1 Timoteo 5:15 - TÄ̧DO Ä̧CUÄ̧ I̧HUȨNȨ

¹⁵ Täcö yotöte rȩcua̧mö̧ jaropi'inätö, ähuettäcu cuettächa pä'ö.

Nuevo Testamento Uwotjüja

¹⁵ Ja̧'wa̧ta̧nü̧ yotukunä̧ rȩkua̧mü̧mä̧ täkü 'kȩ'i̧pä̧chi̧nä̧tü̧, ja̧'wa̧nü̧ 'kȩ'i̧pä̧chü̧ Satanás o'ka'anä̧tä̧ 'chi̧nä̧tü̧.

1 Timoteo 5:15 Referans Kwoze

2 Pedro 2:2

Jitörötä pä̧huä̧ rö̧jö̧ jȩpö̧ kä̧nö̧ ttu̧huo̧juȩto̧mȩnä̧, recuätö ttesetäcuotö jahuätörö. Ja̧'hua̧ta̧nö̧ adihuä huȩnȩmä̧, suräjuä huȩnȩ pä'ö ttucuocuäcuotö.

1 Juan 2:19

Ujututtu jaropi'inätömä yoröiso ujutu isotöcö̧. Ujutu isotö jö̧ttö̧mä̧, ujutucu ka̧cua̧ja̧tö̧. Ja̧'hua̧nö̧ ja̧'a̧ jaropi'inätörö topö tu̧huo̧jua̧ pä'ö jahuätömä o'ca toi'önä ujutu isotöcö̧ pä'ö.

2 Timoteo 4:10

Demas pi̧jä̧ jähuä amöcuädö, ttörö jaropi'inö. Tesalónica ötahuiyära̧'a̧ i̧hui̧nö̧. Ka̧ra̧ Cresente'inä Galacia rȩjȩra̧'a̧ i̧hui̧nö̧. Tito'inä Dalmacia rȩjȩra̧'a̧ i̧hui̧nö̧.

1 Timoteo 1:20

Ja̧'hua̧nö̧ jȩpi̧nä̧tö̧ Himeneo'inä, Alejandro'inä. Jahuätörö hue'inösä ähuettärö, ttu̧huo̧jua̧ pä'ö Diosrö suronä ttucuocu juiyäcua'a̧nö̧.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

2 Pedro 3:16

O'ca juiyönä huȩyu̧tu̧ hueinömä ja̧'hua̧ta̧nö̧ pä'ö huȩyu̧ti̧nö̧do ucuturu. Koromä ttä̧ju̧cu̧ juiyönä jerudo. Korotömä jerupätö'inä, esetäcuähuänä juiyupätö'inä ttä̧ju̧cuo̧ca̧'a̧ttö̧, i̧mi̧cu̧nä̧ ji'ähuätödo. Ja̧'hua̧ta̧nö̧ koro Huȩyu̧cuä̧ Huȩnȩ päa'attö'inä, i̧mi̧cu̧nä̧ ji'ähuätödo. Ja̧'hua̧nö̧ i̧mi̧cu̧nä̧ ji'äu, jitötä ttamönä be'ipächätödo.

2 Timoteo 2:18

Jahuätö iso päi'önä huȩnȩ ucuocuocotö. Jahuätö pä'ätö Diosrö esetätö ttoächäcuähuä mo̧ro̧ täcö 'cuäopina'a. Ja̧'hua̧nö̧ pättomenä, korotömä Diosrö jaropi'ätö.

2 Timoteo 1:15

Ucu huo̧jua̧jä̧, o'ca toi'önä Asia rȩjȩ ttö̧ja̧'i̧nä̧, Figelo'inä, Hermógenes'inä, juhua'atä ttö̧ja̧, ttörö jaropi'inätö.

San Mateo 4:10

Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.