2 Corintios 2:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧nä̧ yoröiso adiunä jo̧ca̧'a̧ ji̧na̧'a̧ chami iso'quinä, tö̧jä̧hua̧ Tito toepa'attö. Ja̧'hua̧nö̧ ja̧'a̧ttö̧ jahuätöttö rä'opächö, Macedonia rȩjȩra̧'a̧ 'chi̧nö̧sä̧.

Nuevo Testamento Uwotjüja

¹³ chesewuö juiyünä̧ ji̧nä̧ku̧sä̧, cha̧wa̧ru̧wa̧ chi̧jä̧wa̧ Tito-rü chu̧'o̧kui̧'o̧ko̧mȩnä̧. Ja̧'wa̧nü̧ jä̧ku̧, juätürü te'äwi'ipütä Macedonia rȩjȩra̧'a̧ku̧ 'chi̧nü̧sä̧.

2 Corintios 2:13 Referans Kwoze

2 Corintios 12:18

Titorö ucuocuinösä ucuturu do'ächö i̧'cha̧ pä'ö. Ja̧'hua̧ta̧nö̧ ja̧u̧cu̧ ka̧ra̧ tö̧jä̧hua̧rö̧ hue'inösä. Titomä, ¿ucuturu yapareu ji'ähuinö tä̧ji̧? Titocu, ttöcu yoräteunä ji̧nä̧ ji̧yȩtȩ espíritunä, ¿cue'ächocotöjä tä̧ji̧?

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

2 Timoteo 4:10

Demas pi̧jä̧ jähuä amöcuädö, ttörö jaropi'inö. Tesalónica ötahuiyära̧'a̧ i̧hui̧nö̧. Ka̧ra̧ Cresente'inä Galacia rȩjȩra̧'a̧ i̧hui̧nö̧. Tito'inä Dalmacia rȩjȩra̧'a̧ i̧hui̧nö̧.

Gálatas 2:3

Ja̧'hua̧nö̧ ja̧'a̧nä̧ Titorö, judíos huocörö, ttöcu cue'ächörö'inä hue'ocotö pi̧nä̧tö̧ circuncisión jȩa̧ pä'ömä.

Gálatas 2:1

Ju̧huȩnȩ o'comenä ttö̧jä̧pö̧ttö̧nö̧ pa̧ja̧cuä̧nö̧ a̧'ȩ päi'omenä, pä'äji ta'anö Bernabécu Jerusalén ötahuiyära̧'a̧ i̧huä̧ji̧nö̧sä̧. Ja̧u̧nu̧mä̧ Titorö'inä o'ipinösä ttöcu icha pä'ö.

2 Corintios 8:23

Korotö Titorö jättepöttömä, ja̧u̧mä̧ Pablo u̧mö̧huä̧ya̧ päi'önä aditödo, ujuturu ppä'ädö pä'ö cuädätätucuaja. Ja̧'hua̧ta̧nö̧ korotö tö̧jä̧hua̧tö̧rö̧'i̧nä̧ jättepöttömä, jahuätö Cristorö pä̧huä̧ rö̧jo̧mȩnä̧ ttadita pä'ö, iglesias ruhuättö hue'ähuotödo pä'ö cuädätucuaja.

2 Corintios 8:16

Diosrö esehuätöjä jitämä. Dios Tito ami iso'quinä ucuocu hue'inödo Titorö, ucuturu rö̧ȩnä̧ amöcuäda pä'ö ttö chamöcuädö ta'anö.

2 Corintios 8:6

Ja̧'hua̧nö̧ ja̧'a̧ttö̧ Titorö hue'inätöjä ä'canä cuiyätucua pä'ö ucuturu jiähuina'attö, juhua'a yabonö ucuturu ppäda pä'ö, Diosrö iyähuänä adiu jȩcu̧'ä̧tu̧cua̧ pä'ö.

2 Corintios 7:13

Ja̧'hua̧nö̧ ja̧'a̧ttö̧ iso päi'önä esehuätöjä jitämä. Ja̧'hua̧ta̧nö̧ ja̧'hua̧nö̧ topö tesehuomenä, ji̧nä̧ isocu rö̧ȩnä̧ esehuätöjä Titorö topö. Ja̧u̧mä̧ rö̧ȩnä̧ eseunu kö̧ jitämä. Ucutu ja̧'hua̧nö̧ adiunä ö̧ja̧ pä'ö ppä'ädinätöjä.

San Marcos 6:46

Ttö̧ja̧rö̧ röji jiähuäji o'ca'a, möä'cara̧'a̧ huä̧mi̧pi̧nö̧do Diosrö ucuocua pä'ö.

Romanos 15:26

Macedonia rȩjȩ ttö̧ja̧'i̧nä̧, Acaya rȩjȩ ttö̧ja̧'i̧nä̧ amöcuädätö ttö̧ca̧ca̧ta̧ pä'ö pärätä ttu̧ju̧nä̧rö̧mä̧ huetta pä'ö tö̧jä̧hua̧tö̧ usurä isotörö, Jerusalén ötahuiyänä ka̧cuä̧tö̧rö̧.

2 Corintios 7:14

Ucuturu eseunu amöcuädösä pä'ö jidähuomenä Titorö, iso päi'önä adiu ji'ähuinösä. Ucuturu o'ca juiyönä jitähuinömä, iso päi'önä huȩnȩ ji̧nö̧ ji'ähuinätöjä. Ja̧'hua̧ta̧nö̧ ucuturu tesehua'a Titorö jitähuomenä, iso päi'önätä ji'ähuinätöjä.

Hechos 21:6

Jahuätöcu tetähuäji o'ca'a, ujutu huoi'canä pä̧mä̧di̧nä̧tö̧jä̧. Jahuätömä ttojusodera̧'a̧ ppa̧'ä̧chä̧chi̧nä̧tö̧.