2 Pedro 1:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ cu̧ja̧cuä̧tu̧cu̧ttu̧mä̧, adiunä docuhuächäcuotöjä Tu̧ru̧hua̧ Jesucristo ö̧jo̧mȩ, yoröiso beipocome.

Nuevo Testamento Uwotjüja

¹¹ Ja̧'wa̧nü̧tä̧ tu̧ru̧wa̧ Jesucrito surojüttü tü̧ji̧pü̧nä̧ jȩpi̧nü̧ ruwo beipokü weomȩ doächäkuäwomȩ bawekuächäkua'a.

2 Pedro 1:11 Referans Kwoze

Apocalipsis 5:10

Tä̧do̧ ä̧cua̧ Dios ä'ca jo̧mȩttö̧ sacerdotes isotö'inä, ruhuotö'inä päti'a pä'ö huecuhuinä̧u̧jä̧. Ujutumä pi̧jä̧nä̧ huetäcuotöjä, ra̧'i̧nä̧tö̧.

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

Apocalipsis 3:21

O'ca toi'önä pi̧jä̧ttö̧'i̧nä̧ abonänö juruhuätömä, ttöcu chi̧dȩä̧cä̧nä̧ chö̧'o̧mȩnä̧, chippeyänä ttö̧'ä̧mä̧da̧ pä'ö, ttö pi̧jä̧ttö̧'i̧nä̧ abonänö chujuruhuomenä, Chä'o i̧dȩä̧cä̧nä̧ ö̧'o̧mȩnä̧ ippeyänä chö̧'ä̧mä̧da̧ pä'ö hueinö'a̧nö̧ huȩdä̧cua̧sä̧ jahuätörö.

Hebreos 6:17

Ja̧'hua̧nö̧ ja̧'a̧ttö̧ Dios, chutä i̧mi̧nä̧ ucuocu iya pä'inödo. Ja̧u̧ adihuä juäi iya päinö ttȩmä̧cuo̧tö̧mä̧, o'ca juiyönä päinö ta'anö i̧yä̧cua̧, adiunä ttu̧huo̧jua̧ pä'ö pä'inödo.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

San Juan 10:10

“Nä̧u̧cuä̧rö̧ i̧sa̧, nä̧u̧cuä̧rö̧ cuä'ö icua pä'ö ichö bettipächönä. Ttömä ichinösä o'ca juiyönä eseunu adiunätä ttö̧ja̧cua̧ pä'ö.

Efesios 3:20

Jitämä teseäcuähuätucuaja Diosrö. Dios ujuruhua'attö, Diosrö jätepöttö'inä, tamöcuädöttö'inä abonänö rö̧ȩnä̧ i̧yä̧cua̧, chutä ujuru tu̧ju̧nä̧ro̧mȩnä̧.

2 Corintios 5:1

Ujutu huo̧juä̧tö̧jä̧ pi̧yȩmä̧. Iso päi'önä tidepä, recuo ko̧cö̧mä̧, be'epö tticuttumä, Dios mo̧ro̧jä̧ra̧'a̧ttö̧ korode tojusode aditinödo, yoröiso beipocode, ttö̧ja̧ ttu̧mö̧nä̧'i̧nä̧ adicuocode.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

Romanos 2:4

Dios ucuru ppädömä, ¿ji̧'qui̧cha̧nö̧'i̧nä̧ kö'cocöjä tä̧ji̧? Ja̧'hua̧ta̧nö̧ Dios ucuru ami 'qui'ächi'ö tta̧huä̧rö̧mä̧, ¿amöcuädocöjä tä̧ji̧? Dios ucuru repe'ö ja̧'hua̧nö̧ jȩpö̧ ucuru pärocuäcu cuamöcuäda pä'ö.

1 Corintios 15:24

Ja̧u̧nu̧ o'ca'a, röji mo̧ro̧ päi'äcua'a. Ja̧u̧nu̧mä̧ o'ca juiyönä pi̧jä̧ isoppanä huȩ'ä̧rä̧tö̧rö̧'i̧nä̧, ruhuotörö'inä, ttujuru'inä be'epäjipö i̧cuä̧cua̧ Cristomä. Ja̧'hua̧nö̧ be'epäjipö icu, i̧yä̧cua̧ o'ca juiyönä hueähuä Jä'o Diosrö.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

2 Timoteo 4:18

Ja̧'hua̧ta̧nö̧ ttörö suronä jȩtto̧mȩnä̧, Tu̧ru̧hua̧ ppä̧dä̧cua̧ ttörö. Ttörö tta̧huä̧rä̧cua̧ mo̧ro̧jä̧ra̧'a̧ chi̧'cho̧mȩ jubö päi'önä. ¡'Cuäopönä Tu̧ru̧hua̧rö̧ ttesehuäcua'a̧nö̧! Amén.

2 Pedro 1:5

Ja̧'hua̧nö̧ ja̧'a̧ttö̧ cuesetätucuomenä, adiu jȩpö̧ cu̧ja̧cuä̧tu̧cua̧ja̧. Adiu jȩpö̧ kä̧nö̧, adiu cuä̧ju̧cuä̧tu̧cua̧ja̧, Diosrö rö̧ȩnä̧ cu̧huo̧juä̧tu̧cuä̧cua̧'a̧nö̧.

2 Pedro 2:20

Tu̧ru̧hua̧ Jesucristorö huo̧juä̧tö̧mä̧, suronä ttö̧ja̧cui̧nö̧ttö̧ rä'opächinätö. Ja̧'hua̧nö̧ ja̧'a̧ pä'äji ta'anö suronä jȩpö̧ ppa̧ttä̧chö̧ttö̧mä̧, äcuomenä ttö̧ja̧cui̧nö̧ttö̧'i̧nä̧ abonänö suronä ka̧cuä̧tö̧.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.