2 Corintios 10:1 - TÄ̧DO Ä̧CUÄ̧ I̧HUȨNȨ

¹ Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

Nuevo Testamento Uwotjüja

¹ Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

2 Corintios 10:1 Referans Kwoze

2 Corintios 10:10

Korotö pä'ätö ttörö: “Chutä cuyäru i̧huȩyu̧to̧mȩnä̧, pä̧i̧cu̧nä̧ jiähua'a cuyärunä. Juhuorö'inä chutä ö̧jo̧mȩnä̧, yoröiso ya̧tȩ jui̧yu̧pa̧ ö̧jö̧'a̧nö̧ kö̧. I̧huȩnȩ'i̧nä̧ adiunä ucuocuocö,” pä'ätö korotömä.

San Mateo 11:29

Ttö huedömä jȩpä̧tu̧cui̧. Ttörö topö huo̧jui̧pä̧tu̧cui̧. Ttömä korotörö eseunu amöcuädösä chami iso'quinä. Ttö adiunä kö̧sä̧ korotöcu. Ucutu cua̧'cua̧ru̧hua̧nä̧ eseäcuähuä cu̧'o̧cui̧'ä̧cuo̧tö̧jä̧ ttörö esetö.

Gálatas 5:2

Ä̧ju̧cuä̧tu̧cui̧ttö̧. Ttö Pablo pä'ösä ucuturu, ucutumä circuncisión jȩtta̧ huecuhuähuätucuttumä, Cristomä yoröiso ppädoco̧u̧jä̧.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

2 Corintios 11:30

A'cuoyäunu chucuocuttumä, koro ttörö ttijuiyu juäi chu̧cuo̧cuä̧cua̧sä̧.

1 Corintios 2:3

Rö̧ȩnä̧ amöcuädö ye'ecu, ttö̧'ä̧u̧nu̧ juiyupächi'önö ki̧nö̧sä̧ cu̧'quȩtȩtu̧cu̧nä̧.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

Filemón 1:9

Ucuru repe'ö huedoca'anä, jä'epötä jä'epösä. Ttö Pablo, bö̧o̧ i̧sa̧ cha'anä Cristo Jesúsru cheseta'attö cärenä pö̧sä̧.

2 Tesalonicenses 3:17

Ttö Pablo, ucuturu te'äu pi̧yȩ cuyäru ttötä chu̧mö̧nä̧ huȩyu̧tu̧sä̧. Ttö chi̧huȩyu̧tu̧mä̧ chi̧mi̧ pa̧'a̧. Ja̧'hua̧nö̧tä̧ huȩyu̧tu̧sä̧.

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

Gálatas 4:13

Ucutu täcö huo̧juä̧tö̧jä̧, äcuomenä ttö̧ja̧ suronä jȩttö̧ jȩpö̧ icu huȩnȩ jidähuinömä, na̧'ä̧chö̧ kä̧nö̧ ji'ähuinösä.

2 Corintios 12:5

Iso päi'önä ja̧u̧ ta'anö hua̧rö̧ a'cuoyäunu chucuocu'a̧nö̧ ja̧'a̧. Ttömä yoröiso a'cuoyähuäcuähuocösä. Koro juäi ttö chijuiyu juäi cha'cuoyähuäcuäu'a̧nö̧ ja̧'a̧.

2 Corintios 11:21

Ja̧'hua̧nö̧ jȩtto̧mȩnä̧ topö, dä'äcunu ji'äusä ucuturu pi̧yȩmä̧. Ujutumä juiyupinätöjä ja̧'hua̧nö̧ jȩta̧ pä'ö. Ja̧'hua̧nö̧ ja̧'a̧nä̧'i̧nä̧ suripächönä ucuocu ji'äusä, korotömä a'cuoyäunu jȩpö̧ ttucuocuttumä, ttö'inä a'cuoyäunu jȩpö̧ chucuocu'a̧nö̧ ja̧'a̧.

2 Corintios 10:7

Ucutu huämenätä topätöjä. Iso päi'önä ya̧tȩ “Cristo a̧hua̧ru̧hua̧sä̧” päöttömä, ujutu'inä chutä ta'anö Cristo ahuaruhuäjä pä'ö u̧huo̧juä̧cua̧'a̧nö̧.

2 Corintios 10:2

Ja̧'hua̧ ja̧'a̧ttö̧ adihua'a. Ucuturu do'ächö chi̧'cho̧mȩnä̧, ttamönä ttamöcuädömä jȩpä̧tö̧ suronä ttucuocuomenä ujuturu, pä̧i̧cu̧nä̧ chucuocua pä'ö jȩcu̧'ä̧tu̧cuä̧'. Jahuätö pä'ätö ujutu tamönä tamöcuädö ucuocuätöjä pä'ö. Ja̧'hua̧nö̧ ttucuocuttumä, iso päi'önä pä̧i̧cu̧nä̧ chu̧cuo̧cuä̧cua̧sä̧ jahuätöcu pä̧nö̧.

