2 Corintios 5:16 - TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧ttö̧ jitämä pi̧jä̧ ttö̧ja̧ ttamöcuädö ta'anö, korotörö amöcuädocotöjä. Pä'äjimä Cristorö amöcuädö, pi̧jä̧ ttö̧ja̧ ttamöcuädö ta'anö, amöcuädinätöjä ujutu'inä. Jitämä ja̧'hua̧nö̧mä̧ amöcuädocotöjä ja̧u̧ru̧.

Nuevo Testamento Uwotjüja

¹⁶ Ja̧'wa̧nü̧ ja̧'a̧ttü̧, porü yabokumä̧ ttü̧ja̧rü̧mä̧ ya̧tȩrü̧'i̧nä̧ pi̧jä̧ ttü̧ja̧ tta̧mü̧kuäda'akumä̧ amükuädokotüjä̧; ja̧'wa̧ta̧nü̧ Crito-rü'i̧nä̧ pi̧jä̧ ttü̧ja̧ ttu̧wo̧juö̧'a̧nü̧mä̧ wo̧juo̧ko̧tü̧jä̧.

2 Corintios 5:16 Referans Kwoze

Colosenses 3:11

Jitämä o'ca toi'önä yorätehuätöjä Dios ä'ca jo̧mȩttö̧. Yoröiso toa'a judíos ttö̧ja̧ i̧sa̧'i̧nä̧, judíos huocö'inä, circuncidado hua̧'i̧nä̧, circuncidado huocö'inä. Ja̧'hua̧ta̧nö̧ ru̧hua̧cu̧ aditö'inä, aditocö'inä, kara'a ka̧cuä̧tö̧'i̧nä̧, o'ca toi'önä yorätehuätöjä. Iso päi'önä o'ca juiyönä ka̧'a̧ Cristonä. Ja̧'hua̧ta̧nö̧ Cristo o'ca toi'önärö kö̧.

San Juan 6:63

Iso päi'önä Espíritu Santotä ta̧'cua̧rö̧ iyömä. Tidepämä yoröiso micuähuoca'a. Pi̧yȩ jidähuäjimä, iso päi'önä huȩnȩ ja̧'a̧. Ja̧'hua̧ta̧nö̧ jidähuäjimä kä̧cuä̧huä̧ i'co iyö.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

San Juan 15:14

Ucuturu o'ca juiyönä huedömä jȩcu̧'ä̧tu̧cu̧ttu̧mä̧, ttö chahuaruhuäjä.

San Juan 2:4

Ja̧'hua̧nö̧ ja̧'a̧nä̧ Jesús ädätinödo: —Isaju, ja̧'hua̧nö̧mä̧, ¿dä̧bö̧ päcuhuättö ttörö? Chaditähuä ji̧nä̧ jo̧mȩ päi'oca'a.

San Mateo 10:37

“Ya̧tȩ jä'orö'inä, ja̧ju̧ru̧'i̧nä̧, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧. Ja̧'hua̧ta̧nö̧ ya̧tȩ i̧tti̧rö̧'i̧nä̧, ittijuru'inä, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧.

2 Corintios 11:18

Iso päi'önä pi̧jä̧ jähuä jȩä̧cuä̧huä̧nä̧, recuätö ttö̧ja̧ eseunu ucuocuätö. Ttö'inä jahuätö ttucuocu'a̧nö̧ chu̧cuo̧cuä̧cua̧sä̧.

San Juan 8:15

Ücutumä pi̧jä̧ jähuä amöcuädö, ttö̧ja̧rö̧ pä'ätöjä. Ttö yoröiso pä'ocösä.

Filipenses 3:4

Juhuorö'inä ji̧nä̧ ttörö pä̧huä̧ rö̧jö̧ttö̧mä̧, chidepä jähuä cha̧'cua̧ chu̧huȩnä̧rö̧'a̧nö̧ ja̧'a̧. Korotömä ja̧u̧ juäi tta̧'cua̧ ttu̧huȩnä̧ra̧ pättöttömä, ttömä jahuätöttö'inä abonänö rö̧ȩnä̧ cha̧'cua̧ chu̧huȩnä̧rö̧'a̧nö̧ ja̧'a̧.