2 Corintios 6:14 - TÄ̧DO Ä̧CUÄ̧ I̧HUȨNȨ

¹⁴ Korotö Diosrö esetocotöcu cuahuaruhuä päi'önä, aditö cu̧jä̧tu̧cuä̧'. Ja̧'hua̧nö̧ jahuätöcu yoröiso yoräteunä jȩä̧cuä̧huo̧cö̧. Iso päi'önä, adiu jȩä̧cuä̧huä̧cu̧, suronä jȩä̧cuä̧huä̧cu̧ ¿yorätehua'a tä̧ji̧? Ja̧'hua̧ta̧nö̧ adiu tȩa̧u̧mä̧, ¿yo̧ö̧cu̧ huihuacu tä̧ji̧?

Nuevo Testamento Uwotjüja

¹⁴ Jesucrito-rü esetokotü jȩttü̧nä̧mä̧ ppäkuächä̧rä̧tu̧kuä̧, ji̧yȩtȩnä̧'i̧nä̧. Adiwä jueimä̧, surojükumä̧ i̧mi̧ku̧ jäwä ja̧'a̧. Ja̧'wa̧ta̧nü̧ yo̧ü̧'i̧nä̧, tȩya̧u̧ku̧mä̧ ji̧nä̧ ji̧yȩtȩmä̧ jo̧ka̧'a̧.

2 Corintios 6:14 Referans Kwoze

1 Corintios 15:33

Ja̧'hua̧nö̧mä̧ yapareu cuesetätucuä'. “Suronä jȩpö̧ kä̧nö̧, adiu jȩä̧cuä̧huä̧ surojuo'epätö.”

1 Corintios 10:21

Iso päi'önä ucutumä yoräteunä au jȩpo̧co̧tö̧jä̧ Tu̧ru̧hua̧ttö̧'i̧nä̧, espíritus suropätöttö'inä. Ja̧'hua̧ta̧nö̧ Tu̧ru̧hua̧ öärettö'inä, espíritus suropätö ttöarettö'inä yoräteunä cuocotöjä.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

1 Corintios 5:9

Koro cuyärunä pä'äji chi̧huȩyu̧ti̧nö̧ ucuturu, huȩyu̧ti̧nö̧sä̧ ka̧ra̧ irecuarö usu jȩpö̧cu̧ cuecuhuächätucu juiyäcua'a̧nö̧.

Filipenses 2:15

Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.

San Juan 7:7

Pi̧jä̧ ttö̧ja̧ ucuturu ttaboiyotö päi'önä topocotö. Ttörötä yoröiso kö'cocotö, suronä jȩttö̧ jidähua'attö.

1 Corintios 7:39

Ja̧'hua̧ta̧nö̧ yajute kirecuorö ku̧nä̧rä̧ju̧mä̧, ja̧u̧ru̧tä̧, kirecuorötä, kö̧jä̧cua̧'a̧nö̧ hua'ö icuome jubö päi'önä. Ja̧'hua̧nö̧ ja̧'a̧nä̧ kirecuo hua'ö icuomenätä, ka̧ra̧rö̧ Diosrö esetörö kö̧ja̧ päjöttömä kö̧jä̧cua̧'a̧nö̧.

Hechos 4:23

Pedrorö, Juanrö ruhuotö rä'epö tticuäji o'ca'a, ttahuaruhuä ttö̧jo̧mȩ ppa̧'ä̧chö̧, jahuätörö ji'ähuinätödo o'ca juiyönä sacerdotes tturuhuotö'inä, judíos ttö̧ja̧ ancianos huotö'inä pättäjimä.

1 Corintios 6:6

Cu̧jä̧hua̧cu̧ rohuäu, ¿adihua'a tä̧ji̧ Diosrö esetocotörö huecuhuätucuomenä: “Ucu suronä jȩpö̧jä̧” pätta pä'ö?