2 Corintios 3:7 - TÄ̧DO Ä̧CUÄ̧ I̧HUȨNȨ

^7-8 Täbocö Moisés hueähuä huȩnȩ i̧nä̧bi̧nä̧ huȩyu̧tu̧ ku̧ni̧nö̧do. Ja̧'hua̧nö̧ i̧huȩyu̧to̧mȩnä̧, rö̧ȩnä̧ tȩa̧hui̧na̧'a̧do mo̧ro̧jä̧ra̧'a̧ttö̧. Jahuätö Israel ttö̧ja̧ Moisés ö'änä tottö juiyönä ji̧na̧'a̧do tȩa̧u̧ kä̧dȩpa̧'a̧ttö̧. Ja̧'hua̧nö̧ ja̧'a̧nä̧ ja̧u̧ tȩa̧u̧mä̧ yoyonötä juiyächipina'ado. Ja̧'hua̧nö̧ ja̧'a̧nä̧'i̧nä̧ ja̧'hua̧nö̧ rö̧ȩnä̧ tȩa̧u̧nä̧ ja̧u̧ huȩnȩ, ttö̧ja̧rö̧ cuä'ö icuähuä huȩnȩ, i̧huȩyu̧ti̧nö̧ttö̧mä̧, iso päi'önä Espíritu Santo i'cächäcuähuä huȩnȩ esetö juhua'a yabo rö̧ȩnä̧ tteseu'a̧nö̧ ja̧'a̧.

Nuevo Testamento Uwotjüja

⁷ Weäwä wȩnȩmä̧ ji̧yȩnä̧tä̧ wa'are aditäkuȩ'i̧nä̧, i̧nä̧binä̧ wȩyu̧kua̧'a̧ ichina̧'a̧, rü̧ȩnä̧ Dio ujuru, Irae i̧tti̧mü̧mä̧ Moisé ü'änä̧ tottü juiyünä̧tä̧ ji̧na̧'a̧, Dio ujuru kko̧mȩttü̧, jua'akumä̧ to̧ȩ'ä̧chä̧kuȩ ja̧'a̧nä̧,

2 Corintios 3:7 Referans Kwoze

1 Corintios 13:10

Juhuorö'inä koronö päi'omenä o'ca juiyönä tu̧huo̧jui̧'o̧mȩnä̧, ja̧u̧mä̧ ju'tometä tu̧huo̧jui̧nö̧mä̧ beipächäcua'a.

Romanos 10:4

Cristo be'epäjipö icuinö Moisés hueähuä huȩnȩ. O'ca toi'önä churutä esetätörömä, Dios jȩpö̧ chutäcu ji̧nä̧ ji̧yȩtȩ huotö tta pä'ö.

2 Corintios 3:6

Ja̧u̧mä̧ jareö huȩnȩ iyö, ujuturu ppä'ädö ja̧u̧ huȩnȩ päö'a̧nö̧ jȩta̧ pä'ö. Ja̧u̧ jareö huȩnȩmä̧ huȩyu̧cuo̧ca̧'a̧do. Ja̧u̧mä̧ Espíritu Santottö ȩmä̧huä̧ ja̧'a̧do. Pi̧jä̧ hueähuä huȩnȩ ttö̧ja̧rö̧ cuä'ö icuähuä huȩnȩ. Ja̧'hua̧nö̧ ja̧'a̧nä̧'i̧nä̧ ja̧u̧ Espíritu Santo kä̧cuä̧huä̧ iyö.

2 Corintios 3:3

Iso päi'önä Cristo i̧huȩyu̧ta̧'a̧ jä̧'i̧nö̧'a̧nö̧ huotöjä. Ujutu i'cächö iyinätöjä ucuturu. Ja̧'hua̧ta̧nö̧ lápiz iso'quinä huȩyu̧cuo̧ca̧'a̧ jä̧'i̧nö̧'a̧nö̧ huotöjä. Espíritu Santo kö̧ jȩi̧nä̧u̧jä̧ ucutumä. Ja̧'hua̧ta̧nö̧ i̧nä̧bi̧nä̧ huȩyu̧cuo̧ca̧'a̧ jä̧'i̧nö̧'a̧nö̧ huotöjä. Ttö̧ja̧ ttami iso'quinä huȩyu̧cua̧'a̧ jä̧'i̧nö̧'a̧nö̧ huotöjä.

Romanos 4:15

Moisés hueähuä huȩnȩ ttu̧ju̧nä̧ro̧mȩnä̧, tä̧bo̧cuä̧ ka̧'a̧. Hueähuä huȩnȩ juiyomenä, tä̧bo̧cuä̧'i̧nä̧ juiya'a.

Romanos 7:10

Ja̧u̧ hueähuä huȩnȩ ji̧nö̧mä̧, Dios hue'inö kä̧cuä̧huä̧ iya pä'ö. Ja̧'hua̧nö̧ ja̧'a̧nä̧ ttörö 'corupä'i'ätö jä̧'i̧nö̧'a̧nö̧ chö̧ja̧ pä'ö hueina'a.

