2 Corintios 8:10 - TÄ̧DO Ä̧CUÄ̧ I̧HUȨNȨ

¹⁰ Ttötä chamöcuädö'inä ji'äusä ucuturu ppädäda pä'ö. Ucutu ni̧po̧ a̧'ȩnä̧ pä'ötä iyö jȩpi̧nä̧tö̧jä̧. Ja̧'a̧tä̧ jȩpo̧co̧tö̧ pi̧nä̧tö̧jä̧. Iso päi'önä eseunu iyö jȩpi̧nä̧tö̧jä̧.

Nuevo Testamento Uwotjüja

¹⁰ Ja̧'wa̧ta̧nü̧ pi̧yȩ tü'kü, ukuturu ro̧'ȩpü̧ pä'üsä; ni̧po̧ año-nä̧mä̧ ukutu ji̧na̧'a̧ ä̧kuo̧mȩnä̧ kkä̧mä̧dü̧ pi̧yȩ jȩpi̧nä̧tü̧mä̧ ja̧'wa̧nü̧ jȩpü̧mä̧ rü̧ȩnä̧ esewinä̧tü̧jä̧.

2 Corintios 8:10 Referans Kwoze

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

2 Corintios 9:2

Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

1 Corintios 7:40

Juhuorö'inä kirecuo hua'ö icuomenä, ka̧ra̧rö̧ kö̧jö̧ juiyöttömä, rö̧ȩnä̧ kesehuäcuaju. Ttö ja̧'hua̧nö̧ amöcuädösä. Ja̧'hua̧ta̧nö̧ ttö'inä Espíritu Santorö ku̧nä̧rö̧sä̧.

1 Corintios 7:25

Ttirecua to'ätörö Tu̧ru̧hua̧ttö̧ hueähuä huȩnȩ jui̧'a̧sä̧. Ja̧'hua̧nö̧ ja̧'a̧nä̧ Diosrö pä̧huä̧ rö̧jo̧mȩnä̧ huȩ'ä̧hua̧ cha'attö, ttötä chamöcuädö ji'äusä.

Filipenses 4:17

Ja̧'hua̧nö̧ pädomenä, pä'äji ta'anö huecuhuätucua pä'ö amöcuädocösä. Iso päi'önä huecuhuätucuomenä, Diosrö eseusä, Dios ä'ca jo̧mȩttö̧ adihuä juäi jȩpä̧tö̧jä̧ pä'ö.

2 Corintios 8:8

Ttö pi̧yȩmä̧ hueähuä huȩnȩ päi'önämä ji'ähuocösä. Korotö ttiyö ta'anö cu̧huo̧juä̧tu̧cua̧ pä'ötä pä'ösä. Ucutu'inä iso päi'önä repecuhuätucua'a tocha pä'ösä.

1 Corintios 16:2

'Cuäopönä o'ca juiyönä semana äcuomenä mo̧ro̧ ja̧'a̧nä̧, cu̧ju̧nä̧rä̧tu̧cu̧ttu̧ iyätucui hua'adö ttu̧ju̧na̧ pä'ö. Ja̧'hua̧nö̧ ä'canä hua'adö cu̧ju̧nä̧tu̧cua̧'a̧ttö̧, ttö chichomenä cuahuaruhuärö jä'epocotöjä.

2 Corintios 12:1

Ttötä chamönä chucuocuäcuähuomenä, yoröiso micuähuoca'a. Tu̧ru̧hua̧ ttörö 'cuo̧ti̧nä̧ u̧huo̧juȩti̧nö̧ huȩnȩ jidähuomenä, ja̧u̧tä̧ adiu micuähua'a.

San Juan 11:50

Ucutu amöcuädocotöjä. Ya̧tȩtä̧ o'ca toi'önärö ppäda pä'ö 'corupäi'omenä, o'ca toi'önärö be'epö tticuomettö'inä abonänö adihua'a ujuturu.

San Mateo 10:42

Ja̧'hua̧ta̧nö̧ pä'ösä, ya̧tȩ, ttöcu cue'ächörö ajiya ji̧'qui̧cha̧nö̧tä̧ eseunu iyöttömä, ja̧u̧'i̧nä̧ adihuä juäi ȩmä̧cua̧, —pä'inödo Jesús.

1 Corintios 10:23

Iso päi'önä pättö huȩnȩ päa'a: “Ya̧tȩ chutä amöcuädö jȩö̧'a̧nö̧ ja̧'a̧.” Juhuorö'inä o'ca juiyönä jȩö̧ttö̧mä̧ adihuoca'a. Ya̧tȩ o'ca juiyönä chutä amöcuädö jȩö̧'a̧nö̧ ja̧'a̧to. Ja̧'hua̧nö̧ jȩo̧mȩnä̧, o'ca juiyönä ppädoca'ato.

1 Corintios 6:12

Iso päi'önä pättö huȩnȩ päa'a: “Ttömä o'ca juiyönä chamöcuädömä jȩchö̧'a̧nö̧ ja̧'a̧.” Juhuorö'inä o'ca juiyönä jȩchö̧ttö̧mä̧ adihuoca'a. Ja̧'hua̧ta̧nö̧ o'ca juiyönä chamöcuädömä jȩcha̧'a̧nä̧, chutä ttö chamöcuädömä, ttörö huea pä'ö jȩpo̧cö̧sä̧.

San Juan 18:14

Ja̧u̧tä̧ Caifás pä'äji ji'ähuinödo judíos ttö̧ja̧rö̧: “Ya̧tȩtä̧ o'ca toi'önärö 'corupäi'öttömä, adihua'ado,” pä'inödo.

San Juan 16:7

Iso päi'önä pä'ösä ucuturu, ttö chi̧'chä̧cua̧'a̧ adihuäcua'a ucuturu. Ttö chi̧'chö̧ juiyöttömä, ucuturu Ppädäcuähuä I̧sa̧ ichocö jä̧cua̧. Ja̧'hua̧nö̧ ja̧'a̧nä̧ chi̧'chö̧ttö̧mä̧, ja̧u̧ru̧ huȩdä̧cua̧sä̧ ucutucu ö̧ja̧ pä'ö.

2 Corintios 8:6

Ja̧'hua̧nö̧ ja̧'a̧ttö̧ Titorö hue'inätöjä ä'canä cuiyätucua pä'ö ucuturu jiähuina'attö, juhua'a yabonö ucuturu ppäda pä'ö, Diosrö iyähuänä adiu jȩcu̧'ä̧tu̧cua̧ pä'ö.