2 Corintios 8:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ Titorö hue'inätöjä ä'canä cuiyätucua pä'ö ucuturu jiähuina'attö, juhua'a yabonö ucuturu ppäda pä'ö, Diosrö iyähuänä adiu jȩcu̧'ä̧tu̧cua̧ pä'ö.

Nuevo Testamento Uwotjüja

⁶ Tito ji̧na̧'a̧, pi̧yȩ ofrenda ppädäkuäwä ä̧kuo̧mȩnä̧ kkä̧mä̧dü̧ ka̧ka̧ti̧nü̧mä̧. Ja̧'wa̧nü̧ ja̧'a̧ttü̧, jua̧u̧ru̧ jä'epinä̧tü̧jä̧ yaboku adita pä'ü jua̧u̧ eseäkuäwämä̧.

2 Corintios 8:6 Referans Kwoze

2 Corintios 12:18

Titorö ucuocuinösä ucuturu do'ächö i̧'cha̧ pä'ö. Ja̧'hua̧ta̧nö̧ ja̧u̧cu̧ ka̧ra̧ tö̧jä̧hua̧rö̧ hue'inösä. Titomä, ¿ucuturu yapareu ji'ähuinö tä̧ji̧? Titocu, ttöcu yoräteunä ji̧nä̧ ji̧yȩtȩ espíritunä, ¿cue'ächocotöjä tä̧ji̧?

2 Corintios 8:19

Ja̧'hua̧ta̧nö̧ pottö, iglesias ruhuä ja̧u̧ru̧ o'ipö hue'inätödo ujuturu ppä'ädö cueächa pä'ö pi̧yȩ eseunu iyähuä ȩpö̧, Tu̧ru̧hua̧rö̧ ttucuota pä'ö. Ja̧'hua̧ta̧nö̧ ucutu eseunu cuiyätucua'a totta pä'ö ppä'ädätöjä.

2 Corintios 8:4

Jahuätö korotö tö̧jä̧hua̧tö̧rö̧ ppättäda pä'inätödo. Ja̧'hua̧nö̧ ja̧'a̧ttö̧ ujuturu jä'epinätödo ja̧'hua̧nö̧ ttiya pä'ö.

1 Pedro 4:10

Dios ucuturu iyö ppädinö ta'anö, korotörö ppä'ädö ka̧cuä̧tu̧cui̧. Koro juäi tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, tta̧'ä̧rä̧tu̧cui̧ Dios adihuä juäi iyömä.

Filipenses 4:18

Jitämä o'ca juiyönä ȩmi̧nö̧sä̧. Ja̧'hua̧nö̧ ja̧'a̧ttö̧ rö̧ȩnä̧ ku̧nä̧rö̧sä̧. Epafroditocu röjinä huecuhuinätucu iso päi'önä pärocuä rö̧ȩnä̧ ku̧nä̧rö̧sä̧. Ja̧u̧ huecuhuinätucua'a, ofrenda amehuoyattö ameu'a̧nö̧ ji̧na̧'a̧ ttörö. Ja̧'hua̧ta̧nö̧ sacrificio jȩpö̧ Dios eseunu amöcuädö'a̧nö̧ ji̧na̧'a̧.

2 Corintios 9:5

Ja̧'hua̧nö̧ amöcuädö, pitö tö̧jä̧hua̧tö̧rö̧ hueda pä'äjisä ucuturu. Pitö ucuturu ä'canä do'ächö 'chä̧nö̧, ppättädäcuotö ucutu cuiyätucua päcuhuinätucu, adiu jo̧mȩnä̧ cuiyätucua pä'ö. Ja̧'hua̧nö̧ jȩpö̧, ucutu cuiyätucumä jo̧mȩnä̧ päi'äcua'a, korotö topö pättäcuotö: “Iso päi'önä jitötä amöcuädö eseunu iyätö,” ujutu huetoca'anä.

Hechos 24:17

“Jitämä recuo a̧'ȩ kara'a cue'ächö i̧huä̧ji̧'ca̧, pärätä chi'cächäjimä chiya pä'ö, chahuaruhuä jui'ätörö, ja̧'hua̧ta̧nö̧ ofrendas'inä chiya pä'ö pä'äji ta'anö Jerusalén ötahuiyära̧'a̧ ppa̧'ä̧chä̧ji̧sä̧.

Romanos 15:25

Ja̧'hua̧nö̧ ja̧'a̧nä̧ jitämä Jerusalén ötahuiyära̧'a̧ ofrenda ȩpö̧ 'chö̧sä̧ tö̧jä̧hua̧tö̧rö̧, juhua'a ka̧cuä̧tö̧rö̧.

2 Corintios 2:13

Ja̧'hua̧nö̧ ja̧'a̧nä̧ yoröiso adiunä jo̧ca̧'a̧ ji̧na̧'a̧ chami iso'quinä, tö̧jä̧hua̧ Tito toepa'attö. Ja̧'hua̧nö̧ ja̧'a̧ttö̧ jahuätöttö rä'opächö, Macedonia rȩjȩra̧'a̧ 'chi̧nö̧sä̧.

2 Corintios 8:10

Ttötä chamöcuädö'inä ji'äusä ucuturu ppädäda pä'ö. Ucutu ni̧po̧ a̧'ȩnä̧ pä'ötä iyö jȩpi̧nä̧tö̧jä̧. Ja̧'a̧tä̧ jȩpo̧co̧tö̧ pi̧nä̧tö̧jä̧. Iso päi'önä eseunu iyö jȩpi̧nä̧tö̧jä̧.

2 Corintios 8:23

Korotö Titorö jättepöttömä, ja̧u̧mä̧ Pablo u̧mö̧huä̧ya̧ päi'önä aditödo, ujuturu ppä'ädö pä'ö cuädätätucuaja. Ja̧'hua̧ta̧nö̧ korotö tö̧jä̧hua̧tö̧rö̧'i̧nä̧ jättepöttömä, jahuätö Cristorö pä̧huä̧ rö̧jo̧mȩnä̧ ttadita pä'ö, iglesias ruhuättö hue'ähuotödo pä'ö cuädätucuaja.