Hechos 6:15

Ja̧'hua̧nö̧ ja̧'a̧ judíos ttö̧ja̧ ji̧nä̧ iso ruhuotö o'ca toi'önä ju̧huȩnȩtä̧ pȩjä̧tö̧mä̧ Estebanrö topö, ö'ä ángel ö'ä ta'anö uhuähua'a topinätödo.

Romanos 7:22

Ttö cha̧'cua̧nä̧ chamöcuädömä, Dios hueähuä pä̧huä̧ rö̧jä̧cu̧sä̧.

Hebreos 9:4

Ju̧huo̧ca̧nä̧ korodä, Diosrö ucuocu incienso pättö, adiu ameu juäi, ku icuähuodä, orottö adicuodä, ki̧na̧'a̧do. Ja̧'hua̧ta̧nö̧ i̧sä̧ca̧, orottö juä̧huä̧ca̧, hueähuä huȩnȩ ȩcä̧ca̧'i̧nä̧ ju̧huo̧ca̧nä̧tä̧ ki̧na̧'a̧do. Ja̧huä̧ca̧ i̧sä̧ca̧nä̧ koro juäi i̧sä̧yu̧, orottö adicuä̧yu̧'i̧nä̧, maná ȩcä̧yu̧ ki̧na̧'a̧do. Ja̧'hua̧ta̧nö̧ Aarón ö̧ä̧ro̧'quȩ ojiyä ba̧hui̧no̧'quȩ'i̧nä̧ ȩqui̧na̧'a̧do. Inädu, hueähuä huȩnȩ huȩyu̧cuädu'inä ȩqui̧na̧'a̧do.

Romanos 5:20

Moisés hueähuä huȩnȩ ichina'a, suronä jȩä̧cuä̧huä̧ rö̧ä̧cha̧ pä'ö. Ja̧'hua̧nö̧ ja̧'a̧nä̧ suronä jȩä̧cuä̧huä̧ rö̧ä̧cha̧'a̧nä̧, Dios ppädäcuähuä suronä jȩä̧cuä̧huä̧ttö̧'i̧nä̧ abonänö rö̧ä̧chi̧na̧'a̧.

Romanos 7:5

Äcuomenä ujututä tidepä pä̧huä̧ rö̧jö̧ jȩpö̧ tö̧ja̧cuo̧mȩnä̧, hueähuä huȩnȩ hueina'a ujuturu, suronä amöcuädö jȩta̧ pä'ö. Ja̧u̧ juäi hua'aretä i'cächinö ujuturu.

Gálatas 3:10

Moisés hueähuä huȩnȩ tta̧'cua̧ huȩnä̧rä̧tö̧mä̧, Diostä ö̧tä̧bo̧tä̧cuo̧tö̧. Huȩyu̧cuä̧ päa'a: “O'ca toi'önä 'cuäopönä hueähuä huȩnȩ huȩyu̧cuä̧'tä̧nä̧ huȩyu̧cuä̧ päö ta'anö jȩpo̧co̧tö̧mä̧, Diostä ö̧tä̧bo̧tä̧cuo̧tö̧.”

Gálatas 3:21

¿Moisés hueähuä huȩnȩmä̧ Dios iya päinö huȩnȩttö̧'i̧nä̧ i̧mi̧cu̧nä̧ päa'a tä̧ji̧? Juhua'acumäcö̧. Ja̧u̧ hueähuä huȩnȩ kä̧cuä̧huä̧ i'co ttu̧ju̧nä̧ra̧ pä'ö iyinö jö̧ttö̧mä̧, ja̧u̧nu̧mä̧ Diosmä jȩpa̧ji̧ ja̧u̧cu̧ ji̧nä̧ ji̧yȩtȩ huotö tta pä'ö hueähuä huȩnȩ esetö jȩpä̧tö̧rö̧.

Hebreos 3:3

Ja̧'hua̧ta̧nö̧ isode aditörö, isodettö'inä abonänö ttesehua'a jä̧'i̧nö̧'a̧nö̧, Moisésttö'inä abonänö ttesehuäcua'a̧nö̧ Jesúsru.

Hebreos 12:18

Ucutumä, Israel ttö̧ja̧ ta'anö, tö'cöpächocotöjä juhuä'ca möä'ca, Sinaí pättä'ca, mȩcu̧huä̧tu̧cua̧ pä'ö. Ja̧'hua̧ta̧nö̧ ocurä'inä rö̧ȩnä̧ cuoä'ca, yo̧ö̧'i̧nä̧, rö̧ȩnä̧ yo̧ä'ca, cu'upä'inä rö̧ȩnä̧ ttörohuä'ca, tö'cöpächocotöjä.