1 Timoteo 5:1 - TÄ̧DO Ä̧CUÄ̧ I̧HUȨNȨ

¹ U̧mä̧tö̧ tä̧mö̧ böäcuächätörö ra̧huä̧rö̧nä̧nö̧mä̧ cucuocuä'. Ja̧'hua̧nö̧ ja̧'a̧ adiu ucuocu ji'ähuitö, ucuhuätä cuamönä cuä'o a̧'cua̧rö̧nä̧. Ja̧'hua̧ta̧nö̧ ucuocu ji'ähui u̧mä̧tö̧ möäyotörö, ucuhuätä cuamönä cu̧jä̧hua̧tö̧ a̧'cua̧rö̧nä̧.

Nuevo Testamento Uwotjüja

¹ Bü̧o̧sa̧rü̧mä̧ ra̧wä̧rü̧nä̧nü̧mä̧ kukuokuä; ja̧'wa̧nü̧ ja̧jü̧jueimä̧ kua̧mü̧nä̧ kuä'o 'kua̧rü̧nä̧ ttu̧ȩkuä̧nä̧ ro̧'ȩpi̧rü̧; ja̧'wa̧ta̧nü̧ u̧mä̧tü̧ müäyotürümä̧ ku̧bü̧o̧tü̧ 'kua̧rü̧nä̧ ukuokuitü.

1 Timoteo 5:1 Referans Kwoze

Tito 2:2

Pa̧'a̧nö̧ huo̧juȩti̧. U̧mä̧tö̧ böäcuächätömä ttami 'qui'ächi'ö ttö̧jä̧cua̧'a̧nö̧. Korotö ttä'ca jo̧mȩ adiu ttö̧jä̧cua̧'a̧nö̧. Jahuätömä adiu tta̧'cua̧ pö̧nö̧ ttö̧jä̧cua̧'a̧nö̧. Jesucristorö adiu ttesetäcua'a̧nö̧. Ttahuaruhuärö repettäcua'a̧nö̧. Ja̧'hua̧ta̧nö̧ ttami diyaunä ttö̧jä̧cua̧'a̧nö̧.

1 Pedro 5:1

Ttö chi̧huȩnȩ hue'ösä jitämä ancianos huotörö, iglesia ruhuärö tta̧'ä̧rä̧tö̧rö̧. Ttö'inä anciano hua̧sä̧, jahuätö ta'anö. Cristo ubara ttuhua'a topinösä. Ttö'inä jahuätö ta'anö, eseunu chö̧jä̧cua̧sä̧ Cristo ichä̧cuȩ mo̧ro̧ päi'omenä.

Gálatas 6:1

Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.

Tito 2:6

Ja̧'hua̧ta̧nö̧ u̧mä̧tö̧rö̧ möäyotörö huo̧juȩti̧ adiu tta̧'cua̧ pö̧nö̧ ttö̧jä̧cua̧'a̧nö̧.

San Mateo 23:8

“Ja̧'hua̧nö̧ ja̧'a̧nä̧ korotömä ucuturu “Huo̧juȩcuä̧ Isotö” pättö juiya pä'ätucui. Ucutumä o'ca toi'önä ji̧nä̧ yotöte isotöjä. Ya̧tȩrö̧tä̧ Huo̧juȩcuä̧ I̧sa̧rö̧, Cristorötä ku̧nä̧rä̧tö̧jä̧ ucutumä.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

Romanos 13:7

O'ca toi'önärö mitätucui cuimippotä̧u̧ru̧mä̧ o'ca juiyönä. Ruhuotörö pärätä cuimippotö'inä mitätucui. Korotörö ucuotönö jȩpä̧tu̧cui̧.

Hechos 15:4

Pablocu, Bernabécu, ahuaruhuäcu Jerusalén ötahuiyära̧'a̧ 'chä̧hui̧'ö̧ Jesús hue'ähuotö'inä, ancianos huotö'inä, korotö Jesucristorö esetätö'inä esehuinätödo jahuätörö. Pablocu, Bernabécu ji'ähuinätödo o'ca juiyönä Dios jahuätöcu jȩi̧nö̧.

Hechos 14:23

Pablocu, Bernabécu korome iglesia ruhuättö'inä, korome iglesia ruhuättö'inä hue'inätödo ancianos huotö päi'önä ttö̧ja̧cua̧ pä'ö. Ttu̧cuȩ ttucuoca'a Diosrö ucuocuäjä'cotö hue'inätödo Dios, tta̧'cua̧ ttu̧huȩnä̧ri̧nä̧cu̧, tta̧huä̧ra̧ pä'ö jahuätörö.

Apocalipsis 4:4

Ja̧'hua̧ta̧nö̧ ju̧huä̧cä̧ dȩä̧cä̧ tö'cönänöttö veinticuatro jo̧mȩnä̧ dȩä̧qui̧yä̧ topinösä. Ja̧u̧ o'ca juiyönä dȩä̧qui̧yä̧nä̧, veinticuatro jo̧mȩnä̧ ancianos huotö, ttö̧'ca̧tä̧huä̧ta̧ tȩä̧ta̧ 'ca̧tä̧u̧, ttunä'inä ppöttähuä, orottö adicua'a, huȩnä̧rä̧tö̧ pȩji̧nä̧tö̧.

3 Juan 1:1

Ttö anciano hua̧ chi̧huȩnȩ hue'ösä ucuru, chö̧jä̧hua̧ Gayo. Iso päi'önä ttötä repedäcujä.

2 Juan 1:1

Ttö anciano hua̧ chi̧huȩnȩ hue'ösä ucuru chöjähuaju, Dios ȩmi̧nä̧cua̧rö̧. Cui̧tti̧mö̧rö̧'i̧nä̧ te'äusä. Iso päi'önä ucuturumä ttötä repe'ösä. Ja̧'hua̧nö̧ päda'anä'inä ttötä katämäcö̧. O'ca toi'önä Dios i̧huȩnȩ, iso päi'önä huȩnȩ, esetinätömä ucuturu repe'ätö.

Santiago 5:14

Ucututtu ya̧tȩ na̧huä̧chö̧ttö̧mä̧, iglesia ruhuä ancianos huotörö jäepö'a̧nö̧ ja̧'a̧, Dios i̧mi̧nä̧ a̧dȩja̧ huȩnö̧, Diosrö ttucuocuarö pä'ö.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

Hechos 20:17

Ja̧'hua̧nö̧ ja̧'a̧ Mileto ötahuiyänä kä̧nö̧, Pablo hue'inö jittähua pä'ö ancianos huotörö Efeso ötahuiyänä ka̧cuä̧tö̧ tticha pä'ö.

Hechos 15:6

Ja̧'hua̧nö̧ ja̧'a̧ Jesús hue'ähuotöcu, ancianos huotöcu ca̧ca̧cui̧pi̧nä̧tö̧do ja̧u̧ huȩnȩ ttucuocua pä'ö.

1 Timoteo 5:2

Nä̧tö̧ böäcuächätörö'inä ucuocu ji'ähui, ucuhuätä cuamönä cua̧ju̧ a̧'cua̧rö̧nä̧. Ja̧'hua̧ta̧nö̧ nä̧tö̧ möäyotörö ucuocu ji'ähui, ucuhuätä cuamönä cu̧jä̧hua̧tö̧ a̧'cua̧rö̧nä̧ suronä amöcuädäcuähuä juiyönä.