2 Corintios 12:1 - TÄ̧DO Ä̧CUÄ̧ I̧HUȨNȨ

¹ Ttötä chamönä chucuocuäcuähuomenä, yoröiso micuähuoca'a. Tu̧ru̧hua̧ ttörö 'cuo̧ti̧nä̧ u̧huo̧juȩti̧nö̧ huȩnȩ jidähuomenä, ja̧u̧tä̧ adiu micuähua'a.

Nuevo Testamento Uwotjüja

¹ Isopäi'ünä̧ cha̧mü̧nä̧ pa̧ja̧tü̧ cheseäkuäwuöttümä̧ mikuäwokü ja̧'a̧nä̧; visiones pättünä̧ i̧jȩkua̧'a̧ tochünä̧ Chu̧ru̧wa̧ u̧wo̧juȩti̧nü̧tä̧ ukuokusä.

2 Corintios 12:1 Referans Kwoze

Gálatas 1:12

Pi̧jä̧ ttö̧ja̧ttö̧ ȩmo̧cö̧ pi̧nö̧sä̧. Ja̧'hua̧ta̧nö̧ yoröiso huo̧juȩcuo̧cö̧sä̧ pi̧jä̧ ttö̧ja̧ttö̧mä̧. Ja̧'hua̧nö̧ ttu̧huo̧juȩtä̧'i̧nö̧ juäimä, chutä Jesucristotä u̧huo̧juȩti̧nä̧cu̧sä̧.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

2 Corintios 12:7

Tu̧ru̧hua̧ ja̧'hua̧nö̧ adiunä 'cuo̧ti̧nä̧ u̧huo̧juȩti̧na̧'a̧ amöcuädö, ttötä cha'cuoyähuäcuähua pä'ö ji̧nä̧cu̧sä̧. Ja̧'hua̧nö̧ jȩchö̧ juiya pä'ö, koro juäi i̧sa̧ri̧ doächi'a'a barahua'a jä̧'i̧nö̧'a̧nö̧ barahuinäcusä. Ja̧u̧ ubara ttudinömä, Satanás hueähuä ta'anö ji̧nö̧do, rö̧ȩnä̧ cha'cuoyähuäcuäu juiya pä'ö.

Gálatas 2:2

Dios cha̧'cua̧nä̧ hueinäcusä juhua'a chi̧'cha̧ pä'ö. Ju̧huȩnȩ Jerusalén ötahuiyänä Dios i̧huȩnȩttö̧ ruhuotö pättä̧u̧tä̧ ttuppäsähuäjomettö ji'ähuinösä suronä jȩttö̧ jȩpö̧ icu huȩnȩ, judíos huocotörö jidäu huȩnȩmä̧. Ja̧u̧ ji'ähuinösä ttö jȩchi̧nö̧'i̧nä̧, jȩchö̧'i̧nä̧ micuähuocö jö̧ a̧'cua̧ri̧yä̧cu̧.

2 Corintios 12:11

Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

2 Corintios 8:10

Ttötä chamöcuädö'inä ji'äusä ucuturu ppädäda pä'ö. Ucutu ni̧po̧ a̧'ȩnä̧ pä'ötä iyö jȩpi̧nä̧tö̧jä̧. Ja̧'a̧tä̧ jȩpo̧co̧tö̧ pi̧nä̧tö̧jä̧. Iso päi'önä eseunu iyö jȩpi̧nä̧tö̧jä̧.

1 Corintios 10:23

Iso päi'önä pättö huȩnȩ päa'a: “Ya̧tȩ chutä amöcuädö jȩö̧'a̧nö̧ ja̧'a̧.” Juhuorö'inä o'ca juiyönä jȩö̧ttö̧mä̧ adihuoca'a. Ya̧tȩ o'ca juiyönä chutä amöcuädö jȩö̧'a̧nö̧ ja̧'a̧to. Ja̧'hua̧nö̧ jȩo̧mȩnä̧, o'ca juiyönä ppädoca'ato.

Hechos 23:11

Ja̧u̧tä̧ yodo Tu̧ru̧hua̧mä̧ Pablorö i̧jȩcui̧nö̧do. Ja̧u̧ru̧ pä'inödo: —Cua̧'cua̧ eseunu kä̧hui̧, Pablo. Porö Jerusalén ötahuiyättö ttö chi̧huȩnȩ jicuhuähuäji'a̧nö̧ Roma ötahuiyättö'inä ji̧cu̧huä̧huä̧cua̧jä̧.