2 Corintios 7:4

Juiyo eseunu amöcuädösä ucuturu. Rö̧ȩnä̧ ubara ttutomenä'inä, adiunä eseunu chami 'qui'ächi'ö kö̧sä̧.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

2 Corintios 5:20

Ja̧'hua̧nö̧ ja̧'a̧nä̧ Cristo hueä̧u̧ ji'äu ichinätöjä. Ja̧'hua̧ta̧nö̧ ujutu jitähuomenä, Dios ucuturu ucuocua'a jä̧'i̧nö̧'a̧nö̧ ja̧'a̧. Ja̧'hua̧nö̧ ja̧'a̧nä̧ Cristonä pä'ätöjä ucuturu, Diosrö esehuätucui ucutu'inä.

2 Corintios 3:12

Iso päi'önä ujutumä ja̧u̧ tta̧tä̧ra̧'a̧ttö̧, yecuäcuähuä juiyönä ji'ähuätöjä.

1 Corintios 4:10

Ujutumä Cristorö esetätörö “Yoröiso ttu̧'ȩpä̧ro̧co̧tö̧” pä'ätö. Pärocua'acu ucuturu “Cristo i̧huȩnȩ rö̧ȩnä̧ huo̧juä̧tö̧” pä'ätö. Ja̧'hua̧ta̧nö̧ ujutu tijuiyuhua'anä, ucutumä juruhuätöjä. Ja̧'hua̧ta̧nö̧ pi̧jä̧ ttö̧ja̧ ujuturu ttöjö'coca'anä, ucuturu ucuotätö.

Romanos 15:15

Ja̧'hua̧nö̧ ja̧'a̧ttö̧ ja̧u̧ juäi pi̧yȩ cuyärunä yecuäcuähuä juiyönä huȩyu̧tä̧ji̧sä̧ cunichi'ätucuoca'a cuamöcuädätucua pä'ö. Ja̧'hua̧nö̧ huȩyu̧tä̧ji̧sä̧ Dios ttörö repe'ö hueina'attö.

Romanos 10:20

Ja̧'hua̧ta̧nö̧ Isaías yecuäcuähuä juiyönä pä'inö: Ttörö usocotö'inä, po̧cui̧pi̧nä̧tö̧ ttörö. Ja̧'hua̧ta̧nö̧ i̧jȩcui̧nö̧sä̧, ttörö jättepoca'anä'inä.

Hechos 8:32

Huȩyu̧cuä̧ Huȩnȩttö̧ pi̧yȩ huȩnȩ ucuocuinödo: Ovejarö cuä'ö tticua pä'ö ttȩpa̧'a̧ jä̧'i̧nö̧'a̧nö̧, oveja i̧tti̧rö̧ uhuo'che cuittomenä 'corunä ö̧ja̧'a̧ jä̧'i̧nö̧'a̧nö̧, chutä'inä 'corunä ki̧nö̧do.

San Mateo 21:5

Sión ötahuiyänä ji'ähuätucui. Topätucui, Cu̧ru̧hua̧ icha'a, usurä i̧sa̧ ta'anö burrarö huä̧mä̧dö̧. Ja̧u̧mä̧ rö̧ȩnä̧ amäcö ȩpö̧'a̧nö̧ hua̧rö̧, ji̧'qui̧cha̧hua̧rö̧ huä̧mä̧dö̧ ichö.

1 Corintios 4:21

Jitä, ¿tta̧'a̧nö̧ cuamöcuädätucuättö ucutumä? Ucuturu topö chi̧'cho̧mȩnä̧, ¿chö̧tä̧bo̧ta̧ pä'ätöjä tä̧ji̧? Juhuorö'inä ¿adiu repe'önö eseunu chucuocua pä'ätöjä tä̧ji̧? ¿Tta̧'a̧nö̧ cuamöcuädätucuättö ucutumä?

Efesios 3:1

Ja̧'hua̧nö̧ ja̧'a̧ttö̧ ttö Pablo, Cristo Jesúsru esetö ucutu judíos huocotörö ppädäda'attö cärenä chö̧'o̧mȩnä̧, Diosrö ucuocu jä'epösä ucuturu.

Filipenses 4:5

Adiu amöcuädö jȩcu̧'ä̧tu̧cua̧ja̧ o'ca toi'önärö. Tu̧ru̧hua̧ ichäcuome tö'cöhuächa'a.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

Filemón 1:19

Ttö Pablo, ttötä chu̧mö̧nä̧ huȩyu̧tu̧sä̧ pi̧yȩmä̧. Ttömä o'ca juiyönä chi̧mi̧tä̧cua̧sä̧. Juhuorö'inä ucutä cua̧'cua̧rö̧ ttörö mippotöjä pä'ö jidäu'a̧nö̧ ja̧'a̧nä̧, ji'ähuocösä.