Biblia Todo Logo
Bib sou entènèt

- Piblisite -




1 Timoteo 5:14 - TÄ̧DO Ä̧CUÄ̧ I̧HUȨNȨ

14 Ja̧'hua̧nö̧ ja̧'a̧ttö̧ ttö pä'ösä rȩcua̧mö̧ möäyotörö, ttirecuorö ttȩmä̧cua̧'a̧nö̧. Tti̧tti̧mö̧rö̧ ttu̧ju̧nä̧rä̧cua̧'a̧nö̧. Ttojusodenä'inä adiu tta̧ttä̧rä̧cua̧'a̧nö̧. Ja̧'hua̧nö̧ adiu jȩtto̧mȩnä̧, ttaboiyotömä suronä ucuocuocotö jahuätörö.

Gade chapit la Kopi

Nuevo Testamento Uwotjüja

14 Ja̧'wa̧nü̧ ja̧'a̧ttü̧ mü̧ä̧yotü rȩkua̧mü̧mä̧ ttirekuorü ȩmü̧ i̧tti̧ku̧ ttojusode tta̧'a̧rü̧ ttü̧ja̧kua̧ pä̧wä̧rü̧jä̧ku̧sä̧, ja̧'wa̧nü̧ jü̧ttü̧tä̧ Jesucrito-rü esetokotümä̧ ppättä'choko̧u̧ ttäkuotü.

Gade chapit la Kopi




1 Timoteo 5:14
19 Referans Kwoze  

Ja̧'hua̧ta̧nö̧ nä̧tö̧ möäyotö adiu tta̧'cua̧ pö̧nö̧ ttö̧jä̧cua̧'a̧nö̧. Jahuätömä suronä ttamöcuädö juiyäcua'a̧nö̧. Ttojusodettö ttaditähuä ttaditäcua'a̧nö̧. Ttahuaruhuärö ppättädäcua'a̧nö̧. Ja̧'hua̧ta̧nö̧ ttirecuo hueötä jȩttä̧cua̧'a̧nö̧. Ja̧'hua̧nö̧ jȩttö̧ttö̧mä̧, korotömä Dios i̧huȩnȩ suronä pä'ö ucuocuocotö.


Korotöcu aditätömä ttu̧ru̧hua̧rö̧ adiu ttucuotäcua'a̧nö̧. Ja̧'hua̧nö̧ ttucuotomenä, korotö Diosrö suronä ucuocuocotö. Ja̧'hua̧ta̧nö̧ ujutu tu̧huo̧juȩtö̧ huȩnȩ'i̧nä̧ suronä ucuocuocotö.


Ucu cu̧huo̧juȩtö̧mä̧ huäjunä huo̧juȩti̧ korotö suronä ttucuocu juiyäcua'a̧nö̧. Ja̧'hua̧nö̧ huäjunä cu̧huo̧juȩtö̧ttö̧mä̧, dä'ättö ucuru suronä ucuocuocotö ttäcuotö.


Jahuätömä ttirecuarö ttȩma̧ pä'ö hue'ocotö ttäcuotö. Ja̧'hua̧ta̧nö̧ koro juo̧'a̧ idepä'inä ttucu juiyönä pättäcuotö. Ja̧'hua̧nö̧ pätta'anä, Dios o'ca juiyönä aditinö churu esetätömä, iso päi'önä huȩnȩ esetätömä, Diosrö eseunu ucuocu ttucua pä'ö.


O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.


Ja̧'hua̧nö̧ ja̧'a̧nä̧ rȩcua̧mö̧ möäyotörö ppäcuhuädätucuä'. Jahuätö jitöätä ttamöcuädö jȩtto̧mȩnä̧, Cristorö jaropi'ö, ttirecuorö ttȩma̧ pättäcuotö.


Ja̧'hua̧nö̧ ja̧'a̧ttö̧ u̧mä̧tö̧ ttidepiyu pa̧ja̧cu̧nä̧ ttami iso'quinä surojö juiyönä ttu̧mö̧ cä'epö, Diosrö ttucuocua pä'ösä. Ja̧'hua̧ta̧nö̧ ttahuaruhuärö ra̧huä̧rä̧cuä̧huä̧ juiyönä'inä, amönä rohuäcuähuä huȩnȩ ucuocuäcuähuä juiyönä'inä ttucuocu'a̧nö̧ ja̧'a̧.


Pä'äji jȩchi̧nö̧ ta'anö, jȩchä̧cua̧sä̧ jitä'inä. Ja̧'hua̧nö̧ jȩcho̧mȩnä̧, korotömä “Ujutumä Pablocu yoräteunä aditätöjä” pä'ätömä, adiu esehuocotö ttäcuotö.


Ja̧'hua̧nö̧ ja̧'a̧ttö̧ täcö juhua'a yabo korotörö jarode'ö tucuocu juiyö'a̧nö̧ ja̧'a̧. Amöcuädätucui. Yoröiso suronä jȩcu̧'ä̧tu̧cuä̧' Cristonä cu̧jä̧hua̧tö̧ ucu jȩcu̧'u̧ topö suronä jȩtta̧'a̧cu̧. Ja̧'hua̧ta̧nö̧ suronä jȩcu̧'ä̧tu̧cuä̧' cu̧jä̧hua̧tö̧ surojönä ma̧ttä̧ma̧'a̧cu̧.


Swiv nou:

Piblisite


Piblisite