2 Corintios 9:15 - TÄ̧DO Ä̧CUÄ̧ I̧HUȨNȨ

¹⁵ Diosrö adiu tesehuäcuähuätucuaja. Iso päi'önä ja̧u̧mä̧ juiyo rö̧ȩnä̧ adihuä juäi iyö ujuturu.

Nuevo Testamento Uwotjüja

¹⁵ ¡Dio-rütä esewätüjä̧, adiwä juei jȩtü̧nä̧tä̧ pärowächokü iyina̧'a̧ttü̧!

2 Corintios 9:15 Referans Kwoze

2 Corintios 2:14

Diosrö tesehuäcuähuätucuaja. Ja̧u̧tä̧ Cristo Jesúsru teseta'attö, ȩpö̧ ujuturu o'ca juiyönä tujuruhua pä'ö. Ja̧'hua̧ta̧nö̧ koro juäi adiu ameu 'cö̧tta̧'a̧ jä̧'i̧nö̧'a̧nö̧, ä̧ju̧cuä̧tö̧ chutä i̧huȩnȩ, pa̧ja̧cu̧nä̧ jitähuomenä.

Efesios 5:20

Tu̧ru̧hua̧ Jesucristo i̧mi̧nä̧, o'ca juiyö amöcuädö, eseunu ucuocuätucui Tä'o Diosrö.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

Romanos 8:32

Dios chutä amönä I̧tti̧ pi̧jä̧ra̧'a̧ icha pä'ö pä̧huä̧ rö̧ji̧nä̧cu̧. Ja̧'hua̧nö̧mä̧ jarodocö pi̧nö̧ Dios. Hue'inö 'corupäi'a pä'ö, ujutu suronä jȩtö̧ imitähua pä'ö. I̧tti̧rö̧ ja̧'hua̧nö̧ huea'anä'inä, ¿ja̧u̧cu̧ yo̧mȩtȩnä̧ o'ca juiyönä mippoönä iyocö tä̧ji̧ ujuturu?

Santiago 1:17

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.

1 Corintios 15:57

Ja̧'hua̧nö̧ ja̧'a̧nä̧'i̧nä̧ Diosrö esehuätöjä. Ja̧u̧tä̧ ujuturu ppä'ädö Tu̧ru̧hua̧ Jesucristonä tujuruhua pä'ö suronä jȩä̧cuä̧huä̧ttö̧'i̧nä̧ abonänö.

Apocalipsis 4:9

Ja̧'hua̧ta̧nö̧ jahuätö isotö a̧'cua̧rä̧tö̧, ucuotönö, eseunu ttu̧cuo̧cuo̧mȩnä̧ dȩä̧cä̧nä̧ pö̧rö̧, 'cuäopönä kö̧rö̧, ancianos huotö veinticuatro jo̧mȩnä̧'i̧nä̧ ttihue'quiyunä kä̧mä̧dä̧tö̧ ä'ca jo̧mȩttö̧. Jahuätö'inä esehuätö ja̧u̧ru̧, 'cuäopönä kö̧rö̧. Jahuätömä ttöäre ppöttähuä i̧dȩä̧cä̧ ä'ca jo̧mȩ icuäu pä'ätö:

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

2 Corintios 9:11

Ja̧'hua̧nö̧ cuȩmä̧tu̧cuo̧mȩnä̧, ucutumä o'ca juiyönä adihuä juäi cu̧ju̧nä̧rä̧cuo̧tö̧jä̧, korotörö'inä repeähuä juiyönä cuiyätucua pä'ö. Ja̧'hua̧ta̧nö̧ ujuturu iyö huecuhuätucuomenä, korotö tö̧jä̧hua̧tö̧'i̧nä̧ topö ttesehuäcuotö Diosrö, ucuturu amöcuädö.

Romanos 5:15

Ja̧'hua̧nö̧ ja̧'a̧nä̧ Dios mippoönä iyömä, Adán suronä jȩi̧nö̧'a̧nö̧ jo̧cö̧. Iso päi'önä ya̧tȩtä̧ suronä jȩa̧'a̧ttö̧, recuätö ttö̧ja̧ hua'ö icuinätö. Ja̧'hua̧nö̧ ja̧'a̧nä̧ kä̧cuä̧huä̧ i'co Dios iyömä, ya̧tȩnä̧tä̧ Jesucristonä o'ca toi'önärö rö̧ȩnä̧ adihua pä'ö.

San Juan 1:16

Ujutumä o'ca toi'önä chutä adihuä juäi iyomettö ȩmi̧nä̧tö̧jä̧. Ja̧u̧ 'cuäopönä rö̧ȩnä̧ ppä'ädö ujuturu.

San Lucas 2:14

Tucuotätucua Dios Ju'toju Ru̧hua̧rö̧. Tta̧'cua̧ adiunä ttö̧ja̧cua̧ pätä̧u̧ pi̧jä̧nä̧ ka̧cuä̧tö̧mä̧, Dios öjö'cä̧u̧mä̧.

San Lucas 2:38

Ja̧u̧nu̧tä̧ Ana'inä ju̧huȩnȩtä̧ ki̧nä̧ju̧do. Ja̧'hua̧nö̧ ja̧'a̧ttö̧ Diosrö ucuocu cä'ädö, o'ca toi'önä Jerusalén ötahuiyä ttö̧ja̧rö̧, suronä jȩttö̧ jȩpö̧ i̧cuä̧cua̧rö̧ tta̧'ä̧rä̧'i̧jä̧tö̧rö̧, ucuocuinäjudo ji̧'qui̧cha̧hua̧ Jesúsru.

2 Corintios 9:14

Ja̧'hua̧ta̧nö̧ Diosrö ttucuocuäcuotö ucuturu repe'ö, Dios ucuturu rö̧ȩnä̧ adihuä juäi iyinö pä'ö amöcuädö.