1 Timoteo 5:21 - TÄ̧DO Ä̧CUÄ̧ I̧HUȨNȨ

²¹ Dios ä'ca jo̧mȩttö̧, Tu̧ru̧hua̧ Jesucristo ä'ca jo̧mȩttö̧, chutä ȩmi̧nä̧u̧ ángeles ttä'ca jo̧mȩttö̧ pi̧yȩ huȩnȩ cu̧huo̧juȩta̧ pä'ö hue'ösä ucuru. Ka̧ra̧rö̧ ka̧ra̧ttö̧'i̧nä̧ abonänö adihuä i̧sa̧ pä'ö cuamöcuädä'.

Nuevo Testamento Uwotjüja

²¹ Dio'i̧nä̧, Jesucrito'i̧nä̧ á̧gȩrȩ pojopü ȩmä̧wo̧tü̧'i̧nä̧ ttä'ka jo̧mȩttü̧ pi̧yȩ jȩ'kua̧ pä'ü wedinü̧mä̧ o'kajuiyünä̧ ukuoti ja̧'wa̧ta̧nü̧ o'katoi'ünä̧tu̧ku̧tä̧ adiu jȩpü̧ jü̧nä̧tä̧, ya̧tȩrü̧tä̧mä̧ kuesekuoka'a.

1 Timoteo 5:21 Referans Kwoze

2 Pedro 2:4

Angelesrö, suronä jȩpi̧nä̧tö̧rö̧, suronä jȩtti̧nö̧ jȩpö̧ icuocö pi̧nö̧do Dios. Ocurära̧'a̧ do'opö icuinä̧u̧do. Yo̧a̧'a̧ jacuä ttö̧ja̧cua̧ pä'ö do'opö icu, cuoräusanä nö'cö icuinä̧u̧, yodoji Dios ttö̧ja̧rö̧ pojocuä mo̧ro̧ päi'ome jubö.

2 Timoteo 4:1

Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

1 Timoteo 6:13

Jitämä Dios, o'ca toi'önärö tta̧'cua̧rö̧ iyähuä i̧sa̧ ä'ca jo̧mȩttö̧, Tu̧ru̧hua̧ Jesucristo, Poncio Pilatorö adihuä i̧huȩnȩ ji'ähuinö ä'ca jo̧mȩttö̧, ucuru hue'ösä.

Judas 1:6

Yotöte ángeles ttu̧ru̧hua̧ hueinome ttö̧jo̧mȩ jaropi'inätödo. Ttamönä ttoduhuiyä jaropi'inätö. Dios jahuätörö yo̧mȩcu̧ cuo̧rä̧u̧sa̧nä̧ nö'cö ku̧ni̧nö̧, ji̧yȩnö̧ mo̧ro̧ ö̧tä̧bo̧to̧mȩ jubö päi'önä.

2 Timoteo 2:14

Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

2 Corintios 5:16

Ja̧'hua̧nö̧ ja̧'a̧ttö̧ jitämä pi̧jä̧ ttö̧ja̧ ttamöcuädö ta'anö, korotörö amöcuädocotöjä. Pä'äjimä Cristorö amöcuädö, pi̧jä̧ ttö̧ja̧ ttamöcuädö ta'anö, amöcuädinätöjä ujutu'inä. Jitämä ja̧'hua̧nö̧mä̧ amöcuädocotöjä ja̧u̧ru̧.

San Mateo 25:41

“Ja̧u̧nu̧ o'ca'a ja̧u̧ Ru̧hua̧ ieruhua'anä pȩjä̧tö̧rö̧ pä̧cua̧: “Ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧. Ucuturu suronä 'cuäopäcua'a. Ocurära̧'a̧, beipocarära̧'a̧ tätucui. Juhuarä beipocaränä ähuettäcu, umöhuäyotö ángelescu ttö̧ja̧cua̧ pä'ö aditinödo Dios.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

1 Tesalonicenses 5:27

Ttö pä'ösä ucuturu Tu̧ru̧hua̧ u̧ju̧ru̧nä̧. Pi̧yȩ cuyäru ucuocuätucui o'ca toi'önä tö̧jä̧hua̧tö̧rö̧.

San Lucas 20:21

Ja̧'hua̧nö̧ ja̧'a̧ttö̧ pi̧yȩ jäecuä jättepinäcudo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocu huo̧juȩtö̧jä̧, pi̧jä̧ ttö̧ja̧ pätta'a cuamöcuädoca'a. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧.

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Lucas 9:26

Ja̧'hua̧ta̧nö̧ ya̧tȩ ödäpecuttumä ttörö'inä, adihuä chi̧huȩnȩttö̧'i̧nä̧, Ubo I̧tti̧'i̧nä̧ ru̧hua̧ ö̧ja̧ päi'önä Jä'o öadihuänä'inä, adihuänä ángeles ttöadihuänä'inä ichomenä, ö̧dä̧pȩcuä̧cua̧ ja̧u̧ru̧.