2 Corintios 7:14 - TÄ̧DO Ä̧CUÄ̧ I̧HUȨNȨ

¹⁴ Ucuturu eseunu amöcuädösä pä'ö jidähuomenä Titorö, iso päi'önä adiu ji'ähuinösä. Ucuturu o'ca juiyönä jitähuinömä, iso päi'önä huȩnȩ ji̧nö̧ ji'ähuinätöjä. Ja̧'hua̧ta̧nö̧ ucuturu tesehua'a Titorö jitähuomenä, iso päi'önätä ji'ähuinätöjä.

Nuevo Testamento Uwotjüja

¹⁴ Täkü, Tito-rümä̧, ukuturu chesewa'amä̧ jidäwinü̧ o'ka'a ji̧na̧'a̧. Pärokua'aku Tito-rü jitäwinü̧'i̧nä̧, ukuturu jitäwinü̧'i̧nä̧ isopäi'ünä̧tä̧ ji̧na̧'a̧.

2 Corintios 7:14 Referans Kwoze

2 Tesalonicenses 1:4

Ja̧'hua̧nö̧ jȩcu̧'ä̧tu̧cua̧'a̧ totomenä, korome iglesia ruhuärö eseunu ji'ähuätöjä ucuturu. Ucuturu suronä jȩpö̧ ubara ttucuhuätucuomenä, cuami 'qui'ächi'ö cu̧ja̧cuä̧tu̧cu̧'i̧nä̧, Diosrö cuesetätucu'inä ji'ähuätöjä.

2 Corintios 8:24

Ja̧'hua̧nö̧ ja̧'a̧ttö̧ iglesias ru̧huä̧ ttu̧huo̧jua̧ pä'ö iso päi'önä jahuätörö repecuhuätucua'a, adiu jȩpä̧tu̧cui̧tö̧. Ujutu'inä adiunä tesehuäcua'a̧nö̧ ucuturu, adiu jȩpä̧tu̧cui̧ jahuätörö.

2 Corintios 7:4

Juiyo eseunu amöcuädösä ucuturu. Rö̧ȩnä̧ ubara ttutomenä'inä, adiunä eseunu chami 'qui'ächi'ö kö̧sä̧.

2 Corintios 10:8

Ja̧'hua̧ta̧nö̧ Cristo ujuturu hueinö huȩnȩ rö̧ȩnä̧ chucuocuttumä, yoröiso dä'äcuocösä. Tu̧ru̧hua̧ ja̧'hua̧nö̧ hue'inö ujuturu, ppätäda pä'ö ucuturu, juhua'a yabonö rö̧ä̧chö̧nä̧ cuesetätucua pä'ö be'epäjipö ticua pä'ömäcö̧.

2 Corintios 7:6

Ja̧'hua̧nö̧ ja̧'a̧nä̧ Dios, rö̧ȩnä̧ tta̧'cua̧ tta̧'ȩcuä̧tö̧rö̧ ppä'ädömä, ujuturu'inä ppä'ädinö Tito i̧rȩbȩhuo̧mȩnä̧.

San Juan 17:19

Ja̧'hua̧ta̧nö̧ jahuätörö amöcuädö, ttötä chamönä ucuru iyäusä huecuhuinö jȩcha̧ pä'ö, jahuätö'inä iso päi'önä huȩnȩ jȩpö̧, ucuru ttamönä iyäu ucu huecuhuinö jȩtta̧ pä'ö.

2 Corintios 2:13

Ja̧'hua̧nö̧ ja̧'a̧nä̧ yoröiso adiunä jo̧ca̧'a̧ ji̧na̧'a̧ chami iso'quinä, tö̧jä̧hua̧ Tito toepa'attö. Ja̧'hua̧nö̧ ja̧'a̧ttö̧ jahuätöttö rä'opächö, Macedonia rȩjȩra̧'a̧ 'chi̧nö̧sä̧.

2 Corintios 7:13

Ja̧'hua̧nö̧ ja̧'a̧ttö̧ iso päi'önä esehuätöjä jitämä. Ja̧'hua̧ta̧nö̧ ja̧'hua̧nö̧ topö tesehuomenä, ji̧nä̧ isocu rö̧ȩnä̧ esehuätöjä Titorö topö. Ja̧u̧mä̧ rö̧ȩnä̧ eseunu kö̧ jitämä. Ucutu ja̧'hua̧nö̧ adiunä ö̧ja̧ pä'ö ppä'ädinätöjä.

2 Corintios 12:6

Juhuorö'inä ttötä chamönä chucuocuäcuähua pädöttömä, suripächö ttucuocu'a̧nö̧ ucuocuocö pajisä. Iso päi'önä huȩnȩtä̧ ji'ähuajisä. Ja̧'hua̧ta̧nö̧ ja̧'a̧nä̧ ttötä ucuocuäcuähuocösä, korotö ja̧'hua̧nö̧ chucuocuomenä ä̧ju̧cu̧, i̧mi̧cu̧nä̧ ttamöcuäda pä'ö. Ttörö tottomenä'inä, chi̧huȩnȩ ttä̧ju̧cuo̧mȩnä̧'i̧nä̧ ttamöcuädattö pä'ösä.

Filipenses 1:26

Ja̧'hua̧ ja̧'a̧ttö̧ cu̧ja̧cuä̧tu̧cuo̧mȩ ppa̧dä̧cho̧mȩnä̧, Cristo Jesúsnä cuesehuätucuaja ttörö.