1 Timoteo 6:3 - TÄ̧DO Ä̧CUÄ̧ I̧HUȨNȨ

^3-4 Ya̧tȩ koro huȩnȩ, adihuä huȩnȩ, Tu̧ru̧hua̧ Jesucristo i̧huȩnȩ, ujutu tu̧huo̧juȩtö̧ huȩnȩttö̧'i̧nä̧ i̧mi̧cu̧nä̧ jiäuttumä, jerupö a'cuoyäunu ji'äu. Rohuä huȩnȩtä̧ ucuocuäcuähuä kö̧'ca̧. Ja̧u̧ huȩnȩttö̧ räopa'a a'cuoyähuäcuähuä'inä, curä huȩnȩ'i̧nä̧, ttahuaruhuärö suronä ucuocuäcuähuä'inä, suronä amöcuädäcuähuä'inä.

Nuevo Testamento Uwotjüja

³ Tu̧ru̧wa̧ Jesucrito u̧wo̧juȩti̧nü̧'a̧kuä̧ ja̧'wa̧ta̧nü̧ isopäi'ünä̧ tesetü ttu̧wo̧juȩti̧nü̧'a̧kuä̧ ya̧tȩ kkoromȩnä̧ u̧wo̧juȩtu̧ttü̧mä̧,

1 Timoteo 6:3 Referans Kwoze

1 Timoteo 1:3

Ttömä Macedonia rȩjȩra̧'a̧cu̧ chi̧'cho̧mȩnä̧, ucuru jidähuinö ta'anö, Efeso ötahuiyänä cu̧ja̧ pä'ösä. Ucuru hue'ipinösä korotörö cu̧huo̧juȩta̧ pä'ö yapareu huȩnȩ ttu̧huo̧juȩtö̧ juiyäcua'a̧nö̧.

1 Timoteo 1:10

Ja̧'hua̧ta̧nö̧ nä̧tö̧rö̧ suronä jȩpä̧tö̧rö̧, u̧mä̧tö̧ u̧mä̧tö̧cu̧ suronä jȩpä̧tö̧rö̧, korotörö 'chu'ädö ȩmi̧pä̧tö̧rö̧, yapareu huȩnȩ ucuocuätörö, o'ca toi'önä adihuä huȩnȩ päö ta'anö jȩpo̧co̧tö̧rö̧ päa'a ja̧u̧ hueähuä huȩnȩ.

Tito 1:9

Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.

2 Timoteo 4:3

Koronö mo̧ro̧ päi'omenä, yoröiso ä̧ju̧cuo̧co̧tö̧ ttäcuotö adihuä huo̧juȩcuä̧ huȩnȩ. Jitötä ttamönä ttamöcuädö jȩpö̧, ottäcuotö huo̧juȩcuä̧ isotörö jitörötä pä̧huä̧ rö̧jö̧ä̧tä̧ ttu̧huo̧juȩta̧tö̧ pä'ö.

Romanos 16:17

Chö̧jä̧hua̧tö̧, adiu ttu̧ȩcuä̧nä̧ topö cu̧ja̧cuä̧tu̧cua̧ pä'ösä korotö korotörö 'quȩ'ȩpä̧tö̧rö̧'i̧nä̧, surojöcu ma̧ttä̧cha̧ pä'ö jȩpä̧tö̧rö̧'i̧nä̧. Jahuätö jȩttö̧mä̧ ucutu cu̧huo̧jui̧'i̧nä̧tu̧cu̧ttu̧'i̧nä̧ i̧mi̧cu̧nä̧ jö̧. 'Quȩ'ȩcuä̧chä̧tu̧cui̧ jahuätöttö.

Tito 1:1

Ttö Pablo, Dioscu, Tu̧ru̧hua̧ Jesucristocu huȩ'ä̧hua̧sä̧, Dios i̧huȩnȩ jidähua pä'ö Dios huoinä̧u̧ru̧. Ja̧'hua̧ta̧nö̧ jahuätörö adihuä huȩnȩ chu̧huo̧juȩta̧ pä'ö huȩ'ä̧hua̧sä̧.

2 Timoteo 1:13

Ucuru adiu huo̧juȩcuä̧ jidähuinömä, 'cuäopönä amöcuädö kä̧hui̧. Cristo Jesúsru adiu esetö, cuahuaruhuärö repe'ö kä̧hui̧.

1 Timoteo 1:6

Yotöte jaropi'inätö pi̧yȩ huȩnȩ. Jahuätömä yoröiso micuähuocö huȩnȩtä̧ ucuocuätö.

1 Tesalonicenses 4:8

Ja̧'hua̧nö̧ ja̧'a̧ttö̧ pi̧yȩ huo̧juȩcuä̧ huȩnȩ esetocömä, pi̧jä̧ ttö̧ja̧rö̧ öjö'cö juiyönä jȩpo̧cö̧. Diosrötä, Espíritu Santorö iyinörötä, öjö'cö juiyönä jȩpö̧.

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

San Mateo 22:21

Jahuätö ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧. Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧ chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús.