1 Timoteo 6:6 - TÄ̧DO Ä̧CUÄ̧ I̧HUȨNȨ

⁶ Iso päi'önä Dios i̧huȩnȩ rö̧ȩnä̧ micuähua'a, ujutu tu̧ju̧nä̧rö̧ eseunu tamöcuädomenä.

Nuevo Testamento Uwotjüja

⁶ Ja̧'wa̧ta̧nü̧ jueünä̧tä̧ ja̧'a̧ Dio-rü esetäkuäwämä̧ rü̧ä̧nä̧ ruwotü juoäwä, ja̧'wa̧nü̧ ja̧'a̧nä̧ ji̧'ki̧cha̧nü̧tä̧ u̧ju̧nära̧'a̧nä̧'i̧nä̧ eseurütä.

1 Timoteo 6:6 Referans Kwoze

Hebreos 13:5

Pärätä'inä repecuhuätucuä'. Cu̧ju̧nä̧rä̧tu̧cu̧ amöcuädö, esehuätucui. Dios pa̧'a̧nö̧ pä'inödo: “Yoröiso jarochi'ococujä. Yoröiso chicuipococujä.”

1 Timoteo 6:8

Ujutu tu̧cuȩ'i̧nä̧, tö̧'ca̧tä̧huä̧ti̧yu̧'i̧nä̧ tu̧ju̧nä̧ro̧mȩnä̧, teseu'a̧nö̧ ja̧'a̧.

1 Timoteo 4:8

Jättäpäyotö jähuä jȩto̧mȩnä̧, ji̧'qui̧cha̧nö̧tä̧ micuähua'a. Ja̧'hua̧nö̧ ja̧'a̧nä̧ Dios i̧huȩnȩtä̧ amöcuädö kä̧cuä̧huä̧nä̧, o'ca juiyönä adiu micuähua'a, jitä tö̧jö̧'i̧nä̧, yodoji tö̧jä̧cuȩ'i̧nä̧ ppäda'attö.

Filipenses 1:21

Ttömä ji̧nä̧ chö̧jö̧ttö̧mä̧, Cristorö rö̧ä̧chi̧'ö̧nä̧ chesetäcua'a̧nö̧. Juhuorö'inä 'corupädi'öttömä, ji̧nä̧ isocu adihuäcua'a.

Romanos 8:28

Ujutu huo̧juä̧tö̧jä̧ o'ca juiyönä Diosrö repe'ätörö, chutä amöcuädö huoinä̧u̧ru̧ 'cuäopömä Espíritu Santo ppäda'attö, adihua'a pä'ö.

San Lucas 3:14

Ja̧'hua̧ta̧nö̧ yotöte su̧ro̧da̧u̧ jä'epinätödo: —Ujutumä di̧ttö̧, ¿tta̧'a̧nö̧ jȩtä̧cua̧'a̧jä̧ttö̧? Ja̧u̧ pä'inödo: —Pärätä 'chocuhui'ätucuä' yoröiso ya̧tȩrö̧'i̧nä̧ suronä ye'epe'ömä. Ja̧'hua̧ta̧nö̧ huȩnȩtä̧rö̧ ucuocu ja̧u̧ jȩtto̧cö̧mä̧. Ttimitönätä ja̧'a̧nä̧ ka̧cuä̧tu̧cui̧.

2 Corintios 4:17

Pi̧jä̧nä̧ kä̧nö̧ ubara ttutomenä, recuomä barahuocö. O'ca päi'önätä 'cuäopa'ado. Ja̧'hua̧nö̧ ja̧'a̧nä̧ jitä ja̧'hua̧nö̧ ubara ttu'u, ji̧nä̧ isocu rö̧ä̧chö̧nä̧ 'cuäopönä tesehuäcuotöjä.

San Lucas 12:15

Ja̧'hua̧ta̧nö̧ pä'inödo: —Adiu tta̧'ä̧rä̧cuä̧huä̧tu̧cui̧. Pi̧jä̧ jähuä rö̧ȩnä̧ pä̧huä̧ rö̧jö̧nä̧ cuamöcuädätucuä'. Rö̧ȩnä̧ cu̧ju̧nä̧ro̧mȩnä̧mä̧, tta̧'cua̧ adiunä kä̧cuä̧huä̧mä̧ i'cächocö.