2 Corintios 11:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ttö̧ chutä hue'ähuotö'inä korotö ttö̧ja̧ adiunä jȩpö̧ cuettächa'a jä̧'i̧nö̧'a̧nö̧ cue'ächätö. Iso päi'önä jahuätö suronä jȩtta̧'a̧ttö̧, bettipächäcuotö.

Nuevo Testamento Uwotjüja

¹⁵ Ja̧'wa̧nü̧ ja̧'a̧ttü̧, jeruwoka'a chutä umüwäyotü, adiwomȩnä̧ jȩpä̧tü̧ 'kua̧rü̧nä̧ ttü̧'ka̧tä̧wi̧'o̧mȩnä̧mä̧; ja̧'wa̧nü̧ ja̧'a̧nä̧ jȩttä̧'i̧jü̧'a̧kuä̧tä̧ päjuriyänä̧mä̧ usurä ttȩmä̧wä̧kuo̧tü̧.

2 Corintios 11:15 Referans Kwoze

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

Apocalipsis 9:11

Jahuätö cä̧'ö̧mä̧ ttu̧ru̧hua̧'i̧nä̧ ku̧nä̧ri̧nä̧tö̧. Ja̧u̧ ttu̧ru̧hua̧mä̧ reju beipocoju ángel pi̧nö̧. Ja̧u̧ i̧mi̧mä̧ hebreos tti̧huȩnȩnä̧ Abadón mi̧cui̧nö̧. Ja̧'hua̧ta̧nö̧ griegos tti̧huȩnȩnä̧ Apolión mi̧cui̧nö̧. Ujutu pä'ätöjä Be'epö Icuähuä I̧sa̧ pä'ö.

Judas 1:4

Korotö adihuä isotö a̧'cua̧rö̧nä rȩbȩhui̧nä̧tö̧. Jahuätö Diosrö jarode'ätö. Dios pi̧jä̧ ttö̧ja̧rö̧ repeähuä huȩnȩ jittähua'anä, yähuäinä suronä jȩpä̧tö̧. Diosrö'inä, chu ä̧cua̧ Tu̧ru̧hua̧ Jesucristorö'inä ä̧ppö̧tä̧rö̧ jȩpä̧tö̧. Ja̧'hua̧nö̧ ja̧'a̧ jahuätö tä̧bo̧cuä̧ ttȩmä̧cuȩ täbocö Huȩyu̧cuä̧ Huȩnȩ jiähua'a.

2 Corintios 3:9

Ja̧u̧nu̧mä̧ pi̧jä̧ hueähuä huȩnȩ, ttö̧ja̧rö̧ cuä'ö icuähuä huȩnȩ ȩmö̧, rö̧ȩnä̧ esehuinätödo. Ja̧'hua̧nö̧ ja̧'a̧ttö̧ iso päi'önä Dios ujutu suronä jȩtö̧ jȩpö̧ icu huȩnȩ esetö, ji̧nä̧ isocu tesehuäcua'a̧nö̧.

Hechos 13:10

Pä'inödo: —¡Yapareu jȩä̧cuä̧huä̧ i̧sa̧jä̧! Suronä jȩpö̧jä̧. Ähuettä i̧tti̧jä̧. Adiu jȩpä̧tö̧ tta̧bo̧i̧ya̧jä̧. 'Cuäopönä Dios iso päi'önä huȩnȩ pärotö icu, yapareu jicuhuähua pä'öjä.

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

Apocalipsis 13:2

Ja̧u̧ pä̧i̧cua̧ i̧sa̧mä̧, tochäjäcumä yähui ta'anö hui̧nö̧. Ö̧jä̧pi̧yä̧mä̧ oso ta'anö hui̧nö̧. Ä'inä león ta'anö hui̧nö̧. Ja̧u̧ ojuo da'ä jä̧'i̧nö̧'a̧nö̧ hua̧mä̧ ja̧u̧ pä̧i̧cua̧ i̧sa̧rö̧ ujuru'inä, i̧dȩä̧cä̧'i̧nä̧, rö̧ȩnä̧ hueähuä'inä iyinäcu.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

Efesios 6:12

Ujutumä ttö̧ja̧cu̧, ttidepä'inä, ttihue'quiyu'inä ku̧nä̧rä̧tö̧cu̧ rohuähuocotöjä. Pi̧jä̧ isoppanä suronä huȩ'ä̧rä̧tö̧cu̧ rohuähuätöjä. Ja̧'hua̧nö̧ pädomenä, pi̧jä̧ yo̧ö̧cu̧ cue'ächätörö ttujurunä huȩ'ä̧rä̧tö̧cu̧ rohuähuätöjä pä'ösä.

2 Corintios 11:23

Jahuätömä, ¿Cristo umöhuäyotö tä̧ji̧? Ttö'inä jahuätöttö'inä abonänö Cristo u̧mö̧huä̧ya̧sä̧. Juhuorö'inä ja̧'hua̧nö̧ ucuocu, suripächätö ttucuocu'a̧nö̧ ucuocusä. Jahuätöttö'inä abonänö rö̧ȩnä̧ aditinösä. Ja̧'hua̧ta̧nö̧ jahuätöttö'inä abonänö rö̧ȩnä̧ cuäcuättinäcusä. Ja̧'hua̧ta̧nö̧ jahuätöttö'inä abonänö rö̧ȩnä̧ cärenä pi̧nö̧sä̧. Ja̧'hua̧ta̧nö̧ cuedächomenä, rö̧o̧ mo̧ro̧ cuä'ö tticua pä'inätö ttörö.

2 Corintios 11:13

Jahuätö yapareu huȩnȩ jittähua pä'ö hue'ähuotö. Jahuätömä yapareu ji'äu, Cristo hue'ähuotörö a̧'cua̧rö̧nä̧ cue'ächätö.

1 Corintios 9:11

Ja̧'hua̧nö̧ ja̧'a̧ttö̧ iso päi'önä ujutumä ucuturu adihuä huȩnȩ ji'äu tu̧ju̧ni̧na̧'a̧ttö̧, ujuturu ppäcuhuädätucua pä'ö koro juäi iyö ¿suroja'a tä̧ji̧ ucuturu?

Romanos 2:6

Dios i̧mi̧tä̧cua̧ o'ca toi'önärö jitötä jȩtti̧nö̧ micuä.

Romanos 3:8

Ja̧'hua̧nö̧ jö̧ttö̧mä̧, pä'ajatöjä: “Surojö jȩpä̧tö̧jä̧, adihuä juäi ichäcua'a̧nö̧.” Ja̧'hua̧ta̧nö̧ korotö suronä ucuocu pä'ätö ujuturu: “Ja̧u̧ juäi huo̧juȩtä̧tö̧” pä'ö. Ja̧'hua̧nö̧ ja̧'a̧ttö̧ Dios ro̧ȩpä̧cua̧ jahuätörö, ja̧u̧ juäi huȩnȩtö̧ ucuocuätörö.