2 Corintios 4:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧nä̧ 'corupäi'äcuähuä adita'ado ujuturu. Ja̧'hua̧ta̧nö̧ kä̧cuä̧huä̧ adita'ado ucuturu.

Nuevo Testamento Uwotjüja

¹² Ja̧'wa̧nü̧ ja̧'a̧ttü̧, ujutunä̧mä̧ wa'are adita'anä̧, ukutunä̧mä̧ a̧'kua̧rä̧kuä̧wä̧nä̧ adita'a.

2 Corintios 4:12 Referans Kwoze

2 Corintios 13:9

Ja̧'hua̧nö̧ ja̧'a̧ttö̧ ujutu tijuiyuhuomenä, topö esehuätöjä ucuturu cujuruhuiyätucuä̧u̧. Ja̧'hua̧ta̧nö̧ 'cuäopönä Diosrö tucuocuäcuotöjä adihuä juäitä jȩpö̧ Diosrö pä̧huä̧ rö̧jo̧mȩnä̧ cu̧ja̧cuä̧tu̧cua̧ pä'ö.

1 Juan 3:16

Jesucristo ujuturu 'corupäi'ina'attö, huo̧juä̧tö̧jä̧ iso päi'önä repe'ö pä'ö. Ja̧'hua̧nö̧ ja̧'a̧ttö̧ ujutu ubara ttuta'anä'inä, 'corujuotächome jubö cä'ädö ppätädö'a̧nö̧ ja̧'a̧ tö̧jä̧hua̧tö̧rö̧.

1 Corintios 4:10

Ujutumä Cristorö esetätörö “Yoröiso ttu̧'ȩpä̧ro̧co̧tö̧” pä'ätö. Pärocua'acu ucuturu “Cristo i̧huȩnȩ rö̧ȩnä̧ huo̧juä̧tö̧” pä'ätö. Ja̧'hua̧ta̧nö̧ ujutu tijuiyuhua'anä, ucutumä juruhuätöjä. Ja̧'hua̧ta̧nö̧ pi̧jä̧ ttö̧ja̧ ujuturu ttöjö'coca'anä, ucuturu ucuotätö.

Hechos 20:24

Ja̧'hua̧nö̧ ja̧'a̧nä̧'i̧nä̧ 'corupädi'öttömä, huäinä ja̧'a̧. Pi̧yȩtä̧ pä̧huä̧ rö̧jä̧cu̧sä̧. Eseunu jo̧mȩ päi'önä cädäda pä'ösä chaditähuä, Tu̧ru̧hua̧ Jesús chadita pä'ö hueinömä. Tu̧ru̧hua̧ Jesús hueinäcusä adihuä huȩnȩ, Dios ppädäcuähuä huȩnȩ, jidähua pä'ö.

Filipenses 2:17

Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧.

2 Corintios 12:15

O'ca juiyönä chu̧ju̧nä̧rö̧ eseunu chiyäcua'a̧nö̧. Ttötä chamönä cha̧'cua̧rö̧'i̧nä̧ eseunu iyajisä ucuturu cua̧'cua̧ru̧hua̧tu̧cu̧nä̧ ppä'ädö. Juhuorö'inä ttötä pa̧'a̧nö̧ amöcuädösä, ucuturu juhua'a yabonö rö̧ȩnä̧ repeda'anä, ucututä yoyonö jaropi'ätöjä ttörö.

Filipenses 2:30

Ja̧u̧mä̧ Cristo hueinö jȩpö̧, 'corupäi'ö'a̧nö̧ päi'inäcudo. Ucutu oto kä̧nö̧ ppäcuhuädätucuoca'attömä, ra̧huȩpi̧jö̧nä̧ ki̧nö̧ ttörö ppädomenä.

2 Corintios 4:11

'Cuäopönä ujuturu cuä'ö tticua pä'ö ka̧cuä̧tö̧ korotömä, Jesúsru teseta'attö. Ja̧'hua̧nö̧ ja̧'a̧nä̧ pi̧jä̧ jähuä jättäpäyotönä kä̧nö̧ cuetächomenä, Jesús ö̧ji̧nö̧ ta'anö tö̧ja̧'a̧ tottäcuotö.

2 Corintios 4:13

Huȩyu̧cuä̧ Huȩnȩ päa'a: “Esetö kä̧nö̧ ucuocuinösä.” Ja̧'hua̧ta̧nö̧ ujutu'inä ja̧'hua̧nö̧ esetö ucuocuätöjä.