2 Corintios 6:4 - TÄ̧DO Ä̧CUÄ̧ I̧HUȨNȨ

⁴ Pärocua'acu ujutu Dios umöhuäyotö ta'a totta pä'ö ka̧cuä̧tö̧jä̧. Ja̧'hua̧ta̧nö̧ ubara ttutinö topö ttu̧huo̧juä̧cuo̧tö̧. Ja̧'hua̧ta̧nö̧ koronö jui'ö'inä, koro surojö rö̧ȩnä̧ 'cuäopa'anä, tami 'qui'ächi'ö ka̧cuä̧tö̧jä̧.

Nuevo Testamento Uwotjüja

⁴ Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

2 Corintios 6:4 Referans Kwoze

2 Corintios 12:10

Ja̧'hua̧nö̧ ja̧'a̧ttö̧ Cristorö esetö kä̧nö̧, o'ca juiyönä ubara ttudinömä eseusä. Ja̧'hua̧ta̧nö̧ chijuiyuhua'anä'inä, ttörö suronä ttucuocuinö'inä, koro juiyönä chö̧ji̧nö̧'i̧nä̧, ttörö suronä jȩtti̧nö̧'i̧nä̧, ttörö suronä 'cuäopinö'inä amöcuädö eseusä. Iso päi'önä rö̧ȩnä̧ chijuiyuhuomenä, ji̧nä̧ isocu ju̧ru̧hua̧sä̧ cha̧'cua̧ru̧hua̧nä̧.

2 Corintios 4:8

Ja̧'hua̧nö̧ ja̧'a̧nä̧ 'cuäopönä suronä 'cuätopa'anä, tami 'qui'ächi'ätöjä. Ja̧'hua̧ta̧nö̧ koro amöcuädäcuähuä rö̧ȩnä̧ ka̧'a̧nä̧, koromä amöcuädocotöjä.

2 Corintios 11:27

Ja̧'hua̧ta̧nö̧ rö̧ȩnä̧ chaditomenä, rö̧ȩnä̧ surojö 'cuäopinäcusä. Koronö'inä yoröiso chä'oca'a ki̧nö̧sä̧. Koronö'inä ppäi ttu'u ki̧nö̧sä̧. Ja̧'hua̧ta̧nö̧ a̧di̧ rö̧ji̧nä̧cu̧sä̧ koronö. Ja̧'hua̧ta̧nö̧ chu̧cuȩ chucuoca'a rö̧o̧ mo̧ro̧ ki̧nö̧sä̧. Ja̧'hua̧ta̧nö̧ diyo ttu'inösä. Koronö'inä chö̧'ca̧tä̧huä̧ti̧yu̧ juiyönä ki̧nö̧sä̧.

2 Corintios 12:12

Ucutucu kä̧nö̧, chami 'qui'ächi'ö chaditomenä, iso päi'önä adihuä Jesús huȩ'ä̧hua̧ cha'a topinätöjä. Koro juäi tottocö ttö̧ja̧ ttieru juäi rö̧ȩnä̧ 'cuäopa'a topinätöjä.

2 Corintios 3:6

Ja̧u̧mä̧ jareö huȩnȩ iyö, ujuturu ppä'ädö ja̧u̧ huȩnȩ päö'a̧nö̧ jȩta̧ pä'ö. Ja̧u̧ jareö huȩnȩmä̧ huȩyu̧cuo̧ca̧'a̧do. Ja̧u̧mä̧ Espíritu Santottö ȩmä̧huä̧ ja̧'a̧do. Pi̧jä̧ hueähuä huȩnȩ ttö̧ja̧rö̧ cuä'ö icuähuä huȩnȩ. Ja̧'hua̧nö̧ ja̧'a̧nä̧'i̧nä̧ ja̧u̧ Espíritu Santo kä̧cuä̧huä̧ iyö.

1 Corintios 3:5

Iso päi'önä, ¿dijä̧ttö̧ Pablomä? ¿Dijä̧ttö̧ Apolosmä? Ujutumä Dios i̧huȩnȩ ji'ähuätöjä. Ujutu jitähuomenä, ucutu Cu̧ru̧hua̧tu̧cu̧ru̧ esetinätöjä. Ja̧'hua̧ta̧nö̧ ujutu, ka̧ra̧'i̧nä̧, ka̧ra̧'i̧nä̧, Tu̧ru̧hua̧ hueötä jȩpi̧nä̧tö̧jä̧.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

1 Corintios 4:1

Iso päi'önä jahuätömä Dios i̧huȩnȩ, ttö̧ja̧ ttieru huȩnȩ, jittähua pä'ö Cristo hue'ähuotödo pä'ö cuamöcuädätucuaja ujuturu.

