Biblia Todo Logo
Bib sou entènèt

- Piblisite -




1 Timoteo 6:16 - TÄ̧DO Ä̧CUÄ̧ I̧HUȨNȨ

16 Chutämä yoröiso hua'ocödo. Adiu tȩa̧u̧nä̧ kö̧ pi̧jä̧ ttö̧ja̧ tti̧rȩbȩhuo̧co̧mȩ. Pi̧jä̧ ttö̧ja̧ yoröiso topäcuähuocö pä'äji'inä, jitä'inä ja̧u̧ru̧. 'Cuäopönä ttucuotäcua'a̧nö̧. Ja̧'hua̧ta̧nö̧ 'cuäopönä ujuruhuäcua'a̧nö̧. Amén.

Gade chapit la Kopi

Nuevo Testamento Uwotjüja

16 Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

Gade chapit la Kopi




1 Timoteo 6:16
30 Referans Kwoze  

Ja̧'hua̧nö̧ ja̧'a̧ttö̧ ya̧tȩä̧tä̧ Diosrö, o'ca juiyönä huo̧jua̧rö̧, yoröiso hua'ö icuocörö, uhuäpocörö, 'cuäopönä Tu̧ru̧hua̧ päi'önä kö̧rö̧ eseunu tucuotäcua'a̧nö̧. Amén.


Diosrö topinömä, yoröisotä toa'a. Ja̧'hua̧nö̧ ja̧'a̧nä̧ chutä I̧tti̧, chu ä̧cua̧tä̧, Jä'ocu tö'cö kö̧tä̧, ujuturu huo̧juȩtö̧ Dios ö̧jö̧ huȩnȩ.


Pi̧yȩ huȩnȩ Jesucristottö tä̧ju̧cui̧nö̧mä̧, ucuturu ji'ähuätöjä. Jesucristo pä'inö: Dios chutä i̧tȩa̧u̧ttu̧ tȩa̧u̧ kä̧dȩpö̧nä̧ kö̧. Ja̧u̧ yo̧ö̧ yoröiso jui̧'a̧.


Dios yoröiso uhuäpocömä, I̧tti̧ pi̧jä̧ra̧'a̧ ichomenä, Dios a̧'cua̧rö̧nä̧ uhuäpinödo. Ja̧u̧mä̧ yoröiso o'ca juiyönä äcuomenä ki̧nö̧do.


“Chä'orö topinömä, yoröiso toa'a. Ya̧tȩtä̧ Dios ö̧jo̧mȩttö̧ ichinötä, ja̧u̧ru̧ topinö.


Ju̧huȩnȩmä̧ yodomä juiyäcua'a. Ju̧huȩnȩ ka̧cuä̧tö̧mä̧, lámpara i̧tȩa̧u̧'i̧nä̧, mo̧ro̧ kä̧hua̧ i̧tȩa̧u̧'i̧nä̧ juiyönä adiu ttö̧ja̧cuä̧cuo̧tö̧. Tu̧ru̧hua̧ Dios i̧tȩa̧u̧ttu̧ ttö̧ja̧cuä̧cuo̧tö̧. 'Cuäopönä huettäcuotö jahuätömä.


Tu̧ru̧hua̧, Tä̧do̧ ä̧cua̧ Dios, ucumä adihuä i̧sa̧jä̧. Ucuru ttesehuäcua'a̧nö̧. Ucuru ttucuotäcua'a̧nö̧. Ucuru ttujuru ttiyäcua'a̧nö̧. Ucumä o'ca juiyönä aditinöjä. Ucurutä pä̧huä̧ rö̧jo̧mȩnä̧, o'ca juiyönä ka̧cua̧'a̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧, o'ca juiyönä aditinöjä.


Ja̧'hua̧ta̧nö̧ ruhuotö'inä, sacerdotes huotö'inä tö̧ja̧ pä'ö hueinä̧u̧jä̧ chutä Jä'o Dios päö ta'anö jȩta̧ pä'ö. 'Cuäopönä ja̧u̧ru̧tä̧ ttesehuäcua'a̧nö̧. Ja̧'hua̧ta̧nö̧ 'cuäopönä o'ca juiyönä ujuruhuäcua'a̧nö̧. Amén.


¡Diosrö esetätörö amöcuädö, 'cuäopönä teseäcuähuätucuaja Diosrö! Ja̧'hua̧ta̧nö̧ Cristo Jesúsru esetö, jitä'inä, yodoji'inä, 'cuäopönä teseäcuähuätucuaja Diosrö. Amén.


Jahuätö pä'inätö: Ja̧'hua̧nö̧ jä̧cua̧'a̧. O'ca juiyönä eseunu ucuocuäcuähuä'inä, eseäcuähuä'inä, huo̧juä̧huä̧'i̧nä̧, eseunu amöcuädäcuähuä'inä, ucuotäcuähuä'inä, hueähuä'inä, ttujuru'inä Tä̧do̧ ä̧cua̧ Diosrö 'cuäopönä ttiyäcua'a̧nö̧ o'ca toi'önämä. Amén.


Jesucristo ni̧po̧'i̧nä̧, jitä'inä, yodoji'inä yoräteunä kö̧do.


Ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Päina'a: —Topi. Jitä pi̧jä̧ ttö̧ja̧ ttö̧'quȩtȩnä̧ kö̧ Diosmä. Jahuätöcu ö̧jä̧cua̧. Jahuätömä chutä umöhuäyotö pätti'äcuotö. Chutä Dios jahuätöcu ö̧ja̧'a̧ttö̧, Ttä̧do̧ äcuä̧ Dios pä̧i̧'ä̧cua̧.


Jesús ädätinödo: —Felipe ucutucu recuo chö̧jo̧mȩnä̧, ¿ji̧nä̧ jȩru̧pa̧jä̧ tä̧ji̧ ttörö? Ttörö topömä, Chä'orö'inä topö. Ja̧'hua̧nö̧ ja̧'a̧ttö̧ Cuä'orö tota pä'ätöjä, ¿tta̧'a̧nö̧ päcuhuäjättö?


Tu̧ru̧hua̧ o'ca juiyönä ju̧ru̧hua̧mä̧ pä'ö: “Ttömä ä'canä'inä, röjinä'inä ru̧hua̧sä̧. O'ca juiyönä juiyäi'inä, beipächomenä'inä ru̧hua̧sä̧.” Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧.


Jesús jahuätörö ädätö pä'inödo: —Iso päi'önä pä'ösä ucuturu, Abraham ö̧jä̧cua̧'a̧ ä'canä, ki̧nö̧sä̧ ttömä.


¡'Cuäopönä tesehuäcuähuätucuaja Tä'o Diosrö! Amén.


O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.


Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.


Yoröiso ya̧tȩ'i̧nä̧ topocö pi̧nö̧ Diosrömä. Ja̧'hua̧nö̧ ja̧'a̧nä̧ tö̧jä̧hua̧tö̧rö̧ repetomenä, Dios ujutucu kö̧. Ja̧'hua̧ta̧nö̧ Diosttö repeähuä jo̧mȩ päi'önä rö̧ä̧cha̧'a̧ ujuturu.


Swiv nou:

Piblisite


Piblisite