2 Corintios 5:7 - TÄ̧DO Ä̧CUÄ̧ I̧HUȨNȨ

⁷ Ja̧'hua̧ta̧nö̧ ja̧u̧ru̧tä̧ esetö cue'ächätöjä. Tö'ärenä totönätä amöcuädötä cue'ächocotöjä.

Nuevo Testamento Uwotjüja

⁷ Jua'amä̧ ti'ärenä̧ topü ti̧'cho̧ka̧'a̧, tta̧'kua̧ wȩnä̧rä̧kuä̧wä̧nä̧tä̧ ti̧'cha̧'a̧ttü̧;

2 Corintios 5:7 Referans Kwoze

2 Corintios 4:18

Ja̧'hua̧ta̧nö̧ ujutumä totomenätä esetocotöjä. Ujutumä totoca'anä'inä esetätöjä. Iso päi'önä tö'ärenä totä'ijö recuomä ko̧cö̧. Juhuorö'inä koromä tö'ärenä totocö jä̧'i̧jö̧mä̧, iso päi'önä 'cuäopönä kä̧cua̧'a̧.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

Hebreos 10:38

Ja̧'hua̧nö̧ ja̧'a̧nä̧ adiu jȩpö̧ chȩmä̧cu̧mä̧, Diosrö esetö ö̧jä̧cua̧. Juhuorö'inä suronä jȩa̧ pä'ö ppa̧huä̧chö̧ttö̧mä̧, ja̧u̧ru̧ esehuocö chä̧cua̧sä̧, päa'a.

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

1 Pedro 5:9

Ja̧u̧ru̧ jarodi'ätucui. Adiu Jesucristorö esetätucui. Ucutu huo̧juä̧tö̧jä̧, iso päi'önä o'ca toi'önä tö̧jä̧hua̧tö̧ pi̧jä̧nä̧ pa̧ja̧cu̧nä̧ ka̧cuä̧tö̧, ujutu ubara ttutu ta'anö, ubara ttu'ätö jahuätö'inä.

1 Corintios 13:12

Ja̧'hua̧ta̧nö̧ ja̧'a̧nä̧, jitämä adiunämä huo̧juo̧co̧tö̧jä̧. Koro juäi ttö'ä toäcuähuodänä sȩppa̧nö̧tä̧ tottö'a̧nö̧, topätöjä jitämä. Koronötä o'ca juiyönä adiunätä totäcuotöjä. Jitämä ju'tometä chu̧huo̧jua̧'a̧nä̧, ja̧u̧nu̧ päi'omenä, o'ca juiyönä chu̧huo̧juä̧cua̧sä̧. Dios ttörö u̧huo̧ju̧'a̧nö̧, ttö'inä chu̧huo̧juä̧cua̧sä̧ o'ca juiyönä.

2 Corintios 1:24

Üjutu ji'äu hue'ocotöjä ucutu cuesetätucumä. Täcö cuami 'qui'ächi'ö esetätöjä. Ja̧'hua̧nö̧ ja̧'a̧ttö̧ juhua'a yabonö cuesehuätucua pä'ö, ppätäda pä'ätöjä.