Hebreos 12:1

Ja̧'hua̧nö̧ ja̧'a̧ttö̧ ujutu tä̧do̧tö̧ mi̧nä̧, recuätö ja̧'hua̧nö̧ rö̧ȩnä̧ ttesetina'a amöcuädö, o'ca juiyönä ta̧mö̧cuä̧rö̧'i̧nä̧, suronä jȩtö̧ ujuturu 'chu̧huä̧rö̧'i̧nä̧, pporädö icu, tami 'qui'ächi'ö kä̧nö̧, juhua'a yabonö adiu jotätucuaja.

2 Timoteo 4:5

Ja̧'hua̧nö̧ ja̧'a̧nä̧ ucutä cua̧'cua̧ pö̧nö̧ kä̧hui̧. Cuami 'qui'ächi'ö ubara ttu'i. 'Cuäopönä ttö̧ja̧ suronä jȩttö̧ jȩpö̧ icu huȩnȩ ji'ähui. Ucu cuaditähuä adiu jȩpi̧.

2 Timoteo 2:24

Tu̧ru̧hua̧cu̧ adiu aditömä, ahuaruhuärö ra̧huä̧ro̧cö̧. Pärocua'acu o'ca toi'önärö adiu jȩpö̧. Korotörö adiu huo̧juȩtö̧. Korotörö ami 'qui'ächi'ö kö̧.

2 Timoteo 1:8

Tu̧ru̧hua̧ i̧huȩnȩ korotörö ucuocu cudäpecuä'. Ttö Chu̧ru̧hua̧rö̧ cheseta'attö, cärenä pö̧rö̧'i̧nä̧ cudäpecuä'. Dios ujurunä, ttö̧ja̧ suronä jȩttö̧ jȩpö̧ icu huȩnȩ esetö, ucu'inä ubara ttu'i.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.

1 Timoteo 2:15

Ja̧'hua̧nö̧ ja̧'a̧nä̧ nä̧tö̧ adiu esetö, ttahuaruhuärö repe'ö, adiu jȩpö̧ ttamöcuädomenä, tti̧tti̧mö̧rö̧ ttuhuäbecuomenä, Dios suronä jȩttö̧ jȩpö̧ i̧cuä̧cua̧ jahuätörö.

1 Tesalonicenses 5:14

Tö̧jä̧hua̧tö̧, ja̧'hua̧ta̧nö̧ pä'ätöjä ucuturu. Ötähuätörö adiu ucuocu ji'ähuätucui. Ye'ecuätörö ppä'ädätucui. Juiyupätörö'inä ppä'ädätucui. O'ca toi'önärö cuami 'qui'ächi'ö ka̧cuä̧tu̧cui̧.

1 Tesalonicenses 3:7

Ja̧'hua̧nö̧ ja̧'a̧ttö̧ tö̧jä̧hua̧tö̧, ujuturu rö̧ȩnä̧ suronä 'cuäopa'anä, Diosrö adiu cuesetätucua'a ä̧ju̧cu̧, rö̧ȩnä̧ esehuätöjä.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

Colosenses 1:11

Ucutu cujuruhuätucua pä'ätöjä chutä adihuä ujurunä, o'ca juiyönä eseunu tta̧'ä̧rö̧ cuami 'qui'ächi'ö cu̧ja̧cuä̧tu̧cuä̧cua̧'a̧nö̧.

2 Corintios 11:23

Jahuätömä, ¿Cristo umöhuäyotö tä̧ji̧? Ttö'inä jahuätöttö'inä abonänö Cristo u̧mö̧huä̧ya̧sä̧. Juhuorö'inä ja̧'hua̧nö̧ ucuocu, suripächätö ttucuocu'a̧nö̧ ucuocusä. Jahuätöttö'inä abonänö rö̧ȩnä̧ aditinösä. Ja̧'hua̧ta̧nö̧ jahuätöttö'inä abonänö rö̧ȩnä̧ cuäcuättinäcusä. Ja̧'hua̧ta̧nö̧ jahuätöttö'inä abonänö rö̧ȩnä̧ cärenä pi̧nö̧sä̧. Ja̧'hua̧ta̧nö̧ cuedächomenä, rö̧o̧ mo̧ro̧ cuä'ö tticua pä'inätö ttörö.

2 Corintios 11:9

Ja̧'hua̧ta̧nö̧ ucutucu kä̧nö̧, koronö koro juäi juidomenä, jä'epocö pi̧nö̧sä̧ ucuturu. Korotö tö̧jä̧hua̧tö̧ Macedonia rȩjȩra̧'a̧ttö̧ ichö, ttörö iyinätö juidomenä. Ja̧'hua̧nö̧ jȩpö̧, ucuturu yoröiso jä'epocö pi̧nö̧sä̧. Ja̧'hua̧ta̧nö̧ yodoji'inä jȩchi̧nö̧ ta'anö jȩchä̧cua̧sä̧.

