2 Corintios 6:3 - TÄ̧DO Ä̧CUÄ̧ I̧HUȨNȨ

³ Korotömä ujutu taditomenä, suronä ttucuocua pä'ö, yoröiso koro koronö jȩpo̧co̧tö̧jä̧.

Nuevo Testamento Uwotjüja

³ Ya̧tȩ'i̧nä̧ suronä̧ ukuokua pä'okotüjä̧ ujutu taditäwämä̧ ja̧'wa̧nü̧ ji̧yä̧u̧ adiutä aditätüjä̧ suronä̧ ti̧jȩpü̧ juiya pä'ü.

2 Corintios 6:3 Referans Kwoze

Romanos 14:13

Ja̧'hua̧nö̧ ja̧'a̧ttö̧ täcö juhua'a yabo korotörö jarode'ö tucuocu juiyö'a̧nö̧ ja̧'a̧. Amöcuädätucui. Yoröiso suronä jȩcu̧'ä̧tu̧cuä̧' Cristonä cu̧jä̧hua̧tö̧ ucu jȩcu̧'u̧ topö suronä jȩtta̧'a̧cu̧. Ja̧'hua̧ta̧nö̧ suronä jȩcu̧'ä̧tu̧cuä̧' cu̧jä̧hua̧tö̧ surojönä ma̧ttä̧ma̧'a̧cu̧.

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

San Mateo 17:27

Ja̧'hua̧nö̧ ja̧'a̧nä̧, korotö suronä ttucuocu juiya pä'ö, duborara̧'a̧ po̧i̧rö̧ 'chocuhua täi. Äcuomenä 'chocuhuäcuru 'cho'ö icui. Ja̧u̧ po̧i̧ i̧sa̧ änä pärätä̧bi̧ cu̧'o̧cui̧'ä̧cua̧jä̧. Ja̧u̧ pärätä ȩmi̧pö̧, ruhuotörö cuimita täi, ttö chimippotö'inä, ucu cuimippotö'inä, —pä'inödo Jesús.

1 Corintios 9:22

Ja̧'hua̧ta̧nö̧ korotö ji̧'qui̧cha̧nö̧ tteseta'attö juiyupätöcu cuedächomenä, ya̧tȩ jui̧yu̧pa̧ ö̧ja̧'a̧ jä̧'i̧nö̧'a̧nö̧ ki̧nö̧sä̧, jahuätö'inä adiu ttesetäcua'a̧nö̧ Diosrö. Ja̧'hua̧nö̧ pä'ösä ttömä o'ca toi'önäcu kä̧nö̧, jahuätö ttö̧jö̧'a̧nö̧ ki̧nö̧sä̧, yotöte Diosrö ttesetäcua'a̧nö̧.

2 Corintios 8:20

Ja̧'hua̧nö̧ jȩpä̧tö̧jä̧ korotömä ucuturu ppätäda'a tottomenä, suronä ttucuocu juiya pä'ö, cuiyätucu topö.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

San Mateo 18:6

“Ya̧tȩ ubo pa̧'a̧nö̧ ji̧'qui̧cha̧hua̧ ta'anö huotörö ttörö esetätö suronä jȩtta̧ pä'ö huȩ'ä̧rö̧, ja̧u̧ru̧ u̧ru̧pä̧'quȩnä̧ ido'qui ti̧'ä̧dö̧ aje täcuome päte'ö kä'ö tticu'a̧nö̧ hua̧.

Hechos 19:27

Ja̧u̧ huȩnȩ ra̧huȩpi̧jö̧ huȩnȩ ja̧'a̧. Ujutu taditähuä suronä jȩä̧cuä̧huä̧ pättäcuotö. Ja̧'hua̧ta̧nö̧ diosa Dianarö ucuocuäcuähuode'inä jeruseu jȩä̧cuä̧huä̧ juoächäcua'a. Dianarö'inä ucuotocotö ttäcuotö. O'ca toi'önä Asia rȩjȩ ttö̧ja̧'i̧nä̧, o'ca toi'önä pi̧jä̧nä̧ ka̧cuä̧tö̧'i̧nä̧ Dianarö ucuotätö, —pä'inödo Demetrio.