Ja̧'hua̧ta̧nö̧ ja̧u̧tä̧ ucuoja ja̧u̧ru̧ aditö icuoya.

Colosenses 2:18

Ja̧'hua̧ta̧nö̧ korotö usurä isotö jö̧ ta'anö kä̧nö̧, ángelesrö'inä esetö ttucuocuomenä, cuesetätucuä', Cristorö esetö cuȩmä̧tu̧cuä̧cuȩ 'chottipö juiyäcua'a̧nö̧. Jahuätömä jitötä tottocö'inä jȩpä̧tö̧. Ja̧'hua̧ta̧nö̧ jitöätä ttamöcuädöätä a'cuoyäu jȩpä̧tö̧.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Mateo 10:33

Ja̧'hua̧ta̧nö̧ korotö ttä'ca jo̧mȩttö̧ ttörö ä̧ppö̧tä̧rä̧tö̧mä̧, ttö'inä jahuätörö chä̧ppö̧tä̧rä̧cua̧sä̧ Chä'o mo̧ro̧jä̧ra̧'a̧ kö̧ ä'ca jo̧mȩttö̧, —pä'ö huo̧juȩti̧nö̧do Jesús.

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

Apocalipsis 2:13

O'ca juiyönä jȩcu̧'u̧ huo̧jua̧sä̧. Satanás ö̧jo̧mȩ cu̧ja̧'a̧ huo̧jua̧sä̧. Ja̧'hua̧ta̧nö̧ ja̧'a̧nä̧ adiunätä cue'ächöjä ttörö esetö huo̧jua̧sä̧. Ttörö yoröiso jaropi'ocöjä. Ttö chi̧huȩnȩ jiäcuähuä i̧sa̧ Antipasrö, Satanás ö̧jo̧mȩttö̧, ucutu cu̧'quȩtȩtu̧cu̧nä̧ ö̧jo̧mȩnä̧, cuä'ö tticuinö pä̧nä̧'i̧nä̧ jaropi'ocö pi̧nö̧jä̧.

Judas 1:18

Ja̧'hua̧nö̧ jahuätö ucuturu ji'ähuinätödo: “Röjinä ja̧'a̧cu̧ korotö Dios jähuä ya̧ttä̧huȩ'ä̧cuo̧tö̧. Jitöröätä pä̧huä̧ rö̧jö̧ suronä jȩpö̧ ttö̧ja̧cuä̧cuo̧tö̧do.”

1 Juan 2:26

Korotö ucuturu yapareu ttucuocuiyäcu, pi̧yȩ huȩnȩ huȩyu̧tu̧sä̧ ucuturu.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Gálatas 5:20

Ttö̧ja̧ a̧'u̧cuä̧ adicuä esetätö. Ja̧'hua̧ta̧nö̧ yuhuähuä mä̧ri̧mö̧rö̧ esetö jȩpä̧tö̧. Ja̧'hua̧ta̧nö̧ a'cuoyäunu sȩ'ȩpä̧rö̧ rohuähuätö. O'ca päi'önä ra̧huä̧ri̧pä̧tö̧. Jitörötä adihuomenätä jȩpä̧tö̧. Jitötä jö̧ ta'anö amöcuädätörö ca̧ca̧cuä̧rä̧tö̧.

Gálatas 4:17

Jahuätö ttö̧ja̧ i̧mi̧cu̧nä̧ huo̧juȩti̧nä̧tö̧mä̧ juiyo pä̧huä̧ rö̧jä̧u̧ ucuturu. Ja̧'hua̧nö̧ ttamöcuädömä adiumäcö̧. Jahuätö pä̧huä̧ rö̧jä̧u̧ ujututtu 'quȩttȩpa̧ pä'ö ucuturu, jahuätörötä cuesetätucua pä'ö.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

San Lucas 21:8

Jesús pä'inödo: —Korotö yapareu jittähuomenä, jittäumä jȩcu̧'ä̧tu̧cuo̧ca̧'a̧ adiu jȩpä̧tu̧cui̧. Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo. Jitätä cuesetätucu'a̧nö̧ ja̧'a̧.” Ja̧'hua̧nö̧ pättomenä, jahuätörö cuesetätucuä'.

San Lucas 6:26

“Ucuturu suronä 'cuäöpäcua'a, o'ca toi'önä ucuturu adiu ttucuocuomenä. Ja̧'hua̧nö̧ jȩpi̧nä̧tö̧do jahuätö tä̧do̧tö̧ mi̧nä̧ Dios i̧huȩnȩ ji'ähuätöjä pä'ö yapareu pä'ätörömä, —pä'inödo Jesús.

San Mateo 24:5

Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo.” Jahuätö yapareu jittähuäcuotö recuätö ttö̧ja̧rö̧.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

1 Corintios 7:23

Diosmä rö̧ȩnä̧ mitö ȩmi̧nä̧u̧jä̧ ucuturu. Ja̧'hua̧nö̧ ja̧'a̧ttö̧ pi̧jä̧ ttö̧ja̧rö̧ pä̧huä̧ rö̧jö̧ huettö jȩpö̧, ttumöhuäyotö päi'önä cu̧ja̧cuä̧tu̧cuä̧'.

Apocalipsis 3:8

Ja̧'hua̧nö̧ hua̧mä̧ pa̧'a̧nö̧ pä'ö: O'ca juiyönä jȩcu̧'u̧mä̧ huo̧jua̧sä̧. Ucu cuä'ca jo̧mȩttö̧ äpate ba'epö chiyäcu korotö yoröiso mö̧ttȩpo̧cate. Iso päi'önä rö̧ȩnä̧ cujuruhuoca'anä, ttö chi̧huȩnȩ ä̧ju̧cu̧ jȩpi̧nö̧jä̧. Ttörömä ä̧ppö̧tä̧ro̧cö̧jä̧.

San Lucas 12:9

Ja̧'hua̧nö̧ ja̧'a̧nä̧ korotö ttä'ca jo̧mȩttö̧ ttörö ä̧ppö̧tä̧rä̧tö̧mä̧, jahuätörö ä̧ppö̧tä̧rä̧cua̧ Dios umöhuäyotö ángeles ttä'ca jo̧mȩttö̧.

1 Timoteo 5:8

Iso päi'önä ya̧tȩ ahuaruhuärö, chutä ojusodenä ka̧cuä̧tö̧rö̧, tta̧'ä̧ro̧cö̧mä̧, Diosrö ä̧ppö̧tä̧rö̧. Ja̧'hua̧nö̧ jȩpö̧mä̧, korotö Diosrö esetocotöttö'inä abonänö suronä jȩpö̧.

Apocalipsis 6:10

Pitömä tti̧huȩnȩnä̧ pä̧i̧cu̧nä̧ pä'inätö: —Tu̧ru̧hua̧ adihuä i̧sa̧mä̧, päcumä o'ca juiyönä jȩpö̧jä̧. Pi̧jä̧nä̧ ka̧cuä̧tö̧rö̧, ujuturu cuä'ö icuinätörö, ¿dä̧bö̧ tta̧cu̧huä̧rä̧ttö̧ jahuätörö pä'ö cu̧ra̧huä̧ra̧ pä'ö?