2 Corintios 7:11

Ucutumä Diosrö pä̧huä̧ rö̧jo̧mȩnä̧, cuami 'qui'ächi'inätöjä ja̧u̧nu̧mä̧. Jitä 'cuäopäjimä topätucui. Jitämä cua̧'cua̧ pö̧nö̧ jö̧ ji'ähuinätöjä 'cuäopinö huȩnȩ. Ja̧'hua̧ta̧nö̧ ja̧'hua̧nö̧ 'cuäopa'anä ra̧huä̧rö̧nä̧nö̧'i̧nä̧, ye'ecunänö'inä amöcuädinätöjä. Ttörö'inä tocu'ätucua pä'inätöjä. Ja̧'hua̧ta̧nö̧ suronä jȩpi̧nö̧rö̧ ro̧cu̧huȩpä̧tu̧cua̧ pä'ö amöcuädinätöjä. Ja̧'hua̧ta̧nö̧ ja̧'hua̧nö̧ 'cuäopa'anä, ucutu suronä jȩcu̧'ä̧tu̧cuo̧ca̧'a̧ ji̧na̧'a̧ topö huo̧juä̧tö̧ ucuturu.

2 Corintios 4:17

Pi̧jä̧nä̧ kä̧nö̧ ubara ttutomenä, recuomä barahuocö. O'ca päi'önätä 'cuäopa'ado. Ja̧'hua̧nö̧ ja̧'a̧nä̧ jitä ja̧'hua̧nö̧ ubara ttu'u, ji̧nä̧ isocu rö̧ä̧chö̧nä̧ 'cuäopönä tesehuäcuotöjä.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

1 Corintios 9:11

Ja̧'hua̧nö̧ ja̧'a̧ttö̧ iso päi'önä ujutumä ucuturu adihuä huȩnȩ ji'äu tu̧ju̧ni̧na̧'a̧ttö̧, ujuturu ppäcuhuädätucua pä'ö koro juäi iyö ¿suroja'a tä̧ji̧ ucuturu?

Romanos 16:10

Te'ähuätucui Apelesrö, Cristo ka̧cuä̧mö̧ toinäcuru. Ja̧'hua̧ta̧nö̧ Aristóbulo ahuaruhuärö'inä te'ähuätucui.

Romanos 14:18

Ja̧'hua̧nö̧ ja̧'a̧ttö̧ Cristo korotörö amöcuädö jȩi̧nö̧'a̧nö̧ jȩpä̧tö̧mä̧, Dios öjö'cö jȩpä̧tö̧. Ttö̧ja̧rö̧'i̧nä̧ adiunä jȩpä̧tö̧.

Romanos 5:8

Ja̧'hua̧nö̧ ja̧'a̧nä̧ ujutu suronä jȩpö̧ tö̧ja̧cuo̧mȩnä̧, Cristo ujutu suronä jȩtö̧ mitäu 'corupäi'ina'attö, Dios ujuturu repeömä i̧jȩpö̧.

Hechos 20:34

Ucutu huo̧juä̧tö̧jä̧ ttötä chamönä chu̧mö̧nä̧ aditinösä, ttörö'inä, ttöcu cue'ächätörö'inä recuä rö̧jö̧mä̧ chȩma̧ pä'ö.

Hechos 9:16

Ja̧u̧ru̧ chi̧jȩpä̧cua̧sä̧ rö̧ȩnä̧ surojö ja̧u̧ru̧ 'cuäopä̧cuȩmä̧ chi̧huȩnȩ jiähuomenä.

Hechos 2:22

“Chahuaruhuä Israel ttö̧ja̧, jidäumä ä̧ju̧cuä̧tu̧cui̧. Jesús Nazaret i̧sa̧ Dios huȩ'ä̧hua̧ pi̧nö̧. Ja̧'hua̧ ja̧'a̧ Dios Jesúsru ujuru iyinö ucutu cu̧'quȩtȩtu̧cu̧ ttö̧ja̧ ttieru juäi jȩa̧ pä'ö. Ucutu täcö huo̧juä̧tö̧jä̧ ja̧u̧ jȩi̧nö̧mä̧.

San Lucas 21:19

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

Romanos 3:5

Ja̧'hua̧nö̧ ja̧'a̧nä̧ korotö ujutu suronä jȩtö̧ tottomenä, “Diosmä adiu jȩpö̧” pättöttömä, ¿tta̧'a̧nö̧ tamöcuädäcua'ajä̧ttö̧ ujutumä? Dios ujuturu ro̧ȩpo̧mȩnä̧, ¿suronä jȩpö̧ tä̧ji̧? Ja̧'hua̧nö̧ pädomenä, pi̧jä̧ ttö̧ja̧ ttucuocu'a̧nö̧ ucuocusä.