2 Corintios 4:7 - TÄ̧DO Ä̧CUÄ̧ I̧HUȨNȨ

⁷ Ujutumä, Dios iyö ku̧nä̧rä̧tö̧mä̧, redä'ca i̧sa̧ppȩttö̧ adicuotöjä. Ja̧'hua̧nö̧ ja̧'a̧ttö̧ topö huo̧juä̧tö̧jä̧ iso päi'önä Diosttö ujurunä ȩmä̧huä̧. Ujutumä tamönä ja̧'hua̧nö̧ jui'ätöjä.

Nuevo Testamento Uwotjüja

⁷ Ujutumä̧, pi̧yȩ rü̧ȩnä̧ mikuäumä̧ kku̧nä̧rä̧tü̧jä̧ reda'kattü adikuä o̧'ta̧nä̧; jua'amä̧ adiwä juei ujurumä̧, ujututtümä̧ ichokü, Dio-ttütä ichü pä'ü tu̧wo̧jua̧ pä'ü.

2 Corintios 4:7 Referans Kwoze

2 Corintios 5:1

Ujutu huo̧juä̧tö̧jä̧ pi̧yȩmä̧. Iso päi'önä tidepä, recuo ko̧cö̧mä̧, be'epö tticuttumä, Dios mo̧ro̧jä̧ra̧'a̧ttö̧ korode tojusode aditinödo, yoröiso beipocode, ttö̧ja̧ ttu̧mö̧nä̧'i̧nä̧ adicuocode.

1 Corintios 1:28

Ja̧'hua̧ta̧nö̧ Dios ȩmi̧nö̧do pi̧jä̧ ttö̧ja̧ ttöjö'coco̧u̧ru̧, usurä isotörö, pi̧jä̧ ttö̧ja̧ adiu a̧'cua̧rö̧nä̧ jȩttö̧ be'epäjipö tticua pä'ö.

Colosenses 2:3

Ja̧u̧mä̧ o'ca juiyönä huo̧ju̧nä̧ huo̧juä̧cuä̧ ku̧nä̧rö̧.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

2 Corintios 10:10

Korotö pä'ätö ttörö: “Chutä cuyäru i̧huȩyu̧to̧mȩnä̧, pä̧i̧cu̧nä̧ jiähua'a cuyärunä. Juhuorö'inä chutä ö̧jo̧mȩnä̧, yoröiso ya̧tȩ jui̧yu̧pa̧ ö̧jö̧'a̧nö̧ kö̧. I̧huȩnȩ'i̧nä̧ adiunä ucuocuocö,” pä'ätö korotömä.

San Mateo 13:44

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ Dios hueömä koro juäi rö̧ȩnä̧ micuäu juäi rȩjȩ jacuä pa̧'a̧ jä̧'i̧nö̧'a̧nö̧ ja̧'a̧. Ya̧tȩ ja̧u̧ juäi rö̧ȩnä̧ micuäu juäi po̧cui̧pö̧'ca̧, juhuorötä pä'äji ta'anö dajö icu. Ja̧'hua̧nö̧ jȩpö̧ eseunu iyö icu o'ca juiyönä u̧ju̧nä̧rö̧mä̧ ju̧huä̧jä̧, rö̧ȩnä̧ micuäu juäi pä̧jo̧mȩ, ȩma̧ pä'ö.

2 Timoteo 2:20

Yodete isode rö̧odenä ka̧'a̧ orottö adicuo̧'ta̧'i̧nä̧, pärätättö adicuo̧'ta̧'i̧nä̧. Ja̧'hua̧ta̧nö̧ ka̧'a̧ dauttu adicuo̧'ta̧'i̧nä̧, redä'cattö adicuo̧'ta̧'i̧nä̧. Ko̧ro̧'ta̧mä̧ fiesta jȩpö̧ ahuähuo̧'ta̧. Ja̧'hua̧ta̧nö̧ ko̧ro̧'ta̧mä̧ fiesta juiyomenä ahuähuo̧'ta̧.

2 Corintios 4:1

Ja̧'hua̧nö̧ ja̧'a̧ttö̧ jaroti'a pä'ö amöcuädocotöjä. Dios ujuturu re rö̧jö̧nä̧ toa'attö hue'inö ujuturu pi̧yȩ taditähuä päi'önä.

Colosenses 2:12

Ja̧'hua̧ta̧nö̧ bautizado cu'ätucuomenä, Cristocu 'corupä'i'ätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧ta̧nö̧ ja̧u̧cu̧ tto'ächätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧nö̧ ji̧na̧'a̧ ucuturu, ja̧u̧ru̧, tto'ächinörö, Dios ujurunä cuesetätucuomenä.

1 Tesalonicenses 1:5

Ujutumä pi̧yȩ adihuä huȩnȩ, ttö̧ja̧ suronä jȩttö̧ jȩpö̧ icu huȩnȩ, ucuturu jitähuomenä, ujututä ti̧huȩnȩnä̧mä̧ ji'ähuocotö pi̧nä̧tö̧jä̧. Pi̧yȩ huȩnȩ, iso päi'önä huȩnȩ, tu̧huo̧jua̧'a̧ttö̧, Espíritu Santo ujurunä ji'ähuinätöjä. Ucuturu ppä'ädö tö̧ja̧cui̧nö̧mä̧ topinätöjä.

Efesios 2:5

Ujutu suronä jȩpö̧ kä̧nö̧, 'cörupä'i'ätö jä̧'i̧nö̧'a̧nö̧ cue'ächö, Cristorö tesetomenä ta̧'cua̧rö̧ iyinä̧u̧jä̧. Ja̧'hua̧nö̧ ja̧'a̧ ucuturu Diosrö pä̧huä̧ rö̧jo̧mȩnä̧ suronä jȩcu̧'i̧nä̧tu̧cu̧ jȩpö̧ icuinödo.

2 Corintios 13:4

Iso päi'önä ya̧tȩ jui̧yu̧pa̧rö̧ daunä pȩ'o̧pö̧ ttu̧ju̧na̧ji̧'a̧nö̧, daunä pȩ'o̧pö̧ ttu̧ju̧ni̧nä̧cu̧do. Ja̧'hua̧nö̧ ja̧'a̧nä̧ Dios ujurunä kö̧ jitämä. Ujutu'inä ijuiyuhuinö ta'anö juiyupätöjä. Ja̧'hua̧ta̧nö̧ ja̧u̧ru̧ esetö, Dios ujurunä ka̧cuä̧tö̧jä̧ ucuturu ppätäda pä'ö.

2 Corintios 6:10

Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

1 Tesalonicenses 4:4

Suronä jȩä̧cuä̧huä̧ juiyönä, ucuotönö amöcuädö, cuirecuarö ȩmä̧huä̧ huo̧jui̧pä̧tu̧cui̧.