Hechos 18:9

Ja̧'hua̧nö̧ ja̧'a̧ koro yodo Pablo ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, Tu̧ru̧hua̧ ucuocua'a ä̧ju̧cui̧nö̧do. Päina'ado: —Ttö̧ja̧rö̧ yecuhuecuä'. Yabocutä ji'ähui cu'coruchi'oca'a.

San Juan 16:7

Iso päi'önä pä'ösä ucuturu, ttö chi̧'chä̧cua̧'a̧ adihuäcua'a ucuturu. Ttö chi̧'chö̧ juiyöttömä, ucuturu Ppädäcuähuä I̧sa̧ ichocö jä̧cua̧. Ja̧'hua̧nö̧ ja̧'a̧nä̧ chi̧'chö̧ttö̧mä̧, ja̧u̧ru̧ huȩdä̧cua̧sä̧ ucutucu ö̧ja̧ pä'ö.

1 Corintios 6:12

Iso päi'önä pättö huȩnȩ päa'a: “Ttömä o'ca juiyönä chamöcuädömä jȩchö̧'a̧nö̧ ja̧'a̧.” Juhuorö'inä o'ca juiyönä jȩchö̧ttö̧mä̧ adihuoca'a. Ja̧'hua̧ta̧nö̧ o'ca juiyönä chamöcuädömä jȩcha̧'a̧nä̧, chutä ttö chamöcuädömä, ttörö huea pä'ö jȩpo̧cö̧sä̧.

San Juan 18:14

Ja̧u̧tä̧ Caifás pä'äji ji'ähuinödo judíos ttö̧ja̧rö̧: “Ya̧tȩtä̧ o'ca toi'önärö 'corupäi'öttömä, adihua'ado,” pä'inödo.

Efesios 3:3

Ttö̧ja̧ ttieru huȩnȩ jiähuinäcusä chu̧huo̧jua̧ pä'ö, ucuturu ji'äu chi̧huȩyu̧ti̧nö̧ ta'anö.

1 Corintios 14:6

Ja̧'hua̧nö̧ ja̧'a̧ttö̧ chö̧jä̧hua̧tö̧, ucuturu topö ichö, koro cuieruhuätucu huȩnȩ chucuocuttumä, ¿adiu ppä'ädösä tä̧ji̧ ucuturu? Isocö̧. Koro huȩnȩ, Diosrö adiu cuesetätucu huȩnȩ jidäuttutä, ja̧u̧ adihua'a ucuturu. Ja̧'hua̧ta̧nö̧ koro huo̧juȩcuä̧nä̧, Dios iyähuä huȩnȩ, ja̧u̧ru̧tä̧, Diosrötä, adiu cu̧huo̧juä̧tu̧cua̧rö̧ pä'ö jidähuomenä, adiu ppä'ädösä ucuturu.

2 Corintios 12:5

Iso päi'önä ja̧u̧ ta'anö hua̧rö̧ a'cuoyäunu chucuocu'a̧nö̧ ja̧'a̧. Ttömä yoröiso a'cuoyähuäcuähuocösä. Koro juäi ttö chijuiyu juäi cha'cuoyähuäcuäu'a̧nö̧ ja̧'a̧.

2 Corintios 12:9

Ja̧'hua̧nö̧ ja̧'a̧nä̧ Tu̧ru̧hua̧ ttörö pä'inö: “Ucuru repe'ösä. Ja̧'hua̧nö̧ ja̧'a̧ttö̧ cuami 'qui'ächi'ö cu̧jä̧cua̧jä̧. Cuijuiyuhuächi'omenä, ttö chujuru adiunä tottäcuotö,” pä'inödo. Ja̧'hua̧nö̧ ja̧'a̧ttö̧ eseunu chi̧jui̧yu̧huä̧cua̧sä̧, korotö Cristo ujuru adiu tottäcua'a̧nö̧ ttörö tottomenä.

1 Tesalonicenses 4:15

Ja̧'hua̧nö̧ ja̧'a̧ttö̧ Tu̧ru̧hua̧ huo̧juȩcuä̧ huȩnȩ ji'ähuätöjä ucuturu. Tu̧ru̧hua̧ ichomenä, ujutumä ji̧nä̧ a̧'cua̧rä̧tö̧mä̧, 'corupä'i'inätö ttä'canämä tto'ächocotö täcuotöjä.